The Sad But True Fact

一個人一世到底可以講幾多個大話？一個人一世又可以對幾多個人講大話？

我最近有個「舊朋友」，佢犀利啦，睜著眼對住20000人講大話。

你可以呃你阿爸阿媽，老婆仔女，但每樣野總會有個上限，大話總會有爆煲嘅一日。呢個世界有種人，喜歡兩面討好，唔做衰人，將個波交俾第二個；但原來社會已經進化左，有啲人仲會利用人地對佢嘅信任，作古仔離間其他人嘅關係，再做埋中間嘅好人，兩面贏晒。

你可以係post左啲踩親人嘅野，然後同人講係第二啲admin post，唔關你事，你已經嘗試幫佢河蟹，跟住繼續係咁出post，仲有得領埋功；你可以同某個admin講，話係另外果兩個admin想踢佢走，然後講到自己好委屈，其實唔想咁樣做，踢走其餘果兩個之後，就會叫番佢留低。

你又可以搵人幫手做野，講好左會有車馬費俾番，之後就話有人想落格，又話分錢係自私行為，然後就可以自己賺晒啲錢，一蚊都唔洗出；你仲可以拎儲備出黎，同全世界講你會搞啤酒節，爭住黎handle個event，然後最後撻左人地個活動，然後大家嘅血汗錢都係晒你度。

某page親愛的admin#1，你近來好嗎？近排你就威啦，champ到爆啦。又話搞啤酒節，又搵人黎扮我 admin魂，同埋queen k，呃左人地個organizer，仲呃埋成20000個dryers喎。點解我地困擾左你咁耐，踢走左我地，又要搵番人黎扮嘅呢？

我覺得自己都蠢左大半年，蠢在信左你，真係想令大家開心，蠢在信左你，留堆營運基金，真係想一齊搞event。道不同不相為謀，如果唔係信錯你，我地唔會訓身咁多時間落個page，同啲events果度，而換黎嘅，只係過橋抽板，反轉豬肚。

本會唔係呢道look forward to你嘅reply，亦無興趣同你玩隔空罵戰，我地只係想幫HKU清理門戶，唔好再等下一屆freshmen再俾人呃。鍾意睇原裝Dry Club，睇魂、Queen K、神仙B嘅朋友，請移玉步到本專頁，如果喜歡瀏覽失去了原本意義嘅Dry Club，咁請你去瀏覽其他專頁吧。

請Like同share廣傳，叫埋你啲dryers朋友支持正牌人馬，放心，我地做嘅野，會證明到我地係admin真人。黎緊的Dry Club，將會有好多新野，請加緊關注！

真正嘅香港年輕人娛樂平台，宜家先正式開始。

後記：

如果上述文章所言屬實，HKUDC的三個原管理員，魂、Queen K、神仙B，對Admin#1深表不滿，指責Admin #1 的罪行如下：

1) 有過就卸。例如Admin#1 曾撰文得罪人，但卻將責任推了給另一個Admin。

2) 有功就邀。例如Admin#1 曾聲稱嘗試河蟹某些得罪人的稿件，可惜不遂。

3) 玩離間，扮好人。例如Admin#1 曾利用別人對自己的信任，捏造是非，離間管理團內的「叛徒」，然後以中間人的身份勸架。

4) 佢呃人。例如Admin#1 曾交託任務給其他管理員，並承諾會給付車馬費，最後出爾反爾。

5) 裝神弄鬼，擅用資金。例如Admin#1 曾找人冒認admin魂與Queen K去籌備「啤酒節」，欺哄這個活動的總監，並擅自挪用營運基金，最後獨邀其功。而現在HKUDC內的Admin#魂、Queen K 只是冒認者，已非其正身。

而三位Admin，包括魂、Queen K、神仙B，已聯同六師弟另建一個HK Dry Club，和HKU Dry Club分庭抗禮，隔空罵戰，孰是孰非，請君自行判斷！