世上無永遠嘅敵人

世上無永遠嘅敵人，亦無永遠嘅朋友。

當初諗住整個HKU版9gag，既然寡佬會唔比我做admin，我咪開一個囉 (no offence to 寡佬會)，開咗個page，我第二日就搵你，問你做唔做，一直以來我哋合作得好好。

上年4月尾，我分咗手，無心情搞個page，你哋幫我頂住，當時我真心當你係兄弟，有人插我哋，你安慰我話佢哋只係loser，後來我搵咗新admin加入，佢叫我小心啲你，我好有信心你係一個好人，我無理佢嘅advice。

請你入嚟之後，我跟你學左好多野，呢度欠你一句多謝，幾個月後另一個admin加入，開頭你潛咗水，暑假我又去咗歐洲做義工，冇理你咁多，後來見你開始打下長文，又幾受歡迎喎，幾好，又多一個好幫手。

可惜好景不常，上年年尾賣完hoodie之後開始，你哋開始同我講對方幾衰幾衰，

你哋都係我搵番嚟，我當然想你哋好番，大家繼續開開心心寫下post咪幾好，

我特登買咗啲HR書，睇下點解決問題。

好辛苦做完和事佬，先發現原來你哋背後其實夾埋整我，原來和事佬，為大局著想，另一個名叫做兩頭蛇，後來發生咗好多事 我諗我要寫個Dry Club演義先講得完，路遙知馬力，日久見人心。

一個人可以對班crew懶親切，bb前bb後，噓寒問暖，背後對住我侮辱佢哋話，佢哋只係「無腦嘅free slave」，叫我開會唔好聽佢哋講嘢，之後嫌我幫住佢哋，開會嗰陣拍枱走人。

一個人可以因工作亂搞男女關係，之後做埋人第三者，撬牆腳失敗之後，出post扮專家、扮好人、扮失戀，呃好多like，分分鐘呃埋你哋。

一個人可以whatsapp引我講錯嘢之後，cap圖斷章取義，send比crew睇，話我幾衰幾衰，一個人可以搞完party之後，攞人哋枱啲receipt，開咗兩萬幾蚊公數，兼贏埋面子。

一個人可以用我個署名，攻擊人哋page 朋友，急call我先知咩事，而家連組爸組仔都冇得做；一個人同出面sponsor傾嘢，有枱底交易之後，sponsor問我發生咩事，先東窗事發。

一個人可以不動聲色下，改晒dry club email，facebook account啲密碼之後，加埋自己email，電話做backup email之後，同我講話無改過，本身搞啤酒節，俾錢整紀念T shirt，點知差啲唔夠錢，個陣我話之後活動，唔可以再分錢，有人話「我無晒motivation喎」，點都要比返啲錢我做車馬費。

於是我問佢一個project賺到一萬蚊嘅，佢話要幾多車馬費，你話要 $5000；同場加映，3個admin互相ｄｅｌｅｔｅ 對方啲post 之後，話係我做，各自拉攏crew 講另一個admin同我的壞話，我分唔清你哋幾時真不和，幾時系度扯緊貓尾…

夠喇，你會話欲加之罪，何患無辭，況且，要整個假嘅whatsapp同fb chat record，談何容易，你要攻擊我同我嘅admin，crew 總有一萬個理由，不過我無後悔炒左你地。絕。對。無。你哋真係令我見識到，人性最醜惡嘅一面，呢度欠你地3位一句多謝。

HKU Dry Club，係一個提供歡笑同希望比Dryers嘅地方，我哋有嘅係passion

，我哋鍾意玩，鐘意得意嘅idea，我哋有個共通嘅夢想，就係HKU Dry Club，有朝一日會成為我，crew同admin嘅grad job，不過係香港，無錢就咩都無！

作為一個self finance嘅organization，無SU subsidy，無CEDARS funding，要籌措資金，唔賣hoodie，我哋可能可以喺街頭賣藝，又或者整個籌款箱，慳水慳力，

不過明知場地物流、包裝聯絡、核數refund、送貨道歉、幾辛苦我哋都選擇咗前者，最後反應咁，好係意料之外。

有人問而家page入面嘅admin，係咪假扮，如果Dry Club係一齣戲，admin就係入面嘅角色，大家一齊諗好idea，諗好下星期出咩，最後交比admin自己演繹。好少人知道harry potter個鄧不利多嘅演員，喺拍完第二集就過左身，之後幾集其實都係另一個演員，不過重要咩？喺大家心目中，鄧不利多都係一個慈祥嘅智者。

Admin都係一樣。從來無真假admin，只有真假Dry Club。不過我哋嘅Admin，至少比三位so called「原裝」少啲人格缺陷，唔會跣其他人一鑊之餘，仲互相扯貓尾，最後開個新壇，站在道德高地攻擊我哋。

老老實實，開個page，完完整整將HKU Dry Club嘅一套搬過去，想要做一個成功例子既follower，其實不難。你我都可以做到。我地係一群有夢想，有信念既大學生，亦知道總會出現有興趣者仿效。仿效唔緊要，其實idea好多人都有，最重要係心中那團火。

香港絕對容得下2個，或更多嘅Dry Club寡佬會9gag。如果你想，inbox我哋傾吓合作又點話？不過，HKU Dry Club一定容不下三個食碗面反碗底嘅人。我自知文筆唔及某page admin魂，咁好咁煽情，呢度講嘅嘢信不信由你，歡迎大家喺下次function，向任何一位crew查證內容真偽，佢哋會好樂意答你。

請各位廣傳，like同share呢個post，撥亂反正，多謝你三位嘅出現，我哋一定會令HKU Dry Club繼續發熱發光，呢個先係一個有理想，有諗頭嘅Dry Club，HKU DRY CLUB。