難唸的經

2014/03/20 10:49:09 網誌分類: 親情
20 Mar

新一期刊物報導:一富婆女藝人,過年祇掉低一千蚊俾阿爺、阿麻!

早前亦有報導:一男藝員老豆生活拮据、住公屋、住公立醫醫!佢老婆癌症,住私家醫院,男藝員每天探望、更為左老婆醫藥費濫接戲拍。

一般人睇倒呢類報導,第一印象當然係認為藝人唔啱、涼薄,特別係果啲響幸福環境中長大嘅人----響佢地心目中,天下無不是父母(因為佢地冇幸,未遇過);但係,呢個世界上真係有不是父母架!但係冇親身感受過,係唔會相信嘅!

我跟兩個藝人都唔認識,猶其是女藝人,雖說是歌星,我連佢唱過咩嘢歌都講唔出!至於男藝員,佢嘅電視劇我睇唔少,但係亦唔認識佢!

不過,如果一個人對患重病的妻子都可以不離不棄,此人壞得去邊?骨肉親情,如果冇發生過一些刻骨難忘的事情,又何至於子不認父?有冇諗過果個父親有冇曾經嚴重傷害過個仔?

至於女藝人果單,女藝人父母一早離異,她隨母長大,父親及其家人冇盡過任何責任(報導),那又何來責怪女藝人冇照顧番轉頭?女藝人即使大把錢,唔代表佢要分俾你駛!

當然,呢啲都祇係報導,有可能同實情有偏差!但係,你睇吓姓梅果個,就明白天下間絕對有不是父母啦!

講完又等住俾人鬧。不過,套用一句:「子非魚、焉知魚之苦!」

回應 (3)
我要發表
2014/03/20 15:45:39 回覆

同意妳們所講,家家有本難唸的經,家事係外人難以明白的。 {#iconb_235}

2014/03/20 12:20:22 回覆

家家有本難念的經,有問題唔一定係後生嘅錯,老人處事不公或尊橫固執都係令兒女敬而遠之嘅原因,怪不得人.

睇過男藝員單新聞,直覺男藝人有理!

2014/03/20 11:27:20 回覆

今次我同意你所講,一分耕耘一分收獲,無付出就無回報。(有時付出都無回報)點解咁講,我眼見身邊一個六十歲才出來揾工做,覺得佢很可憐。但知道佢既過去與為人後就深深明白無付出是難有回報!年青時無為家庭犧牲,晚年難享家庭樂!記得我在醫院做義工時,見到一位老人家無人接佢出院,要社工幫佢揾老人院,我以為佢無仔女,社工話佢有五個仔女,好奇怪為何仔女唔理佢?社工只講左一句,有時都要問佢年輕時做過什麼?呢件事一直在我心中,女兒在醫院做左超過十年,見到很多事,我同她傾偈曾接觸呢個話題,佢都話不要睇表面,真的要睇果位老人家年輕時做過什麼!

user