21~25/3 收市展開反彈
21/3 周五恒指緊貼5天線, 挑戰10天線, 收21436 升254點, 升勢有望延續
內地股市急升, 帶動國指收復10天線, 大幅跑贏恒指 收9427 升224點
~ 朝早已聞到掃貨味, 昨日見港匯上升已知港股正醞釀反彈, 午後起動, 內銀.內房.煤炭等資源股爆上, 並非富時指數調動影響的股份, 真係有資金掃中資殘股, 如下周內銀.內險.內房.油股繼續走強就可帶動恒指更上一層樓, 未來一周是中資金融股公布業績的高峰期, 如績差豬扒股都掃上就係大市向好先兆, 可能有資金入市炒阿爺救市
~ 3月恒指波幅一達標就觸底回升, 加上轉倉/結算/季結, 點睇下周都要升, 春分變盤會有起碼800點升幅, 今日大升代表確認反彈趨勢, 根據2月5日恒指做第一隻腳的反彈形態, 觸底後會連升兩日, 跌一日再升過
~ 國指無論升跌一向都係先行者, 國指今日率先收復10天線, 相信進一步收復20天線9555冇乜難度, 亦預示恒指將會重上10天線21615, 恒指由22986跌至21137, 反彈黃金比率0.382倍可見21843, 0.5倍可見22061, 與20天線相若 (28/3 補充: 恒指高位22143, 已反彈0.5倍, 下一站50天線22200)
~ 中長線港股仍未見底, 但短線來說, 2月5日恒指做左第一隻腳21197, 3月20日做埋第二隻腳21137, 雙腳企穩將會展開強勢反彈, 綜合各項指標, 港股反彈勢頭是確認了, 恒指由 8個月低位反彈, 一定會見 22000, 以大鱷的一貫作風, 一露出真面目就會扯住上, 三扒兩撥就衝上去 (後記: 大鱷用左4日沖到上22006)
~~~~~~~~~~~~~~~~~~~~~~~~~~~~~~~~~~~~
向裂口 21630-21743, 22019-22198 進發
~ 2月初恒指跌穿22000後, 6日後就重上22000, 今次恒指失22000已達8日, 反映今次跌浪沽壓沉重, 但相信幾日內就會飆上22000, 順便回補兩個下跌裂口 (後記: 恒指26/3高見22006)
~ 春分預示有大變, 今日已聞到浸味, 連日本都放春分假期, 呢個節氣唔簡單, 今日港股強得不尋常, 唔好看輕春分的威力, 起碼會有800點變幅, 21137(底)+800(起碼變幅)=21937, 所以回補兩個裂口機會大 : 21630-21743, 22019-22198,
~ 踏入3月最後一周, 今次恒指反彈我估大鱷會盡量推上去, 突破22000冇乜難度, 能否企穩就要睇扶持政策力度, 恒指連續三個月每月波幅都係1700點, 所以今個月收得高才能避免四月跌穿21000, 根據史哥分析, 恒指造頭肩底中, 以頸線21650 計, 反彈目標可見22250
~ 近排手風唔順的期指高手奇哥周五剛開了淡倉, 佢係明燈, 代表港股會向上跑, 夜期收大高水214點, 睇adr冇跟美股跌, 相信下周一大鱷又會出絕招裂口高開殺淡友, 能否企穩高位就要看PMI及內地股市表現
~ 一般來說, 道指跌, adr 都會跟跌, 但周五美股臨尾香, 但adr仍大升151點, 反映好友屠熊刀已出鞘, 在adr先出手就可影響港股周一的開市位, 根據過往數據, 恒指收市都係跟 adr 收升居多 (後記: 24/3 周一恒指收市急升409點)
~~~~~~~~~~~~~~~~~~~~~~~~~~~~~~~~~~~~
港匯.人民幣雙雙回升.利好中港股市
~ 港匯彈得好急, 極為吊詭, 疑似有資金流入, 唔知係乜原因, 一般來說, 港匯弱利淡.港匯強利好, 人民幣亦止跌回穩,
~ 周四大鱷有意打穿2月低位21197, 低見21137制造恐慌, 所有分析一面倒稱確認跌勢, 引晒淡友出黎, 沽空急增至12.6%, 為一個月以來最多, 亦是連續四日沽空超過10%, 挾淡時機已成熟,
~ 發改委表示今年GDP增速7.5%目標有難度, 或只能實現7%左右增長, 其實中資股有好大問題, 中國經濟轉弱不是發優先股就能解決, 中資股只係跌到殘借勢反彈, 彈上去就會見壓力, 國指強.港股升勢未完, 但當國指動力轉弱就要小心
~ 恒指已連跌3周, 自去6月25日見底19426以來未試過連跌四周, 所以未來一周恒指會收升 (28/3 補充: 恒指全周大漲629點, 好友全力反擊, 結算日急升231點, 輸少好多)
~ 恒指22839見頂回落, 量度跌幅要見21450, 走鬼市通常會跌突幾百點, 3月20日低位在21137, 剛好夠數, 恒指已連續兩日收低過21500, 國指連續三日走強並收復10天線, 預示恒指即將重上21500 (後記: 24/3 周一恒指收21846點)
~~~~~~~~~~~~~~~~~~~~~~~~~~~~~~~~~~~~
政策扶持.內地股市觸底回升.利好市場氣氛
~ 周一上午9:40~9:50公布匯豐3月中國製造業 PMI 初值會左右大局, 開市會特別波動, 拋上拋落, 上次公布的匯豐2月中國PMI 終值跌至48.5, 創七個月低位
~ 和黃由去年7月起一路炒分拆, 亦帶動長實飆升, 長和升到過晒籠, 股價跑贏大市, 如今不但有排都冇得分拆, 仲大平賣益淡馬錫, 大幅拉低和黃股值, 利淡, 周一長和表現亦會左右大市
~ 中移急瀉拖累恒指 47點, 但恒指仍高收 254點 (昨日跌 386點), 國指大升 224點 (昨日跌 157點), 今日港股勢頭好靚, 有心有力, 好友大鱷已出招
~ 暴力哥力守2000大關, 上証綜指結算日報復式反彈大升2.7%, 為4個月以來最大升市, 分析指係受優先股政策刺激, 我估有可能係為 ipo 護航, 上証綜指50隻成份股都可發優先股, 首批發優先股大型內銀先行, 連石化雙雄.國壽都有份, 又有炒作藉口
~ 隱憂是: 優先股政策早前已公布, 亦炒過一浸, 今日正式落實, 相信國壽早已收到風, 如果政策能令中資股起死回生的話, 為甚麼國壽賤價走貨? 市傳國壽贖回200億人民幣股票基金 (後記: 24~28/3 上証綜指持續在2050穿梭, 未見突破, 似有所待)
~~~~~~~~~~~~~~~~~~~~~~~~~~~~~~~~~~~~
港股大成交急升必有後著
~ 早幾日我話港股未能作出大反彈只係時辰未到, 原來大鱷早已揀左個吉日, 內地股市今日不會在低位結算也在大鱷的計算之內, 有上證綜指做後盾, 要撩起港股就更得心應手, 因為股民一定會信內地有料到, 這是捉心理
~ 港股成交$917億, 尾市比平日估計多了約$160億, 扣除富時指數調動後凈肉都有$757億, 好友趁大成交出手係營造震憾性, 亦加強了觸底回升的說服力, 逼淡友平倉, 這亦是大鱷的一貫作風, 今日的掃貨盤可能係 1) 有資金趁低吸納 2) 買賣盤來自富時指數調整 3) 淡友沽空補倉 4) 短炒博反彈
~ 港股跌至強力支持區21100附近, 唔理消息真偽, 有乜風吹草動就會觸發大反彈, 一直都話恒指跌穿21500通常都不會長久, 會係急跌急彈, 港股價值浮現吸引投資者入市, 今日恒指收市大升254點, 是今個月以來最大升幅, 已扭轉劣勢, 利好下周
~ 有分析指耶倫加息言論嚇親投資者, 或會有補鑊言論, 穩住市場信心
~~~~~~~~~~~~~~~~~~~~~~~~~~~~~~~~~~~~
~ 自從恒指跌穿22000, 沽空比率一直只得9.5~10.1%, 太少了, 大鱷話挾淡冇肉食, 跌穿大位幾日, 但沽空仍未見增加, 反正殺牛熊未夠交數, 大鱷只好繼續向下屠牛, 到3月中, 特登連21500都插穿埋, 下試2月低位21197, 所有分析即刻一面倒指確認跌勢, 引晒淡友出黎, 沽空當堂急增至9.7~12.6%, 一直等候的挾淡時機終於來臨, 大市掉頭向上屠熊
~ 自從見識過二月恒指由21197大幅反彈1642點見22839, 我已經明白到股市無絕對, 虛火都可以燒得好熾熱, 睇市要逆向思維, 港股一級級落, 中線向淡但短線仍可作出大反彈, 每個月尾都係由轉倉及結算主導大市, 唔跟章法, 大鱷話點就點
~ 以往內地有扶持政策出台, 例如三中全會.兩會.單獨二胎......大鱷就扮到好興奮, 撩高相關股份, 營造市場氣氛, 但升到上高位就一路派貨, 最終股份都係碌番落黎, 投資者不見得會因為有扶持政策就改變看淡中國的態度, 我認為大方向港股利淡, 但現階段正處反彈勢頭
~ 過去兩年恒指的全年波幅約有4600點, 到今日為止2014年的波幅只得2332點, 遠遠未達標, 三月恒指已確認見底, 但今年計仍未見底, 但亦無需一步到位, 可能係跟隨縮減買債步伐一路尋底, 今年我睇會見20000點, 大鱷鍾意跌下彈下派貨, 所以急跌亦會急彈, 炒下上落市, 港股係有病, 但阿爺出手中港股市就可以癲番一陣,
24/3 周一恒指收復10天線, 收21846 急升409點 明日會見沽壓
內地股市續升, 帶動國指收復20天線, 大幅跑贏恒指 收9695 升267點
風水輪流轉, 好友復仇, 港股一升到尾, 愈升愈有, 誓不放生淡友, 港匯強勢持續, 加上人民幣絕地反彈, 急升362點子, 報6.1888兌一美元, 創2012年3月以來最大單日漲幅, 帶動中港股市爆上, 恒指急升409點, 為去年11月以來最大單日升幅
今早公布的匯豐2月中國PMI 初值跌至48.1, 差過預期, 亦是8個月低位, 好屎! 但有分析指阿爺明知數據差, 所以刻意在公布PMI前出招撐市, 亦會陸續出台扶持政策, 市場壞消息當好消息炒, 大鱷亦有備而來, 所以預先抽高港股, 早段窒一窒咬住10天線就重拾升軌, 港股近全日高位收
2月低見21197觸底反彈初段升勢唔算急, 留前鬥後, 但今次一起動就爆上, 唔知同期指轉倉及結算有冇關係, 今日尾市伸多一腳上去係唔係預留明日回調水位呢? 畢竟周五才結算, 冇必要太早闖關, 而2月觸底回升都係升兩日就回調一日約16%, 預示明日恒指會下跌約106點, 明日係周二人行例牌抽水日, 馬航確認已墜毀壽險企業亦要啟動賠償機制, 中資股業績欠佳亦會有壓力, 市傳4月上旬內地重啟IPO (25/3 恒指收市跌114點, 大鱷真係計住條數黎部署)
港股連續兩日急升至現水平就沒有那麼一帆風順, 蟹貨出籠會窒礙升勢, 中資股累積龐大跌幅, 一彈就會引來沽壓, 基金經理會否趁反彈走貨? 到結算完又如何? 今日PMI好屎, 跟住下周二內地公布官方PMI, 上次係50.2, 到時又會點走呢? 淡友威左三個星期, 到口肥肉會不會雙手奉還呢? 另外亦有分析指恒指於21500樓下成交不算多, 就算係雙底都唔穩固, 反彈完仍要繼續尋底
~~~~~~~~~~~~~~~~~~~~~~~~~~~~~~
國指強弱是關鍵
今日港股成交高達$745億, 當中國指佔$183億, 而上周五國指佔$192億, 但上周五有富時指數谷大左, 所以今日國指成交係大得不尋常, 連業績差的股份都爆升, 同基金季度結有冇關係呢? 抑或係資金入市炒阿爺救市呢?
今次港股反彈升勢好急, 其實係早前走鬼跌過籠, 夾硬插穿21500, 急跌就會急彈, 只係作出修正重上價值區, 但升近22000蟹貨就會出籠, 所謂利好政策帶動中港股市向上, 亦未必能持久, 另外未來幾日是中資股公布業績的高峰期, 業績好壞大家心裡有數, 美股高處不勝寒, 離頂部不足300點, 向上空間細, 納指上周五急跌0.98%, 跌到有點走樣, 如美股繼續作出調整, 亦會對港股構成壓力
受優先股方案.房企再融資開閘及 A 股止跌回升刺激, 港股連續兩日爆上, 但並非靠強勢股領軍, 反而係靠一眾咸魚翻生的舊經濟股份, 大鱷借勢挾弱勢股淡倉, 睇下內地PMI真係好得人驚, 其實舊經濟股前景堪虞, 上証綜指連升兩日有成交配合, 真係死過翻生, 如內地股市升勢持續, 亦有助港股挑戰22000/10000, 阿爺好.港股才會好, 但市傳內地4月上旬將重啟IPO
春分起碼會有800點變幅, 21137(底)+800(起碼變幅)=21937, 今日恒指高位21867, 非常接近, 恒指由22986跌至21137, 反彈黃金比率0.382倍可見21843, 亦與今日高位相當接近, 所以明日會見沽壓
25/3 周二恒指收21732 跌114點, 下跌是為了上升鋪路, 反彈在望
國指連續五日跑贏恒指 收9690 跌4點 強勢持續
按照2月5日港股見第一隻腳的反彈模式, 明日港股會係升市, 以大鱷的一貫作風, 會係升突今日的跌幅, 今日港股下跌股份比例高得驚人, 擺明係托沽, 資金大轉移, 由新經濟股換入一直備受冷落的傳統舊經濟股, 沽出升到癲的高危股獲利套現, 既可避險, 亦可登上正開動的舊經濟股列車, 而舊經濟股有不少都是成份股, 資金追入將會推動港股進一步向上, 港匯強勢持續亦配合港股反彈浪,
今日跌市目的係要回氣, 消化急升後的沽壓, 托住指數掩護出貨及換馬, 亦要轉倉及部署結算位, 大鱷擺明要守住21700, 不想拋離22000太遠, 靜候催化劑的出現, 準備隨時向上突破, 老規矩觸底回升展開反彈浪不容許連跌兩日, 昨日急跌的歐美股市今晚亦有望作出反彈, 有利明日港股裂口高開搶先機, 但前跌浪的0.5倍黃金比率22061, 下跌裂口22019~22198和20天線全部集結在22000邊, 阻力非輕, 相信不能一擊即突破, 要先試試水溫探路
今日國指高位9779, 如能突破3月高位9882, 會見10000 (後記: 28/3結算日國指高見10056)
今日恒指高位21858, 距離3月頂22839好遙遠, 相差千點, 向上阻力重重, 下一站先睇22000及22200 (後記: 28/3結算日恒指高見22143)
~~~~~~~~~~~~~~~~~~~~~~~~~~~~~~
3月尾公布業績股份(部份):
24/3 安徽海螺水泥.康師傅.石藥
25/3 國壽.農行.世茂房地產.粵海投資.青島啤酒.達芙妮.江西銅業.雲遊控股.國航.蒙牛乳業.中航科工.中國建材.株洲南車.恒安國際.中遠太平洋.中交建
26/3 中國糧油.徽商銀行.中興通訊.新華人壽.中銀香港.中國銀行
27/3 信行.招行.工行.中國信達.九龍倉.第一拖拉機.儀征化纖.維達國際.中國鐵建
28/3 建行.重農行.民行.中國太保.中國人保.中國財險.中海油.中國神華.會德豐.中國鐵建.中國南車.中國興業太陽能.南航.紫金礦業.中聯重科
31/3 中國光大控股.恒大地產.上海實業.北京控股.招商局國際
回顧恒指兩次觸底回升後表現, 都是大漲小回:
2月5日 見底~第一隻腳 3月20日見底~第二隻腳
2月6日 升153點 3月21日升254點
2月7日 升213點 3月24日升409點
2月10日 跌57點 3月25日跌114點 (如回吐升幅16%=106點)
2月11日 升383點 3月26日升155點
2月12日 升322點 3月27日跌53點
2月13日 跌120點 3月28日升231點 (期指結算)
2月14日 升132點 3月31日升85點 (基金季度結)
一注又冇錢喇
,史哥頭肩底破頸仲沽?
做乜一個二個上南車, 賴低我係度呀! 四行業績交到功課, 我唔捨得沽住, 今日恒指試水溫掂一掂50天線, 明日恒指會上到50天線咖喇! 睇下PMI生唔生性啦! 而家好友主導大市咖!
今日最後二十分鐘成交比平日多約$30~$40億, 其實最後5分鐘一般都有$50億
soho , 5 該哂火星既解釋。我以前 5 會留意尾市成交，而家學習中，今日最後 5 分鐘，竟然有 60 億咁多！！！我都上左南車，007 put........ 納指超賣？？？5 好丫..........
karl, 港股累積龐大升幅, 加上期指結算/基金季結完成, 本來應該調整, 但大鱷可能會壞消息當好消息炒, 好消息當好消息炒, 又或者係即市調整/以橫行代替大幅調整, 上証綜指四連跌相信會有反彈, 月初例旺, 淡友多要殺, 講來講去都係未升完, 繼續尋頂
史哥 你轉車拿~.~我put左國指,呢幾日好痛啊,痕指已見22244,短期系咪要調整下?
soho 明天9:00有官方PMI,你可唔可以叫你統計局D朋友幫幫手,跌穿50牛熊線救下淡友阿?
真係轉左車喇? 上半場國指見壓力, 但午後好友一腳踢番上去近全日高位收, 升埋今日腳趾已是九連強咯!
科網股略為反彈, 納指超賣今晚有得彈呢噢!
今早恒指高開一度突破50天線打回頭, 我就話係試水溫, 如果係冇力, 就唔會收22151, 應該插穿左22000啦! 港股今日兩度急跌急彈, 好友真係咬住22000/10000唔放, 國指連續9日跑贏恒指, 強爆! 恒指地產分類指數升1.2%, 跑贏大市, 工中建三行領漲,
睇午後港股勢頭, 係受道期及歐洲股市開波帶動急彈
Soho.. 腳趾已八連強而日線RSI 又快超賣，再加上亦快到反彈61.8% （222-3） 所以我決定今日落車，唔排除短坐南車目標219-8...
依家炒股有賺就要走，無謂貪
18兄, 想當年炒股講基本因素, 而家係亂飆, 失驚無神轉向, 大鱷話點就點, 唔經唔覺我地都做左起碼6年戰友, 幸好大家仍有戰鬥力
友仁大大好沙膽, 竟敢來我家搶客
少林足球 ~ 趙薇光頭 look 扮男人出賽, 造形像火星人
周星星對剃光頭的趙薇說: 你快Ｄ返火星啦！地球好危險架！
引申星爺的經典對白, 我地將地球比喻港股, 係好危險的戰場, 火星比喻安全地方
不賭是贏錢, 離開地球即係唔炒喇, 返左火星大鱷都冇你符
火星？？？我真係 5 知咩尼？soho 叻叻 ！！股同𧗠生工具我都有玩。祝下星期大家繼續賺多 d，如果南車準備開，麻煩各位大大提早揚聲
友仁, 謝謝你的挖角邀請, 地球對我嚟講仍然安全, 等我搵夠移民退休金, 就去火星跟你學習, 你幫我留定位啦!
irene,努力学习中，不如你地都去火星学习啦！嗰庶个个高手，唔会输俾大鳄，一次都唔会！
我自从一月初去咗，係呀！我真係去咗架！一次都冇输过！
soho，唔好意思，我好似见到有啲友有友仁嘅影子，好有潜质，即刻开声挖角。。
soho姐，我記得當年係大廳你做翻譯，因為史哥真係唔識打中文，但佢又係識中文，依家佢用到中文好似係手寫？haha，唔經唔覺都已經6年。當年係大廳既戰友都消失得7788。係有幾個間唔中浦頭。
soho,
港股係玩上落市,MPF唔出入吓,就食紙架
重看上面 21~25/3 收市展開反彈 網誌, 大鱷係完全跟足劇本而行, 準確度超過九成, 點解 soho 一個星期前已預測到大鱷的心意? 其實大鱷的作風一直不變, 歷史正不斷地重演, 散戶要戰勝大鱷一定要先了解大鱷的手法,
中海油近日係領漲股之一, 但業績好鬼屎, adr 見沽壓, 未知會否拖累下周一油股表現
呵))) 原來你地一個二個都炒衍生工具, 只得我凈係炒正股
soho 初出道時毛遂自薦做史哥的隨行翻譯官, 當時史哥用英文講股, 所以我就將全文譯成中文版, 方便網友瀏覽, 後來史哥用中文留言, soho 從此就失業喇! 只好自立門戶開blog, 短炒搵兩餐
妳又知我北上緊？ 無錯我就喺本週二2171x 上車的 ==> soho 在214xx及217xx唱好, 我係史哥徒弟仔, 屬同一派, 多多少少都估到一d既
soho, 真失禮! 我冇策略, 只係有朋友俾消息, 我咪研究一下, 認為可入就入. 如果覺得未係時候, 就買少少遠價遠期牛熊, 搵番餐晏仔. 我只係係大鱷口邊搵少少食.
我上午食左，不過下午見唔對路就再入反，成手好倉
Soho.⋯ 妳又知我北上緊？ 無錯我就喺本週二2171x 上車的⋯
soho & 各位師兄師姐晚安
我都無面見你 : ( 自從癢指由 211xx 開始上升到而家，soho 你已經提示我地，我慢 10 拍，向 218xx 入左騰順 call ( 見佢連跌 3 日) , 今早升得 5 多靚仔，賺左個午餐即放！唉 ....... 睇不通，睇不透！！！我向𧗠生工具交左勁多學費，所以我想跳班，快 d 畢業 ( 不知何時？？) 点都好，soho 講得啱，賺左經驗 : ) 大家加油！！！
18兄, 回下比你再入? 你吃左喇? 我剛同大鱷飯局, 佢地話仲未夠交數, 要繼續屠熊
cashin, 你好似當 MPF 係短炒股 kakaka
irene, 努力學習中, 快d出黎講股, 有乜策略? 你地炒正股抑或係衍生工具? 網友對大市的看法都係我的測市指標
史哥, 你是否在北車嘆緊咖啡? 轉車唔該通知一聲
哈)))) 花姐真了解 soho,
karl, 看淡時衰貪心, 看好時衰擔心, 食糊時機掌握不好, 壞了大事, 但你賺了經驗, 為往後的成功打好良好的基礎
我覺得炒衍生工具好難, 我做大市預測要睇十幾項指標才能下定論, 只得一.兩個指標轉勢我只會提高警覺, 而唔會確信, 如果等我睇晒所有指標都蚊瞓啦! 早已俾大鱷斬開左九件喇! 所以我只能買賣正股
要經過磨練才能有堅定的信心, 我地有打不死的戰鬥力, 永不言敗的精神, 趁周末檢討策略, 估下大鱷點寫劇本, 唔好凈係信技術分析, 無論升跌, 當大成交殺到, 又或者有新政策, 乜鬼阻力或支持都擋唔住, 我估四月份中港股市會係政策市
冇錯, 根據統計, 周五及周一都係拆倉高危日, 但今次兩日撞正期指結算及基金季度結, 萬大事有大鱷頂住
soho 我無面見你...
點解? soho唔會睇低人架,放心!
三月期指結算價為22077
三月H股指數期貨結算價為10021
28/3 周五恒指收市升231點 收22065, 國指升128點 收10001
周五結算日, 國指連續8日跑贏恒指, 打破過去兩年記錄, 中資股仍見資金流入, 國指繼續大幅跑贏恒指, 港股升勢未完, 初步估計下周會係升市,
今日恒指高位22143, 未全數補回22019-22198 下跌裂口係留番下周, 係大鱷的刻意安排, 並非唔夠力上, 大鱷今個月仲未殺夠牛熊交數, 我有信心呢個裂口一定會全數回補, 可能係出絕招裂口高開殺上去
25/3 周二恒指收21732 我的網誌寫新經濟股走鬼, 資金流入舊經濟股, 由於舊經濟股有不少都是成份股, 資金追入將會推動港股進一步向上, ==> 今日終於有財演講呢段說話, 不過係恒指升穿22100才說, 後知後覺
港股企10天線+國指強+第二季政策市==>不可造淡
中國經濟轉弱, 但公布好鬼屎的數據中港股市都死唔去, 因為分析師一面倒唱阿爺會救市, 例如減 RRR, 推利好政策等, 壞消息當好消息炒, 目的在推動大市向上,
~~~~~~~~~~~~~~~~~~~~~~~~~~~~~~
~ 以大鱷的一貫作風, 22000上得黎就唔會落番去, 萬一穿左都走不遠, 頂多去到21900, 夠力水的話就會盡量推升, 拋離22000大關起碼200點
~ 睇下有幾多當炒的指標成份股已升穿或即將升穿50天線, 就會知恒指幾時上50天線22200, 一般來說, 收市企22000, 就睇多500點
~ 史哥早前曾說量度升幅會見22250, 大鱷通常會升突幾百點, 剛好又係22500
~ 到22500阻力好大, 但亦未必係頂, 到時睇下外圍市況及阿爺的政策, 再見步行步
~ 以恒指第二隻腳21137計, 當時港匯由弱轉強, 假設係資金流入炒港股, 最少要1500點才夠轉身, 21137+1500=22637, 3月頂部在22839
~ 總結上述不同的推論, 恒指重上50天線22200問題不大, 下一個阻力在22388-22604下跌裂口, 蟹貨出籠區, 回吐壓力會增加
~ 美股方面, 納指跌親腰骨要療傷, 拖累科網板塊表現, 近排美股大多係開市初段沖高跟住一路碌落黎, 都係沽貨食糊格局, 美股累積龐大升幅, 基金季結埋數鎖定利潤及換馬, 估計踏入四月開新局, 壓力會略為紓緩
抹乾眼淚再部署報仇大計
soho 我無面見你...
太早反手了,抵打 
上半場好友已搶佔先機, 恒指半日升279點 收22113, 國指升152點 收10026
28/3 周五結算日, 國指連續8日跑贏恒指, 打破過去兩年記錄, 帶動港股向上
在反彈勢頭當中不會連跌兩日, 今日高收無懸念, 一定會收22000樓上, 下跌裂口22019~22198未補晒, 加上指標股仍未有見頂跡象, 港股仲未彈完, 最好留番小小裂口下個星期才回補, 大鱷按計畫結算位約在22000/10000, 本周收大陽燭
周三突破 22000試水溫探路, 周四抖一日儲力, 周五結算日發功, 未儲夠力係唔會立亂出手, 以往上得黎就唔會落番去, 會咬住 22000唔放, 繼續向上推進, 萬一外圍唔生性都會守得住 21950
國指早已相繼收復10.20.50天線, 國指係領先指標, 預示恒指亦會跟隨, 恒指慢幾拍, 但亦俾國指拉緊上黎, 恒指繼早前收復10天線, 今日亦進一步收復20天線, 相信下周就會重上50天線
假設流入舊經濟板塊的資金並非為了結算, 係有大鱷執平貨短線向上炒一轉, 那麼結算日的高位也不會是頂, 港股仍會反覆向上
~~~~~~~~~~~~~~~~~~~~~~~~~~~~~~~~
內銀仍在相對低位附近, 派息吸引, 業績差仍見掃貨盤, 係強烈利好訊號, 亦對大市起推動作用, 新經濟股撤出的資金流入舊經濟股反而有助大市向上, 因為成份股大多數是舊經濟股, 港股的上升動力來自新經濟板塊小股災
好友一直沒有離開, 周三沖高見22006試水溫探路, 詐死及震倉, 周四咬住21800/9800樓上, 部署高位結算, 昨晚外圍冇大礙, 周五按計劃出手, 盡量推高結算位, 本周劇本係要收大陽燭扭轉前三周跌勢, 當確認見雙底就會吸引資金入市, 下周一係3月基金季結, 亦插不得, 當天大鱷亦要部署四月開市位, 三月收得愈高, 四月守得住21137底機會就愈大
昨晚道指小跌, 納指仍未止瀉, 但 adr 仍能小幅上升具啟示作用, 根據統計, 道指跌adr升的話, 恒指收市都係跟 adr 收升居多, 亦反映好友在 adr 已作出向好部署, 恒指今早開市位亦高過 adr, 好友競價已出手, 今早港股成交亦配合升勢, 半日高達$368億, 相信全日收市會超過$700億, 加強升勢的說服力, 結算位要計平均價, 下午好友仍會咬住高位唔放
今日要高收呀
港股MPF食糊
好友呢兩日扮死，今日出手！短期目標都差唔多，回下比我再入啦！
27/3 信誠證券劉兆祥分析:
今天大市回落53點, 表面上跌幅有限(中資H股更有23點升幅), 但有留意的話便知道今天出現一次股災, 只要看看上升股與下跌股份比重, 上升股356隻, 而下跌股1070隻, 便知道嚴重性, 而只有五隻股票升幅超過一成, 但下跌二成的多達8隻, 跌一成以上的竟然超過50隻, 不要忘記這已經是收市的數據, 最惡劣時在上午十一時多出現, 無論下跌股票及跌幅更驚人, 而且跌幅頗全面, 無論是科網, 澳門賭業, 半新股都是跌市重災區
而經過今次股災, 部份熱炒股已經由這兩個月的高位, 回落二, 三成算是表現出色, 跌一半或以上都不少, 如果沒有制定止蝕盤而入市, 在損失一成後離場的話(當然部份停牌後急挫或突然急挫一, 兩成而走避不及), 否則止蝕盤對投資者是極重要的行為,
風水輪流轉.有咁耐風流.有咁耐折墮
27/3 周四恒指收21834 跌53點, 國指收9873 升24點 轉倉高峰期 明日期指結算
昨晚adr跌80點, 今日恒指最多跌172點, 收市僅跌53點, 勝adr表現, 盤中曾低見21715後急彈上21926, V 型反彈後再度受壓, 今日好友力守恒指21700及國指50天線(9767), 向上方面22000/10000會係第一個阻力, 是明日結算日的關鍵位,
今日恒指收21834, 跌53點, 低位21715, 大鱷擺明要守住21700, 不想拋離22000太遠, 老規矩觸底回升展開反彈浪不容許連跌兩日, 如果好友睇場, 明日結算就要收升
港股全日成交金額大幅增加至881.1億元, 多到嚇屎人, 科網、濠賭、醫藥、光伏、彩票、環保、新能源等板塊急挫走鬼,「陀衰家」騰訊一隻就拖低恒指112點, 唔計騰訊恒指其實係收升, 中銀香港身痕大減派息遭大行唱淡, 急挫6.2%,
市傳吳光正炒騰訊輸近1000萬元, 濕濕碎啦! 相信大把人輸得比佢甘, 近排港股下跌股份比例勁多, 新經濟板塊資金大撤退, 基金經理季結拿拿臨獲利, 但不能空倉, 只好換入公用股及舊經濟板塊, 成份股見資金吸納令港股穩守10天線進一步挑戰22000/10000, 但另一邊廂就出現小股災的怪現象
~~~~~~~~~~~~~~~~~~~~~~~~~~~~~~~~~~~~~~
根據過往統計, 如果今晚道指收跌, 但 adr 卻收升, 恒指收市都係跟 adr 收升居多, 上周五恒指收21436, 本周收升無懸念, 已扭轉前三周跌勢
今日工行.信行業績差過之前公布業績的中行.農行, 都係不良貸款問題, 信行不良貸款餘額急增63%, 如果業績差都唔跌反映繼續有資金流入中資股
人行繼續抽水, 今日進行520億14天與28天期正回購 凈回籠980億人幣, 但內銀並無負面反應
話口未完, 金價終於破大位插穿1300美元, 日圓回軟在102爭持, 恒指跌幅大大收窄, 要密切留意匯市形勢
市傳比亞迪發新股集資, 或籌高達76億元, 近排多左配股活動
今個月大鱷殺牛熊未夠數, 好淡通殺, 全日共有48隻牛熊證被收回, 當中有騰訊及銀娛牛證, 主板下跌股份比例高達62%, 資金流入穩穩陣陣的傳統成份股
日前發報告狙擊旭光的沽空機構 Glaucus 正在研究4-5間問題公司, 或會再出手, 小心中招
有分析指阿爺擔心潛在的金融危機, 所以出台「優先股」方案, 大鱷點會唔知丫, 當好消息炒才能推高大市引人入市接貨
karl, 你真係好沙膽, 國指仍處強勢, 唔知好友會點反擊, 結算日咁多變數都敢看淡? 今日新經濟板塊有災味, 但指數收得唔差咖! 低位一瞬即逝, 好明顯有好友手影, 部署結算位, 現水平好友仲係大輸家, 再插就死得, 所以今日力頂, 低胸V型反彈, 造好造淡都嚇屎, 明日好.淡大鱷角力, 尋晚道指跌至全日最低位收, 唔知今晚有冇得彈呢? 彈唔起唔緊要, 只要唔插都可以幫到手
國指升跌模式通常係升兩日或三日就跌一日, 但如果只係回少少你夠唔夠水位轉身咖? 根據統計, 恒指不會兩連跌, 等反彈我會繼續沽貨埋數做季結, 套現博四月撈平貨
國指今日低位9770, 掂一掂50天線即急彈, 工行.信行業績唔靚仔, 不良貸款上升, 或會拖累內銀股表現, 但內銀派息吸引見資金流入, 相信一回就會有掃貨盤, 今次反彈浪中資股受追捧領漲, 但呢類股份蟹貨不少, 所以今日去到9950打回頭, 但今日仍創下今個月新高, 走勢仍未轉弱, 國指已是連續7日跑贏恒指, 強爆!
soho 雖然好倉受傷,但系國指9920時重倉熊,叫做唔洗死得咁肉酸啦
升兩日跌一日模式應該不變,而且內銀都頂夠啦,股價已經反映業績,要抖抖,唔係唔健康
結算日預左坐大過山車，我賭佢現價結哈哈
今次港股反彈其實已升至第一個目標, 以往如果大市月中已作出回調, 月尾就一定會推番上去結算, 至於可以上到幾高都要睇中美股市就唔就, 否則夾硬推上去沽壓好大, 呢幾日港股出現獲利逃亡潮, 但好友今日仍能頂到21834/9873收, 穩守10天線, 其實好叻咖喇! 今日收市位進可攻退可守, 睇下今晚美股會否企定定或反彈幫下手, 未來兩日好友要部署結算位及四月開市位,
大鱷炒政策市一向好短癮, 港股骨子裡其實好脆弱, 炒任何方向都要慎防市況突然逆轉, 升跌都唔好信到十足, 我仲以為你未平倉, 我炒正股好D, 一路升一路分注沽貨獲利, 唔使等頂部出現
春分起碼會有800點變幅, 21137(底)+800(起碼變幅)=21937 ==> 恒指高位22006, 超標完成
恒指由22986跌至21137, 反彈黃金比率0.5倍可見22061, 與20天線22013相若 ==> 恒指高位22006, 接近達標
恒指由 8個月低位反彈, 一定會見 22000, 以大鱷的一貫作風, 一露出真面目就會扯住上, 三扒兩撥就衝上去 ==> 大鱷用左4日就由21137沖到上22006, 累計反彈869點, 好友真係有做野
國指如能突破3月高位9882, 會見10000 ==> 今日高位9945, 累計大幅反彈8.6%, 我收貨喇!
~~~~~~~~~~~~~~~~~~~~~~~~~~~~~~~~~~~~~
1.港匯波動,同資金短炒獲利離場有無關呢? ==> 可能會係, 因昨日沖高見22006後港匯微微轉弱, 但如果現水平食糊獲利不多, 今日下午港匯已穩住, 港股亦急彈
2.22000好似已經失左11日,唔計琴日掂一掂就落返黎,似乎唔多想推上去結算,以大鱷實力,推上企穩應該無難度,點解遲遲唔上呢? ==> 美股有見頂味, 納指有災味, 尋日都話大鱷唔敢博, 睇定d才出手, 未上只係時辰未到
3.人行不斷正回購已經成個月,而人民幣亦持續下跌,好利淡啵 ==> 暴力哥只係負責守住上証綜指2000點, 俾佢在2050穿梭自由行
4.股份升跌比例走樣,日日都過千隻下跌,而指數無乜點跌,系咪托沽阿 ==> 我一直都話係臨危托沽咖啦! 但資金要喱入成份股避險, 反而穩住大市, 國指強.港股不會差
5.A股走勢好樣衰,尾市唔要貨咁碇,而且國指今日又系一掂高位就回,走強恆指7日啦,同你講ge10000點只相差55點咋,見頂味濃 ==> 冇國指撐住, 恒指收市起碼跌200點, 不過有國指幫手, 恒指仲有得去
6.今日恆指一跌,破左2月見底的上升模式,基金都走貨季結,QQ以52周最大成交跌破一個月低位,股王散水,後市好危 ==> 2月反彈冇季結因素, 但今次觸底反彈我一直擔心基金埋數走貨的問題, 如今果然出現, 幸好資金流入成份股, 反而利好, 四月的確係危
soho 可能幾個月都系高位結算,令我地習慣左,而大鱷最中意打人措手不及,會唔會系我地一廂情願,聽日就黎個拆倉走鬼呢?你話過周一周五都系拆倉高危日,我今日D好倉都好傷,已經平左
1.港匯波動,同資金短炒獲利離場有無關呢?
2.22000好似已經失左11日,唔計琴日掂一掂就落返黎,似乎唔多想推上去結算,以大鱷實力,推上企穩應該無難度,點解遲遲唔上呢?
3.人行不斷正回購已經成個月,而人民幣亦持續下跌,好利淡啵
4.股份升跌比例走樣,日日都過千隻下跌,而指數無乜點跌,系咪托沽阿
5.A股走勢好樣衰,尾市唔要貨咁碇,而且國指今日又系一掂高位就回,走強恆指7日啦,同你講ge10000點只相差55點咋,見頂味濃
國指升跌模式通常系升兩日跌一日,最勁已經系上星期初連升3日,跟住都系要跌,內銀業績期快完,頂唔到幾耐,而家升左兩日,技術上又到頂,唔知聽日會點呢
6.今日恆指一跌,破左2月見底的上升模式,基金都走貨季結,QQ以52周最大成交跌破一個月低位,股王散水,後市好危
國指連續7日跑贏恒指
爛佬怕潑婦.好友怕拆倉.風高浪急.疑似走鬼.納指續瀉.騰訊插水
27/3 周四半日期指轉倉.戰況激烈大撼大.成交急增令人不安
港股除了受內地股市影響外, 匯市亦係關鍵, 昨日港匯報7.756, 恒指一度突破22000, 但今早港匯轉弱報7.7596, 日圓走強, 拖低港股, 但日圓其後回軟, 觸發港股一度V型反彈, 不過騰訊.濠賭股實在太弱, 半新股洗倉, 拉番大市落山, 幸好內銀等舊經濟股受追捧, 抵消部份跌幅, 嘩))) 有冇搞錯? 中銀香港減派息都要死? 乜野世界? 內地股市成交縮, 腳仔軟食彈散
納指昨晚再挫1.43%, 愈跌愈走樣, 科網股逃亡潮持續, 有咁耐風流.有咁耐折墮, 騰訊大插累死全個家族, 基金大戶重倉紛紛鎖定利潤爭相走避, 好友部署結算位, 港股跌幅不大
Soho... HKD 點睇？ 其實e十最驚都係日yen 折倉，所以只要睇住AV 國能否守250 天日線可知⋯
晚安，大家好
Soho 你真係好強， 每次睇完你同其他高人(在你家) 既分析，就等於打左支強心針一樣，真係 5 講得笑！！！多謝你，大家努力，加油打大鱷！！！
當然買上啦！國企咁勁有買重佢
睇下呢兩日上到2萬2與否
豬扒大翻身背後原因
國指已是連續6日跑贏恒指, 強爆! 而過去兩年最高記錄是連續7日走強, 點解咁強? 可能係下列因素:
~ 早前熱炒股例如騰訊.科網.消費.環保新能源.濠賭股及半新股等齊齊散水, 市場突然玩念舊, 資金轉投累績龐大跌幅的中資股, 搏下跌空間細
~ 舊經濟中資股價殘, 股值吸引, 雖然業績差或前景欠佳, 但都見掃貨盤, 資金流入可能係避險, 亦有可能係投資者轉口味
~ 中資股累積龐大跌幅, 利淡因素早已消化得七七八八, 國指9159有見底味, 加強投資者入市信心
~ 中資股已跌到落谷底, 有心人撩高做基金季結, 加上基金經理沽出癲股要搵野買, 中資股的股值具吸引力
~ 內銀一直落後大市, 業績冇驚嚇, 派息吸引
~ 中資股累積不少沽空, 內地落實優先股政策, 淡友擔心內地陸續推出更多扶持政策, 因而觸發補倉潮
26/3 周三恒指一度重上22000, 收21887 升155點 大舉轉倉
內地股市小幅回吐, 仍無礙國指升勢, 國指已是連續6日跑贏恒指, 打破今年記錄
國指收9849 升158點, 收復50天線, 大幅跑贏恒指
今日好淡角力, 早段恒指一度上升274點, 但午後反覆向下, 尾市見全日低位, 升幅收窄至133點, 嘔左一半升幅出黎, 臨收市掃貨盤湧現, 一腳踢番大市上去, 目的就想畫靚幅日線圖, 全靠呢一腳, 淡友就畫唔到射擊之星, 真係好險! 但上升與下跌股份數目仍然唔靚仔, 國策.慨念.濠賭.科網股大逃亡始終不利大市, 我估基金經理掟貨獲利埋數, 公用股連日受追捧, 亦有避險味道
大鱷集中火力掃成份股推高大市, 一則部署結算位, 二則暗裡沽出早前熱炒的股份獲利, 今日恒指高位22006, 非常接近今次跌浪反彈黃金比率0.5倍22061, 或觸發短炒食糊, 農行.中行業績交到功課或者會幫到內銀股, 但未來幾日係中資股公布業績高峰期, 市況會特別波動
中資股真係豬扒大翻身, 短短四日, 國指就先後收復10.20.50天線, 如果真係有資金入市搵食, 港股由低位反彈幅度唔算多, 升至21900/9800都未夠水位轉身, 斷估要食大茶飯才夠飽, 港股升勢應未完, 但要小心通常炒政策都不會持久, 投資者對阿爺始終有戒心, 加上下周內地公布PMI, 日本4月1日增加消費稅, 唔知日圓點走, 要慎防突然拆倉走鬼, 要密切留意匯市變化
港股最大隱憂係道指離今年頂不遠, 納指沽壓沉重, 隨時再反艇, 市傳內地股市4月上旬重啟IPO, 或會抽走資金, 對內地股市構成壓力, 金價碌左落黎, 在1300邊掙扎, 跌穿就大鑊, 金股匯相關性高, 有乜風吹草動會產生骨牌效應, 今日日圓.港匯好似有d異動, 要密切留意匯市變化, 3月期指未平倉合約大幅減少35464張至55707張, 今日沖高回落唔知係唔係受大舉轉倉影響呢?
18兄, 謝謝你的回應, 有何策略應對現今市況?
努力學習中, 哈))) 我都讀過 超超低B班, 原來我地係校友
史哥, 港匯是否升勢受阻? 點睇?
karl, 謝謝你的回應, 港股有病才會創今年新低, 但卻引左班友仔來短炒殘股, 至於何時見頂我估睇住港匯及國指強弱會有啟示, 今日日圓.港匯好似有d異動, 萬一再拆倉就大鑊, 同今日沖高後沽壓增加可能有關係, 我地一面倒估好友會推高結算就要逆向思維, 世事無絕對, 淡友唔肯放手的話, 都仲要坐過山車, 明日關鍵在午後表現, 連續11日都上唔番22000, 樂觀睇係扮野, 悲觀睇就係有d野, 明日中信泰富爆升是市場焦點
上月轉倉價區在22600
soho & 大家好
咁快退隱？千期 5 好丫！！！你既分析超強，無左你，我地班草根想脫貧只係一個奢望！哈哈哈 ...... 我 5 識睇圖，平時集中睇蚊你18，頭條和艾艾士toc...... 咁多年都係超超低 B 班！呢兩三個月開始緊貼你個 blog , 只知道利潤離我 5 遠 ：) Soho please don't go ........ 哈哈哈
各位知唔知上月轉倉價值區係幾多點?
見今日港股窒步, 我突然有一個新想法, 港股跌至21137/9159觸底回升, 平靚正引左班友仔入來炒港股, 呢班友仔掃貨如果同結算/季結無關, 亦不急於呢兩日再盲目掃貨, 慢慢炒下上落市都得, 咁結算都未必會在頂部, 結算完仍會反覆向上炒
中信泰富整體上市, 明日靚爆鏡
karl, 我以前炒股係低B班, 今年剛升上小一, 你早D識我就大鑊! 我連圖都唔識睇咖! 凈係識猜度大鱷的心意, 年初我已經話想退隱, 因為手上仲有貨, 所以才炒埋季結, 所以我都會趁今次反彈走貨, 呢幾日下跌股份比例超高, 大鱷真係趁升市散水, 我估係基金經理或大戶沽早前熱炒股, 沽盤多始終係港股的隱憂, 當買盤都頂唔住, 大市真係會碌番落黎, 明日又係抽水日
你尋日都話今日升300點啦! 今朝最多升274點, 好準啵!
哈))) 一切都在我地掌握之中, 今日上試 22000係試水溫探路, 縮番落黎可能係詐死引人造淡, 又或者驚美股今晚反艇, 睇定d才出手, 今日夾硬企22000要頂足3日, 大鱷話風險大, 因為中美股市仍存變數, 大鱷現正考慮兩個方案:
1) 周四出絕招裂口高開殺上去, 缺點係要全日咬住22000, 要花大量子彈硬食大量沽盤, 唔化算 ==> 周四果然冇出手, 恒指收市跌53點, 仍咬住高位, 周五一開波就黎料
2) 先忍忍手, 等到周四尾市才踢多一腳上去, 優點係用少d子彈就可推高部署周五結算位 ==> 大鱷見爆發科網小股災, 縮手唔敢博, 周四尾市都冇踢多一腳, 等周五結算日才裂口高開扯住大市上去, 成功於22077/10021高位結算
國指已是連續6日跑贏恒指, 而過去兩年最高記錄是連續7日走強, 明日非常關鍵, 如果斷纜就要提高警覺, 只要國指繼續走強, 升勢仲未完, 今日港股大成交沖高回落也要慎防係見頂先兆, 要觀察多幾日
今日真係有沽壓, 雖然係升市, 但下跌股份比例好高, 基金經理埋數都沽埋一份, 亦有可能係淡友到口肥肉唔肯放手想隊低港股, 但沽落黎尾市見買盤掃番上去, 大撼大, 騰訊等科網股俾納指拖累跌到走樣, 舊經濟股就有資金吸納, 大部份都係成份股, 抵消了騰訊部份跌幅, 亦幫到手穩住大市, 但中銀香港減派息嚇親大行, 幸好剛公布的內銀業績交到功課, 內銀好, 國指就會有運行
昨日港股下跌, 成交萎縮, 已經引左唔少人看淡, 我有信心22019-22198 裂口一定會補回, 恒指已是連續11日收低過22000, 上次6日就重上22000, 今次好明顯係弱過上次好多, 反映港股真係有病, 不過今個月仲有期指結算/基金季結幫手頂住
soho 相見恨晚arrr同你))))腳趾第6日跑贏含紙,肉銀今日威到出面,由頭帶落尾,照咁睇,應該7連強都得,不過22000好似有D阻力,唔知系大鱷戲好定系蟹貨多呢
2月24的3月倉總數3萬張,增加12000張,當日含紙下跌188點,我估22300系價值區
風水輪流轉.前強勢股反艇.前弱勢股抬頭.內銀好.港股好
25/3 周二國指連續5日跑贏恒指 國指收市僅跌4點 恒指跌114點 反彈在望
昨日人民幣急彈362點子, 帶動港股爆上, 今日人民幣盤間上落幅度高達300個點子, 非常波動, 收跌136點子，報6.2024兌一美元, 好友亦不勉強夾硬推港股上去, 乘機抖一抖, 順便震震倉, 儲力再上
回顧2月5日後的反彈模式, 與今日成交縮並作出小幅回調一樣, 但翌日成交就會增加, 重拾升軌, 現時指標股仍未有見頂跡象, 反映港股升勢未完, 以往挑戰大位例如22000, 會係先試試水溫扮受阻, 未儲夠力就唔會夾硬企上去, 未破頂其實只係時辰未到, 上得去就唔會隨便落番黎, 等時機到才爆上
今日恒指跌幅正正是2月5日觸底後連續兩日反彈的回調百分比一樣, 反映無論升跌, 一切都在大鱷掌握之中, 連裂口高開抑或尾市出手都係大鱷計算之內, 仲有一樣野得人驚, 昨晚adr收跌92點, 亦與今日恒指跌幅114點相差不遠, 大鱷會先在 adr 部署
昨日尾市港股升多一浸果然係預留今日回調水位, 否則今日跌落去就會插穿10天線, 破壞大鱷的向上部署, 我一直話港股今日會收跌, 因為如果夾硬升足全星期的話, 結算日那天沽壓會好大, 今日回調整固, 釋放沽壓反而有利後市, 好友大鱷正部署本周收大陽燭, 在22000樓上結算, 能否如願就要睇外圍是否配合, 納指連日捱沽已發出警號, 港股新經濟股洗倉式下跌反映大市仍有隱憂, 只係升勢唔理利淡因素
~~~~~~~~~~~~~~~~~~~~~~~~~~~~~~~~~~
從技術分析來看, 大市升至現水平只屬反彈, 投資者對升勢仍半信半疑, 未敢大舉追入, 但若恒指能全數回補22019~22198下跌裂口, 所有分析就會話確認見雙底, 就會吸引資金入市, 有助進一步推升, 而回補呢個裂口並收復20天線就係大鱷本周的目標, 推高港股才能在高位派貨
農行業績大行唱好亦有派息利誘, 利好一眾大落後的內銀股, 國指是今次升浪的先行者, 今日國指曾試水溫掂一掂50天線, 內銀走勢早已轉強, 將會推動國指向上突破, 如國指收復50天線及10000大關, 恒指亦會跟隨
浦發及中工農建等5家銀行有望率先發行優先股, 規模料超過1000億元人民幣, 股息率水平料在6.5 %-8% 區間內, 內銀見資金追捧, 人行今早再進行正回購抽水, 但內銀都冇負面反應, 納指連日急跌, 手機股通達批股, 科網及環保新能源股急挫, 但好友有備而來, 仍能咬住21700唔放, 靜候向上突破時機
國指已是連續5日跑贏恒指, 而過去兩年最高記錄是連續7日走強, 今次反彈浪係國指領軍, 換句話說, 國指仍可再升多一浸, 並帶動恒指突破22000