認唔認得我？
2014/03/27 08:43:42 網誌分類: 經濟
「我呀……」
「你係邊位？」
「唔係嘛，我都唔認得？」
「唔好意思，唔認得，你邊位？」
「一排唔搵你就唔記得人？」
「真係唔記得！」
「畀多次機會你估吓……」
看到這裏，大概十個香港人有九個應該猜到自己正遇着「認唔認得我」電話騙徒。
這天，我抓起電話，就聽到這樣的謎題，開始時真有點迷惘，是不是哪個久未見面的朋友，但愈說愈不對勁，於是試探：
「哦……我認得了，你係梁振英！」
「係呀！」
噢，我可以百分之二百肯定他是騙徒。
「乜你返咗嚟呀？」我說。
「係呀！你呢？你𠵱家喺邊呀？」
「我？我𠵱家喺差館。」
「咦，咩事呀你？做咩去差館？」
「報警囉，有電話騙徒嘛！」電話那頭，迅速掛了線。
跟外子說了此事，原來他早兩日也剛收到類似電話，外子的對付方法更高招：
「喂，我呀！」
「你邊位？」
「我呀，唔記得呀？」
「哦，你個死仔終於蒲頭喇咩？你爭我果五萬蚊幾時還？搵你幾個禮拜，電話又唔聽、WhatsApp又唔覆，我幾乎要報警，X+YZ#*……」嚇得電話那頭的騙徒趕忙收線。
騙術不一定要層出不窮，一條「好橋」足夠長騙長有。當我們以為寶藥黨及電話騙案只是警訊才有的故事，其實大家每日都在跟騙徒擦身而過，有時間的話，跟他們糾纏一陣，也不失為苦澀生活的快樂點綴。
屈穎妍
回應 (0)
我要發表
