見聞_集_合訂28

73. 打官司的背後

所謂打官司, 唔一定係為真理真相而打; 亦唔一定係為民請命而打; 而係手頭上有幾多錢可以支持打得幾耐?! 因此, 當水頭唔充足既時候, 有理既變成無理; 原告變成被告; 仲要比埋堂費, 真係偷雞唔到蝕揸米! 姑勿論贏面有幾大, 都要有一定既銀彈作為後盾! 如果唔係, 千祈咪輕舉妄動, 令自己唔食羊肉都一身騷!

74. 古龍筆下百曉生

古龍所寫的小李飛刀系列中, 有一名叫百曉生的人, 將武林各大高手作了品評以及排位! 孰料越是自負聰明絕頂的人, 越是利用獨有的天賦作奸犯科, 最後死於飛刀之下! 以事論人, 任何人亦不例外, 自恃學識或天賦等時欲出頭, 全不懂得收歛以待時機, 所以落得死於非命的結局! 古人說:槍打出頭鳥, 當真一點不錯.

75. 勸學詩

讀書需憑志氣; 功名不在分高! 寸心能否勝英豪? 天時地利營造!!
小子多加努力; 三寸雄辯滔滔! 自能降敵雁羚刀, 定然千軍橫掃!!
求學應求絕學; 才情獨領風騷! 今古聖賢惜羽毛, 慎行更謹談吐!!
幾句衷心說話; 共勉初出茅廬! 成功失敗在爾曹, 祝願風雲有路!!

76. 爆粗

爆粗算唔算犯法? 呢個係見人見智既問題! 有人覺得唔使下下都爆響粗口; 有人覺得爆粗唔等如冇禮貌; 有人覺得爆粗先至係最親切既問候; 有人覺得爆粗係將傳統地方語言發揚光! 無論覺得點, 當事人先至可以控制, 並唔係身邊人唔鍾意聽就可以令當事人唔爆粗! 不過, 爆粗係唔係要睇客觀環境, 又係另一個問題.

爆粗未必對解決事件有所幫助, 間唔中仲會悉得其反幫倒忙! 有D人就係比人問候一聲娘親, 就先而口角; 再繼而動武; 輕則受傷; 重則死亡! 為左一句粗口所引起打鬥而導致死亡, 網友不妨估下值唔值得! 有時明知唔值得, 事件發生係自己身上, 唔會有空間比自己冷靜唔好衝動; 多數會出事! 爆粗就成為罪魁禍首?