joboche1
joboche1
joboche1

見聞_集_合訂29

2014/04/02 09:32:06 網誌分類: 今日隨筆
02 Apr

77. 諷刺

有日在街中, 看見四歲的小孩, 手執雪糕筒, 咀邊面上有雪糕跡, 走在年青父親的背後, 十分依戀! 父子天性, 不用專人教導; 不入專上學院, 不要專上文憑, 總會不期然下疼愛對方. 任何人也曾有此經歷, 在長大的過程中及後, 受到教育界傳媒界的誘惑, 走上了父子不親的局面. 親情, 經已被物質學術名詞所取替.

有前輩提到, 將書本中的孝悌仁義來教導小孩以至於青少年, 他們越懂得字面意思; 卻偏偏更加的不孝不悌不仁不義? 何解會悉得其反? 教育界有深思過嗎? 父母們有鑽研過嗎? 學子們有反省過嗎? 父母子女之間有否意氣用事下吵鬧? 父母對子女有否不慈? 子女對父母有否不孝? 那麼, 多讀孝悌卻因何各自走向極端?

78. 德不配位

我地可以自嘲[德不配位]! 唔能夠以呢四個字黎形容人地, 縱使對方既實際表現確實係咁! 人要面樹要皮, 做人係應該要將心比心; 因為[若要人似我, 除非兩個我]. 自己同身邊既人都係平等既, 有血有肉; 知痛知癢. 唯一分別係彼此間既價值觀或同或異, 如果同, 就可以有共通話題; 如果唔同, 就會有意見不合囉!

儒家講[己立立人, 己達達人]! 教我地先認識自己; 改造自己; 面對自己; 挑戰自己. 當自己成為不倒翁既時候, 唔使出聲, 自然大把人走黎攀關係套交情. 當自己都未煉好自己時, 有咩野事都輪唔到自己去處理; 就算勉強交到手上, 都會成事不足敗事有餘. 孫子兵法講[先求不可勝, 然後求敵之可勝], 先做好自己!

79. 一體兩面

咩野叫做[一體兩面]? 即係一件事既整體黎講, 我地所企既位置唔同, 得出既睇法相對地既唔同. 換句話講, 兩面即係相對論! 相對, 即係有好有壞; 有黑有白; 有優有劣; 有是有非; 有正有邪; 有明有暗! 在乎我地係唔係當事人? 如果係, 容易當局者迷! 又或者係唔係局外人? 如果係, 即係旁觀者清! 最簡單不過!

一件事既發生, 總有佢既起步點; 站係探案既立場, 即係案發既動機. 法官判案, 係將事件既正反面都全盤理解, 再由控辨雙方提出理據黎反駁疑點; 再由法官引導陪審團作出最後指引; 由陪審團投票應否罪名成立! 我們一班凡人, 大多數以自己所睇所聽既片面黎作出指證甚至係指控, 其實咁樣, 始終都係唔公平!

回應 (0)
我要發表
user