幻覺離恨天(一)

尋日兒童節，我呢個母愛氾濫嘅阿媽一於縱容兩個仔，做左幾`樣我呢世人都未做過或者唔鍾意做嘅嘢----一日操左十首半歌(果半首咪係「香夭」囉)！何解？一來我唔喜歡唱夜局、二來我唔喜歡唱太長時間，引致聲帶疲勞、三來唔會食飽左唱歌。尋日打破慣例，咩嘢都做齊，就係為左老來從子！

原本尋日訂左一個日局(下午一時至五時)，呢間曲社我係第一次去(緊張難免)，三個平喉、我一個子喉加上首首長歌，祇能唱倒七首；剩番幾分鐘----唱咩嘢都唔靈，正常咪唱首六分鐘嘅「香夭」囉！所以呢個日局我唱左七首半歌，跟住去食晚飯。

正常食完飯就打道回府。講咩嘢正常呢，我呢班「愛van氏家族」，擺明就係唔正常架啦！細仔係酒徒----日局自斟自飲左半枝紅酒，晚飯時同我兩個又飲左一枝紅酒(佢老婆唔飲酒、佢大佬咳又唔敢飲)；跟住唔知係咪醉醉地，係都要佢老婆去曲社訂多半局兩個鐘，食完飯再唱！

遲啲至上載佢唱嘅「醉歌」。

我份人係鐘意反傳統，特別係我本身係受害人，我偏要重女輕男！今日先上載我同家嫂唱嘅「幻覺離恨天」，大家聽吓用「凡」腔唱又會有咩嘢效果。

日期：2014年4月4日兒童節

地點：粵威

演唱者：華哥/van

https://app.box.com/s/10wwmt8df4z0n8djjbuh