韮菜花炒蜆肉

我用左新鮮蜆肉。買左一兜花甲($25)，花甲貴過蜆架！返屋企略沖吓水，落鑊開火煮到佢稍為開口就拎出嚟起肉---唔駛落水。

材料：

蜆肉    多少隨意

韮菜花  一小束切段

蒜片、乾蔥片、薑片

調味料：蠔油一湯匙、水一湯匙、糖1/2茶匙、麻油、胡椒粉

一. 韮菜花落鹽少許(真係好少，食得淡嘅，唔落都得)略炒盛起。

二. 燒油爆乾蔥及薑一會，再下蒜片(後下因為容易燒焦)略炒，下蜆肉，灒油酒炒勻，下調味汁料炒勻即可。

註：

一. 韮菜花不宜久煮，略炒即可。

二. 蜆肉本身有咸味，無需要再加鹽。

三. 蜆肉本身經已熟左一半，因此在灒酒和加汁料的時候，經已全熟，無需久煮，否則會靱。