藝員轉行
係人都知,做藝員好難做得長-----十個人中都冇一個可以走紅!紅了又如何?正因為花無百日紅,所以好多聰明嘅藝人,都明白呢個道理,所以響佢地紅嘅時候,便搵定後路。
大部份女藝員都會轉職或兼職做一些與美容有關的行業(靠個樣做生招牌,好正路啫)、而男藝員則多數做飲食業----入啲股份,以佢做生招牌作招徠,好多食肆都樂於咁做。
事實上,有幾多人好似阿姊咁,響呢行由年輕做到年老都得吖----不少女藝員唔想人見倒自己老左個樣;有陣時即使佢肯,都要觀眾肯睇佢先得:如果佢得個樣而冇演技搭夠!
早前報導有一前艷星洗盡沿華,響「麥記」做兼職----真係冇諗到當年幾脫成名、依家連創業嘅錢都冇!但係佢能夠馬死落地行,而且全無怨言、兼且待客熱誠,亦值得敬重。
剛剛報導另一前港姊在視圈浮沉廿載,終於醒覺!好彩佢冇嫁錯郎(到目前嚟講,將來事冇人知),老公打本佢開魚旦檔!佢亦唔似得其他藝員咁淨係掛個名,佢真係落手落腳做嘢架。
人的一生難免轉多次職。做藝員轉職較難----一般機構怕請左個有知名度的人,引致公司受到不必要滋擾,除非果個行業希望個職員有知名度啦---好似保險行業咁!
做藝員除左要為自己將來早作打算之外,其實更重要係要知道自己係咪適合做呢行。呢幾年「無記」真係蜀中無大將:有演技嘅藝員賣少見少、好嘅劇本更加係鳳毛麟角。但係咁都唔代表啲魚毛蝦將可以混水摸魚架!好似呢排大部份劇都有份演、仲做埋主角果位姊仔,咪係水鬼難升城隍果種囉!我份人以事論事咋---最初見佢演「心路GPS」都覺得佢唔錯(應該係個劇本好、角色嘅年紀又啱佢啫),其後佢演幾套劇,都係慘不忍睹!果套「師父?」我一集都睇唔完,依家播果套,我經已用最大嘅容忍力,睇左四集都要轉台!劇本固然差到極,佢啲表情由頭到尾一樣,化妝、服裝都係令人唔想睇嘅;男角一樣,一出場就係一個奸角嘅樣!
奉勸佢地盡快轉行,唔好難為觀眾、更加唔好浪費自己青春!
套劇咁紅才真
努力睇哂星星,不投入又或超齡所以麻麻,有小小好奇追他前世今生,只有睇。van睇下鬧下吖,套劇咁好,哈哈。
Cat:都話做狗好過做人啦!你都寧願睇狗都唔睇人。
TT:套「星星」好唔好睇?我某位男朋友話睇左開場果集,經已冇興趣睇---會唔會係男女有別呢?
靚豬:我都講得咁明囉,都唔駛點估啦!
化粧厚又面太紅太唔自然。
我唸大家都係講緊果個,我連睇都晤想睇。
佢果套師父,我都冇辦法忍受,而家呢套只係俾隻狗仔吸引,間中睇吓囉!做黃浩然個女嘅小妹妹好靚女.