生日快樂
2014/04/25 12:11:24 網誌分類: 生活
哥哥一歲生日那天,家裏罕有地搞慶祝會,罕有的原因,是其他貓爺都沒有出生日期,只得哥哥有。 哥哥依然像個小孩,一回家就纏在你腳下,雙手向上趴住褲管要你抱,有時當你坐下,牠「咪噢」一聲,便跳上你懷裏,把我的時間空間都佔住了,嗲得十分過份。 開了一個罐罐給牠做生日蛋糕,再加一點平日牠愛吃的牛奶味小吃,牠開心得很,未拍照已想大啖咬,不過貓鬚沾到燭光,雙眼防備地眯成一線,但牠很快知道把頭打側,避過燭光吃到了。 其他貓爺在外面依嘩鬼叫,質問點解牠們無得吃大餐。Mo仔不耐煩地來回踱步,米爺被牠煩得焦躁,忍不住出手拍打牠,叫牠放安靜點。 既然如此,索性每個貓各分半個罐罐,闔家齊齊吃。米爺獲分特大號,免得敏感的牠不開心啦。 生日嘛,不外是找個原因開心聚一聚,經過家庭會議,決定以後每年四月十三日是全體貓爺牛一,一齊食一齊慶祝,那就無偏心了。 關慧玲 |
哥哥,簡直是新一代萬人歌迷喇
毛色同花紋都靚絕,仲要嗲到飛起,緊係人見人愛啦
超級贊成(全體貓爺牛一生日),開心又熱鬧,,,,有您著數架關小姐
關小姐,
"哥哥"個樣真係好靚仔, 好可愛呀 ? 好想錫佢一啖呀, 唔怪得您偏心佢啦. 諗起到時有八個貓頭, 圍住八個"魚肉蛋糕", 好興奮嗎?
因為我家全部都係浪浪, 所以入屋嗰日就係佢哋的生日!