矯枉過正

2014/04/26 09:09:36 網誌分類: 影視
26 Apr

肥媽新一輯「食平DD」,睇左三集,睇唔落去轉台!原因:不對題,睇完等如冇睇,祇表達一些低俗到淨係得佢地識笑嘅有味對白。

尋日朝早咁啱響收費電視重播,反正冇其他嘢睇,即管睇吓啦!睇完更加覺得不知所謂---該集教煮葡國菜,其中一味係「燒焗乳豬」。香港地,有焗爐嘅家庭都唔算多,仲要有大型焗爐先至放得隻乳豬落去,呢種菜式教嚟做咩?肥媽自己都識得講啦:一般人係買唔倒一隻生乳豬嘅----可能因為反正你都煮唔倒,佢講到天花亂墜都得!咁同「食平DD」個題目有何關係?

節目內果位可有可無嘅人士,又講三級笑話啦(一集較一集離譜)!唉,製作埋啲咁低級嘅節目,下次政府仲應唔應該續牌俾佢呢?

離題啦---今日講「矯枉過正」!順便教吓你啲子女呢句成語何解啦,現成嘅例子就有一個。

先講吓何謂「矯枉過正」。「矯枉過正」 解釋:矯正缺失、流弊,把彎的東西扳正,又歪到了另一邊。比喻糾正錯誤超過了應有的限度。

肥媽響第一輯「食平D」,我發覺佢做咁多集都係著住同一件淺綠色格仔衫去街市,我相信好多觀眾都留意倒。雖然可能佢係一日之內拍晒十幾廿集都未定,但係俾人覺得係慳水慳力之作囉,即使真係一日拍晒、都可以間中換吓第二件衫吖!

今次第二輯,可能佢都收倒呢啲意見啦,居然著到成個OL咁行街市!雖然OL放左工去街市買嘢唔出奇,但係你同我都好清楚佢唔係OL囉!我嘅意見唔係因為佢著得過於casual,去街市casual係冇問題嘅,問題係.....唉!講佢都唔明,唔講啦。

回應 (2)
我要發表
2014/04/26 18:26:56 回覆

唔鍾意睇!

2014/04/26 11:12:54 回覆

冇睇到,唔鍾意倆個主持人和她煮啲餸,

咀臉又難睇。 {#iconb_3134}

user