央行口術

2014/05/09 10:03:44 網誌分類: 經濟

09 May

外圍股市定番，多得央行出手。

歐洲央行睇住歐元係咁升過唔停，開始有少少驚，怕匯價太高對經濟有影響。歐洲行長德拉吉又出口術，暗示可能在6月份推量化寛鬆，又話對減息抱開放態度，夾粗壓住歐元匯價，歐洲股市整體漲1.1%，提振市場氣氛。美國聯儲局主席耶倫近日盡顯鴿派本色，對樓市的評論也令人安心儲局不會太快加息。

第二個利好消息係美國零售似有生機。4月同店銷售升6%，比市場預期的3.9%好，亦遠比3月的2.8%高。部份零售商話復活節在4月是推高銷售因素之一，但3、4月合共今年銷售仍理想。兩個零售商L Brands 和Cato. L Brands話佢旗下女性內衣連鎖維多利亞的秘密4月銷售上升8%，遠好過預期。美國係消費經濟，消費數字好，股市都好啲。

第三個因素係美國最近一周的首次申領失業救濟人數減少2.6萬人至31.9萬，遠低過預期的33萬。幾個利好因素加埋，美股早段造好。但中午過後，公用事業股和能源股被拋售，大市掉頭回落，由升轉跌，杜指臨尾後抽，幸保不失，收市升32點至16551點，標普500指數跌3點，收報1876點；納指跌16點至4051點。

美股午後變臉的主要原因係俄烏緊張關係持續升溫影響。有報導稱，大約15000名烏克蘭士兵已在靠近俄羅斯邊境地區集結。而俄軍亦進行「大規模反攻」的軍演，俄羅斯總統普京亦到場視察演習。另外，俄羅斯表示，為了回應美國與加拿大實行的廣泛制裁作行動，由6月開始，俄羅斯將把烏克蘭列入先付款後使用天然氣的國家名單之中。

納指連續第三日向下，錄得4月初來最長跌勢，全年累積跌幅3%。當中包括Groupon等網路股在內的Global X社交網絡指數基金（Social Media Index ETF）自4月22日來累計下挫了超過14%。而有穩定派息同盈利紀錄的行業，例如公用事業股同能源股今年表現強勁，其中的公用事業股整體累積升幅達到12.5%，亦帶動標普500指數升緊1.5%。彼此表現差距之所以咁大，主要係投資者見到新經濟動能股已經升得好高，價錢認真唔平，所以將資金抽出，搬去買比較平而且有實力的股票。

但昨日公用事業股遭到顯著拋售，標普公用事業股指數下挫1.2%，能源類指數跌1.3%。拖累大市午後下滑。有分析警告，昨日見到公用事業股同能源股下跌，可能係大市整體出現危機的信號。保誠財務的市場策略師Quincy Krosby表示，大市仍然疲弱，市場正憂慮沽售潮正蔓延到有避險天堂之稱的防守性股票，這可能導致整體市場的崩潰。O'Neil Securities紐約證交所場內交易部董事Ken Polcari 亦指出，「股市面臨阻力，嘗試挑戰阻力位，但沒有動能突破。」

不過科技股就定番少少，之前跌得甘的Groupon、Twitter、LinkedIn、Netflix都企穩，大多微跌收市。新上市的手機保安應用公司Cheetah Mobile不止以14美近高端定價，首日交易仲升0.7%，或許對阿里巴巴上市有啲利好啩。

陸羽仁

回應 (91)

我要發表

2014/05/12 11:49:49 回覆

多謝金曹兄, 麻煩你一共留兩個位到waitlist, 希望盡快收到你的回覆, thank you ar :)

2014/05/12 11:25:01 回覆

吾識炒，

網聚名額已滿，如有報了名而不出席的請盡快通知 jin.cao@hotmail.com 。暫時可將你放在候補名單，今日截數之後再個別聯絡。報了名的記得今日入數確認出席。

金曹

2014/05/12 10:59:10 回覆

陸sir, 金曹兄, 想問網聚仲可以參加嗎?好想來呀

陸羽仁 2014/05/12 10:19:46 回覆

陸羽仁覆網友

有朋友問起酷派，網股大跌，佢大股東又減持咗價值幾千萬股，雖然金額不大，已觸發沽售。我未發現它基本因素轉壞，但建議嚴控風險，有貨者宜減不宜加。貨少可觀望，貨多宜等一反彈就止蝕或部份止蝕。

金曹；建議網聚我短講由12：45至1：15分，我口較多。

Dada:雲遊的減值是沽出的可換股優先股升值所致，佢話係一次性。可參考業績報告第13頁第3段。
http://www.hkexnews.hk/listedco/listconews/SEHK/2014/0325/LTN20140325695_C.pdf

Kym:有陳年新股等升到近24000點時沽。
大陸今年有機見一見2400。

Tonyp16:你問實德，賭股大上大落，炒作宜定止蝕，佢塊地起唔起到樓無人知。

2014/05/12 10:01:02 回覆

嘩! COOL魔... ${#iconb_374}$

2014/05/12 10:00:06 回覆

又插! ${#iconb_374}$

KFC 2014/05/12 09:19:48 回覆

陸SIR今日節目重溫

第三部份 Part 3 (HKT 0804:0900) Time Bar由47:30開始

http://programme.rthk.hk/channel/radio/player_popup.php?name=morningsuite&pid=400&eid=&d=2014-05-12&player=mp3&type=archive&channel=radio2

animal666 2014/05/12 05:07:22 回覆

國策
2014年05月12日

　　周末前後內地有不少有意思的消息出籠。雖然市場有不少人民銀行將下調存款準備金的傳聞，但人行行長周小川表示，短期經濟資料出來不一定說明問題，人行一直在流動性方面微調，目前國務院強調宏觀調控要有定力，不會採取大規模的刺激。

　　雖然周小川暗示人行暫時不會出招，但中國證監會已在動手，推出新版「國九條」，被市場視為一劑猛藥。所謂「新國九條」，係指國務院剛推出的《關於進一步促進資本市場健康發展的若干意見》，提出發展多層次股票市場，推動註冊制改革，將擴大合格境外機構投資者、合格境內機構投資者的範圍，提高投資額度與上限。另外亦將研究證券公司、基金管理公司、期貨公司和證券投資諮詢公司等交叉持牌；加大查處證券市場虛假陳述、內幕交易和價格操縱等各類違法違規行為的力度；推出支持資本市場擴大對外開放的外匯、海關監管政策。

　　新國九條一劑猛藥

　　官方解讀指，新政策是對今後較長一段時期，促進資本市場健康發展頂層設計，作出統籌部署。市場就認為，新版國九條在內地股市2000點岌岌可危的背景下推出，可看作一劑救市猛藥，2000點可形成「政策底」。例如星石投資就話，新國九條表明了國務院對發展資本市場的重點支持，預計未來，有關於資本市場的改革紅利將源源不斷的釋出，有利於股票市場長期健康發展，為今後牛市的到來，奠定了良好的制度基礎。

　　你都知內地股市呢兩年幾咁弱，新國九條係唔係如內地證券界估計咁猛料，尚待觀察，不過阿爺肯出招，總好過唔郁手。

　　周末與一個對股市有研究的中環茶友食飯，見到內地又出國策，我哋熱烈爭論中國經濟掂唔掂嘅問題，我覺得OK，茶友卻認為有危機。我長線睇好，佢長線睇淡，至於短線大家不約而同都唔係咁睇好，認為仲要捱。

　　去槓桿化在所難免

　　呢個中環茶友提出來的論據，好現實。中國經濟這10年高速膨脹，但貪腐太厲害，內地銀行體系借出10元，用到實體經濟上的，只有2、3元，其餘的7、8元都給蒸發了，其中相當部份給貪了，程度相當驚人。為了維持經濟的虛長，過去幾年胡溫時代，不斷擴大信貸。體制漏水使10元只用到2元，但當放大了5倍，就用到10元啦。2008年，溫總更大手筆泵水4萬億元刺激經濟，令到經濟拗腰反彈，副作用係造成了更大的浪費。

　　據國家統計局資料顯示，中國對上的12年以來，廣義貨幣供應量(M2)，年複合增長率達到17.7%！12年喎！中國社科院最近亦提到，2012年，內地居民、非金融企業、政府部門及金融機構的債務餘額111.6萬億元人民幣，債務與GDP比例達到215%。加埋從國外部門借入的外債，更去到228%。單係影子銀行的債務，餘額達72.1萬億元，佔GDP比重139%。中國借貸過高，去槓桿化在所難免，咁樣水頭缺缺，經濟點會好？

　　我基本上同意朋友的分析，唯一有分歧的地方係新一屆政府上台後在官場上大力打貪，經濟上則去槓桿化，係有意識有控制的調整，未算太失控。去年中國的M2增長已降低至13%左右。阿爺刻意收緊信貸，就衍生出近期的經濟增長放緩，以及錢荒的問題。我覺得這是必要之惡，繼續捱落去，係可以見到隧道另一邊的光明。

　　中環茶友插嘴，單係信貸健康番啲仍然未夠，只是停止惡化，未可以突破經濟發展的樽頸，還要經濟轉型，質量有所提升，才有前景。這方面我也同意，當中仍有不確定因素，唯一的方法仍係不斷尋求出路。例如發展高質素、自主性強，以及有創新性的經濟，的確唔易搞。

　　銀行暴利長久唔易

　　其後，我和茶友討論到國策對公司影響的問題。最新有篇文章講到中國去年最賺錢的幾個行業。銀行及能源業係大贏家，當中10間最賺錢公司，由7間銀行及3間石油公司包辦，其中國有四大銀行，工行(1398) 、建行(939) 、農行(1288) 及中行(3988) 排在首四位，其餘就係「三桶油」(中石油、中石化，中海油)。繼續排落去的賺錢行業依次係金融保險、汽車、房地產同白酒行業。

　　呢啲行業特別係銀行業比較暴利，按理不能長久，起碼是盈利咁高，仲要年年雙位數增長的現況不能長久，市場擔心四大銀行、三桶油將被打破壟斷唔睇好，佢哋市值咁大，少人買佢哋的股票，股價唔好拖低內地指數。但呢啲股已跌咗唔少，我向來亦不喜歡見淡唱淡，更不會一竹篙打晒一船股。我從阿爺的政策取向，分出三類企業：壓抑的、調整的、以及保護的，要區別對待。

　　我提出一個較少人提的觀點，最可能會受到阿爺壓抑未必係國企，可能係境外的賭業。據報道，去年澳門賭場公佈收入450億美元，市場估計可能報少了50%。當中的大部份的錢由內地人貢獻。接近成個國家超過1%的GDP總值白白流走了(恐怕實際更多)，中國人的血汗錢白白俾外地人賺走，以習近平主席上台後全力打貪反腐的風格，好難容忍呢種事情長期發生。

　　賭業受壓勢所難免

　　收緊內地過境逗留澳門期限、銀聯出招打擊洗黑錢，以及賭場範圍取消銀聯終端機的措施，只係剛剛開始而已，估計更嚴厲的措施，將陸續有來。澳門開個賭場，揸住個砵，咁就接走中國全國一年1%、2%經濟總量，有無咁離譜呢？呢種吸扯中國資源、並年年猛增的狀態，好難持續也。最近濠賭股跌咗唔少，但平均PE率仍在20倍以上。每年沒有20%、30%以上的純利增長，如何頂得住咁高嘅PE？所以賭股將會受到壓抑，當然不能排除他們跌得多會反彈，但也不是一種很好的長線投資。

　　第二類要調整的、主要係阿爺又愛又恨的行業，包括房地產、金融、電訊。阿爺比較憎恨嘅，莫如房地產，因為房價高民心不穩，阿爺最怕，加上大量內房係民企，唔係阿爺親生仔。按理樓價跌三四成，阿爺應該無任歡迎。但現實上樓價下跌是雙刃劍，在去槓桿化當中，經濟本來已經慢，如果樓價短時間內急跌兩三成，經濟會急速放緩，中國經濟增長保唔住7.5%，地方財政都可能會破產。所以最後阿爺只能夠畀樓市調整吓，見樓市跌得太急，就放水支持，見佢過熱，又要再調控。

　　電訊全開中移腳軟

　　對內銀的態度差唔多，雖然銀行係國企，即係親生仔，但銀行業已經過份壟斷，早就肥到着唔到襪，錢又應借唔借，唔應借的反而亂借，只借予沒有效率的巨企，不借予有活力的中小企，資金錯置，損害了經濟效率，因此阿爺會逐步開放利率。但內銀底子仍差，經受不了風險，所以也不會開放得太快，怕銀行業會爆煲。

　　好似銀行業咁等住開放競爭的重有大把，好多無咁影響經濟大局，例如電訊業，工信部、發改委上周末就聯合發通告，開放所有電訊業務收費，以後固定和移動電話、本地、長途、漫遊語音服務、短訊息、資料業務等，所有電訊業務收費都由市場調節，意味着電訊資費完全市場化，鼓勵提供更優惠資費方案。呢個開放措施對中移動(941) 呢個老大哥最不利，表面上對聯通(762) 這個市場二哥較有利，但你想想中國發出了大量虛擬電訊商新牌照，佢哋向現有電訊商租網就可營運，未來都係世界大戰，中移動最唔掂，聯通和中國電信(728) 亦唔好，香港開放電訊業的經驗有版你睇。所以我唔明點解在已完全開放競爭行業的中移動有9倍PE，在仍未完全開放的內銀只有5倍幾PE。

　　除了上述那些被不同程度打壓的行業外，還有不少軍工、有效率的創新企業就係第三類受保護的行業，可惜呢啲公司良莠不齊，行業競爭又大，唔係好易搵到好公司去投資。

　　我同茶友雖然對中國長遠前景看法不一，但都認為短期要捱，同埋最好要避開受重壓的行業。

　　陸羽仁

2014/05/11 23:11:22 回覆

TO 陸SIR:

星期日CHECK下倉,發覺手上仲有D垃圾新股未放,有1340惠生國際,1636中國金屬利用,3636保利文化,雖然量少,但跌左好多,1340仲係孖展番黎,成本要2.2,家下得番1.1,睇見都眼冤,放唔放好?

舊年呢個時候開左個A股戶口,玩左一年,有1%回報,如果計埋匯價,應該要蝕錢,諗起都心酸,陸SIR認為A股今年可以上番二千四嗎?

kym上

2014/05/11 18:10:21 回覆

好大雨0既母親節 !

2014/05/11 16:30:23 回覆

陸sir:您好！雲遊484業績有一項公平值變動及減值，虧損達7.41348億，這筆數據理解是可換股及可贖回債券支出。請問何謂公平值變動及減值？可否解釋一吓這筆數的來龍去脈？這筆數究竟是否是公司的實質虧損？下一年會否有同類的虧損？這筆數是否公司的財技，隱藏盈利？請覆，謝謝！

2014/05/11 15:24:53 回覆

溫馨提示：陸羽仁財經博客5月25日網聚，風雨不改。如想分享投資人生，請預備一下，用最多3分鐘的時間，講講自己最成功和最失敗的人生經驗，不一定要講股票，那些年的事，結婚生仔揾工買樓開鋪移民，都可以講一餐。人生無take 2, 有的事總會有很深的感覺，講出來可以幫到人又提醒自己最好。

2015年5月25日網聚流程

12:30 點名、聯誼

1:00至1:15 短講：投資人生

1:15至2:30 用餐、抽獎、網友分享投資經驗

2:30至3:30 分組交流

地點：江山笑

香港金鐘道89號力寶中心一樓商場2B舖

(港鐵金鐘站B出口)

電話： 2810.6921

傳真： 2810.6931

電郵： ckwan@jiangshanxiao.com.hk

1. 請到以下網頁檢查你的名字筆名已在5月25日網聚的"出席芳名"名單

http://blogcity.me/blog/reply_blog_edit.asp?f=IGHCKEJP8M22369&id=627786

2. 網聚費用$180，請於5月15日下午5點前直接存入『江山笑』匯豐銀行的戶口。

戶口名稱: Miracle Global Co. Ltd.

戶口號碼: 102-438256-001

3. 在5月15日前，請將入數紙副本、你的名字/筆名電郵給關小姐以確認出席。

Email bank in slip to: ckwan@jiangshanxiao.com.hk

4. 5月25日12:30PM出席網聚時，請出示入數紙當作當天的入場券及抽獎券。

如遺失了入數紙，請盡早通知ckwan@jiangshanxiao.com.hk，否則有可能被拒絕進場。

2014/05/11 01:10:03 回覆

陸sir & 各位：

Happy Mother's Day!!!

2014/05/11 00:44:56 回覆

陸SIR：

你好，看左你個BLOG都又四五年啦~每日都會看~不過一直沒申請個賬號去留言給你~因為你寫BLOG都沒教人買賣股票~所以一直唔敢問你股票D野~但是最近看留言見你都有回復~所以膽粗粗問下你意見~我買左487實德環球~50萬~0.365~0.33~0.31都有入~我覺得呢個股票左豪賭股~最近做埋大陸彩票業務~加上我是它旗下經營賭場澳門十六浦旗下噶員工~還有加上它系十六浦旁邊有塊地~已經問銀行借錢獲批準備起一個賭場+購物噶大樓~我覺得它系澳門新馬路附近
~客源應該唔是問題~問題就是它已經向政府申請左好耐~我記憶應該兩年啦~唔知點解甘耐都唔批~它個副主席成日講話政府未批~你覺得呢個股票點樣？有D咩意見可以給我~是咪買得過~我宜家就是等它旁邊副地起樓公佈~我估應該會升~可以給少少意見給我嗎？無言感激！

2014/05/10 18:35:00 回覆

由於供款由顧主選擇，香港強積金變相競爭少，收費唔平，而半自由行就真係到喉唔到肺… 袋鼠國所有專營強積金的基金，已經是完全開放公開競爭，顧主必需向個別員工所選擇的基金過數供款。

此外，袋鼠國容許個人自行管理退休金，當然由於有會計核數、遵守法則(compliance) 等等的固定使費，自己都要有咁上下儲蓄才值得考慮，以確定支出百份比低於基金經理收費，才是化算。

另外，前一屆袋鼠政府根據Cooper Review，推行強積金改革，包括禁止財務顧問收取回俑 (trailing commission - 不過現屆保守派PK政府，以反政府干預為由，來提推反這一條例)，及推行一個低收費的default退休金MySuper，等啲懶理退休金嘅人，自動選擇，唔會被金融機構掠水過深。

袋鼠看過一篇報導，與其以歷史數據追求過去五年回報最好嘅基金，不如簡單去選擇收費最低的基金。以供款為期三、四十年，絕大多數基金的好表現，只是三數年的過渡性質 (transient)，但收費就是永恆的 (permanent)！與其大部份人都無乜時間或本事去揀投資，不如簡單啲，比較兩個收費相差1%的基金，假設投資回報相約，最終儲得的錢可以相差20%！

另外，唔知香港轉工多次嘅人，會唔會出現擁有多個強積金的問題？袋鼠感覺上是社會上絕大多數人，對退休金的態度都係闊佬懶理，三、四十年後的事看似遙不可及，卻絕對是和自身財務自由作對！只不過這裡的讀者，絕大多數也是陸羽仁的讀者，對理財重視，物以類聚，比較例外吧。

(同步在巴士的報網誌張貼 - 去除粗口字眼)

2014/05/10 17:46:17 回覆

KFC，謝謝閱文 ${#icons_dog5}$

終結者，這些就是我所講，還未有弄清楚的細節。當年袋鼠受害於經濟衰退，因而對當時是執政黨的首相完全反感。不過鼠老了，眼界開了，條友當年亦有不少做對了的地方。佢食鹽多過鼠食米，佢吹水嘅嘢，最少係一個討論的起步點。

大戶終結者 ( 等人齊 ) 2014/05/10 13:21:52 回覆

袋鼠, KFC,

地慘收入就係香港個窿, 係有副作用 (掘油, 煤, 礦, 頁岩氣都一樣有), 睇吓邊個或者邊一代找數! ${#iconb_58}$

現在10% (5+5) 強積金都唔夠照顧自已, 香港加入息稅二至三個百分點唔夠支持退保。

KFC 2014/05/10 12:53:59 回覆

袋鼠，我就係同意你果句「羊毛出在羊身上」先至有咁嘅comment嗟！

2014/05/10 11:48:49 回覆

KFC，我估你係鬧緊拉緊嘅布泛民激進派；假如有睇袋鼠原文，可以見到袋鼠在文中提及過『羊毛出在羊身上』兩次，一次係話將強積金供款轉為供入退保，另一次係前袋鼠國財長，提到需要在入息稅加兩至三個百分點。(雖然袋鼠國係有好多一鑽就噴石油嘅地方)

2014/05/10 11:41:43 回覆

袋鼠：you have a good weekend, too! ${#iconb_264}$

2014/05/10 11:40:01 回覆

2014-05-09

Dow Jones Industrial Average (^DJI)

16,583.34 32.37(0.20%) 4:30PM EDT

Prev Close:	16,550.97
Open:	16,551.23

Day's Range:	16,498.71 -16,588.77
52wk Range:	14,551.27 -16,631.63

Dow Jones Industrial Average (^DJI)

KFC 2014/05/10 11:19:36 回覆

世上是沒有免費午餐的，又要有全民退休保障，又唔想學歐美國家交咁多稅，除非係阿拉伯，掘個窿就有石油湧出黎先至得喇！

2014/05/10 02:07:19 回覆

Kathleen，have a good weekend! ${#iconb_264}$

2014/05/10 02:03:08 回覆

大笨袋鼠@巴士的報 80歲時身處甚麼社會？淺談全民退休保障

PS. 註腳個bullet point唔work…

2014/05/09 23:17:58 回覆

小貓,

中國大陸人跟我們之文化差異, 高質素否? 在乎於大利益, 大生死之前之行為心態. 或別人好起來, 眼紅攪鬥爭有關. 一般風花雪月交談, 學術文化討論, 是兩碼子的事.

點解內地大部分公司高管都會選香港人, 外國人, 有一定原因.

呢個真是同核心價值有關, 香港人雖然勢利, 但是誠信之核心價值, 的確存在.

YY太

2014/05/09 22:11:17 回覆

袋鼠，壽司、魚生冇熟，蟹就熟晒, 一鑊熟 ${#icons_dog5}$

KFC 2014/05/09 18:18:30 回覆

《中資異動》酷派(02369)挫逾7%，主席日前減持股份

2014/05/09 17:43:31 回覆

另外多謝陸SIR巴士的篇聚財。

405,133這兩個數字,以後留意一下先。405陸SIR之前都講過,我都有留意一下。

但我買股,未買先計輸。資產價格可升可跌,我始終比較看重盈利能力是否穩定,有保障。在這方面,四大內銀...始終優勝好多,現在的價格是反映了相當大的盈利倒退風險。但風險真的這麼大嗎?

2014/05/09 17:31:15 回覆

今日MWT那篇中國人心理素質的文章,的確好唔錯(唔理係邊個寫)

內裡的確講出大多數中國人傳統的意識問題。

我覺得總結我們之所以有這些較自私的價值觀(我覺得香港人都好普遍有),

就是1.在貧窮中成長 2.人口密度太高,各種資源都要爭取

我們在生活各層面,都要和別人共用空間,否則就只能用財富去確保空間的使用權。

如果香港和中國有其他自認為文明先進的國家那種人均土地和資源比例,情況會好好多。

所以,一孩政策好唔人道,而且在未來勞動力結構上會出現好大問題。但我支持國家的這一政策,因為是從根本上去解決人民生活難以提升的原因。

而且隨著內地生活質素提升,其實越來越多新一代能自重地承擔起社會和民族的義務。

小貓前幾年一直有在搜狐BLOG寫文章,結交到許多有思想有素質的內地人。嗯...講真,好多人的品格比香港大多數人好太多了。但當然,這些好人在世界任何地方都是少數。

隨著教育和成長環境的改善,中國的新一代並不如大多數香港人想像中那么糟糕。(難道香港不是嗎?)

animal666 2014/05/09 17:16:42 回覆

中原城市領先指數 CCL

日期	中原城市領先指數 CCL (所有成份屋苑)
2014/04/28 - 2014/05/04	118.12
2014/04/21 - 2014/04/27	118.40
2014/04/14 - 2014/04/20	118.31
2014/04/07 - 2014/04/13	119.04
2014/03/31 - 2014/04/06	118.82
2014/03/24 - 2014/03/30	117.22
2014/03/17 - 2014/03/23	118.42
2014/03/10 - 2014/03/16	118.25
2014/03/03 - 2014/03/09	117.18
2014/02/24 - 2014/03/02	118.02
2014/02/17 - 2014/02/23	117.77
2014/02/10 - 2014/02/16	117.41
2014/02/03 - 2014/02/09	118.08
2014/01/27 - 2014/02/02	118.31
2014/01/20 - 2014/01/26	117.56
2014/01/13 - 2014/01/19	118.20
2014/01/06 - 2014/01/12	117.71
2013/12/30 - 2014/01/05	118.96

2018...

SIGH...

2014/05/09 16:15:26 回覆

袋鼠: 大師係出家人, 緊係去"彼岸"啦... ${#iconb_272}$

子龍 (kaka就是大叔的契哥) 2014/05/09 16:08:57 回覆

叮噹......cooooooooooooooooooooool全日收297.... ${#iconb_67}$

袋鼠兄: 噢....講緊網聚呢. ${#icons_dog10}$

2014/05/09 15:52:01 回覆

將軍，「去」？你想叫大師『去』邊？！送佢一程？ ${#iconb_284}$

子龍 (kaka就是大叔的契哥) 2014/05/09 15:50:31 回覆

大師: 你去啦, 呢度有子龍睇住, 放心.... ${#icons_dog10}$

2014/05/09 15:46:26 回覆

大師: 救我........ ${#iconb_67}$

2014/05/09 15:42:25 回覆

朝早兩百點波幅之後，成flatline ${#iconb_254}$ ?!

2014/05/09 15:39:27 回覆

達摩都好想參加網聚噢... ${#icono_7}$

子龍 (kaka就是大叔的契哥) 2014/05/09 15:38:07 回覆

馬仔: 你....你想食霸王餐..... ${#iconb_67}$

2014/05/09 15:37:44 回覆

當年袋鼠有個美國女性朋友，佢無幫襯買衫，但係都會訂閱維多利亞秘密個catalogue (那時好似要收費的)，佢重有年寄一本過來當係聖誕禮物！ ${#iconb_64}$

(見陸sir網誌有提Victoria's Secret，先至醒返起舊事)

2014/05/09 15:36:56 回覆

印度俄羅斯巴西股市都比中國香港股市升得多呢噢! ${#icono_42}$

幪面馬仔 2014/05/09 15:31:57 回覆

我好似仲未比錢 ${#iconb_38}$

2014/05/09 15:31:07 回覆

達摩沽出部份俄羅斯股票止賺離場呢噢! ${#icono_42}$

2014/05/09 15:21:35 回覆

mwt，你瀨嘢啦！真正嘅Rand Corp係科研機構，有做用於工程及數式嘅operation research，印象中亦有戰略分析，因此有好多有關博奕論研究，但就肯定唔係那網頁個logo所形容嘅"construction"公司 (建築公司更加無厘頭會出一份外國國家嘅社會分析？)，人哋科研分析亦唔會咁樣出文；要考證嘅話，用真正Rand Corp個名 (連作者名都無提)，去查下有無英文原稿。

其實兩、三年前有另一個網友瀨嘢，轉載同一文章到這裡，那時袋鼠都媽差篇文。

最好嘢就係，網友(好似係myself兄)找到所謂英文『原文』，啲文法十分不知所謂。

其實原作者大可以用親筆著名寫呢啲評論文章，本來尚有討論價值，無需盜用其他知名機構名譽！

2014/05/09 15:10:44 回覆

袋鼠: 苦中作樂啫... ${#iconb_261}$