亞視_撩人者_?

據娛記報導, 亞視抽三色台水! 前者將會推出舊劇[殭屍]鬥後者大話西遊! 本嚟各有各做都好正常, 之不過亞視做宣傳時準備左紙牌馬騮, 跟住將佢打爛! 如此一來, 比人覺得亞視宣傳部真喺冇料!? 如果有料, 就唔使借隔離台做宣傳! 如果有料, 就唔會得把口稱自己喺良心電視之餘, 要觀眾睇冷飯菜汁嘅殭屍劇集.

喺唔喺拍咗咁多輯殭屍劇集, 所以連亞視自高層至低層都殭屍化咗, 所以做出一啲好似高明實在低裝嘅手法? 就算三色台套大話西遊被切換, 都喺輸在廣大電視迷嘅一致意見, 而唔喺輸比亞視! 咁簡單嘅道理都唔識, 仲好意思攪呢亭宣傳? 睇嚟亞視所謂投放十幾億作為未來資源都似喺空口講大話! 如果真喺有咁嘅實力,

買一套勁抽嘅外購劇嚟打大話西遊就話叻啫, 就唔使用殘劇重現螢光幕啦! 咁多年嚟, 喺邊個造成三色台霸道? 唔通亞視冇份? 自己積弱不振, 仲要死撐面子. 好心的起心肝, 做番一場好戲益下我地班電視迷好過啦! 我地要有得選擇嘅劇集節目, 亞視而家重播殭屍, 即喺換湯唔換藥咁, 同樣叫我地無得選擇囉! 簡直搵笨!

冇實力就唔好講咁多嘢! 同樣冇實力都唔好攪咁多嘢! 攪嘢喺比有實力嘅人至可以玩到出人意料嘅! 亞視碰到三色台, 邊個有實力, 幾十年啦, 咩嘢都睇得清清楚楚! 既然冇新劇集, 就唔好講咁大聲, 更唔好將大話西遊衰收尾嘅成果攬咗上身! 唔關你亞視嘅事, 幾時輪到你攞廣大觀眾嘅功勞? 做好自己本份先至再講啦!