天有不測風雲

古人講得好, 天有不測風雲! 雖然喺老生常談, 不論古今中外都咁用嘅! 就好似呢排天氣又黑雨又紅雨又黃雨, 加埋行雷閃電, 你都米話唔得人驚! 不過, 只要為人行得正企得正, 雷公在頭上執行任務都唔會劈中自己. 當然, 做咗虧心事自然就怕有鬼半夜敲門噃. 好似自己咁不孝嘅行為, 有朝被劈都唔出奇.

話番轉頭, 現代語有講機會留比有準備嘅人! 經過呢幾日雷電暴雨, 就算筆者有帶雨遮, 都叫做有準備啦! 點知雨乘橫風之勢打埋嚟, 攪到身濕褲濕鞋襪都濕, 真喺狼狽至極! 雖然喺咁, 都有一啲啲得著就喺 : 所謂有準備只喺叫自己做好本份, 當突發事件出現嘅時候, 有可能會解決到; 亦都有可能解決唔到!

當解決到之時, 開心囉! 相反, 解決唔到之時, 又唔使咁失落或者自責, 話晒都有準備過, 等同經已盡咗好大努力. 縱使事件未如理想解決, 總算對得住自己! 所以, 呢種拎得起放得低嘅態度先至叫做活在當下! 自己身處生活中遇上一切點點滴滴, 梗唔會永遠喺贏家, 亦唔會永遠喺輸家, 在乎心態正唔正面!

回頭睇番馬航同韓國沉船兩單事件! 有邊個人預測到今朝出咗屋企門口, 就永遠都番唔到嚟? 如果早知, 肯定打死都唔出門口. 最起碼要死都死喺屋企, 好過而家連屍都搵唔到, 令到家人既心急如焚又傷心不已! 以筆者個人睇法, 在有生之年多積德多無私奉獻, 唔好話留比子孫咁遙遠, 可以留比自己死時舒服啲.