做氣氛

2014/05/12 09:54:49 網誌分類: 經濟

12 May

科技大股的活動成為焦點。蘋果宣佈用32億美元收購音樂流服務和耳機生產商Beats Electronics，創了蘋果歷來收購購最高價紀錄。

市場反應麻麻，認為價格過高。因為Beats去年9月亦試過籌集資金，當時的估值只係10億美元，而家半年後變32億美元。蘋果用錢買增長的意圖十分明顯，股價上週五因此跌0.4%至585.61美元，拖住納指後腿。

網上視頻商Netflix將最受歡迎的視頻流服務計畫每月收費增加1美元，估計盈利會提升，收到市場追捧，股價漲2.1%至328.55美元。帶起動能股反彈，其水Gilead Sciences漲1.3%，報79.76美元。

不過真正焦點是阿里巴巴，佢上周終於向美國證券管理委員會（SEC）提交首次公開上市（IPO）計畫申請，市場預估集資規模將達兩百億美元，有望成為美國有史以來最大的IPO案。阿里若以此估計價上市成功的話，市值將達二千五百億美元，將成為全球僅次於蘋果、谷歌和微軟的「科技股四哥」，超過騰訊（700）。

另一隻差唔到時候申請上市嘅科網股係Box公司，一家線上檔案分享以及雲端內容管理服務平臺公司。

不過，有分析指，市場對於科網股新股上市的氣氛，可能唔會此前想像中咁熾熱，起碼及唔上去年11月推特（Twitter）上市時咁癲。主要原因係IPO投資者見到推特剛剛出爐的季度業績表現同股價走勢，對科網股IPO市場，開始有所顧忌。態度變得謹慎。

推特當季營收2.5億美元，係去年同期的一倍，略好過預期，不過，以推特250億美元的市值的規模，生意其實少得驚人，相比之下，Netflix雖然市值不及推特，但去年的營收卻超過了40億美元。本來，市場已經預咗推特的季度收入無乜期望，只留意佢嘅活躍用戶增長。但結果都係唔得，至業績公佈時，推特每月活躍用戶總計2.55億人，較上季增長25%。去年第四季，用戶增長速度係30%；再對上兩季分別係39%及44%！顯示推特用力戶增長正在持續減速。

再睇埋推特上市之後的股價走勢，去年11月以26美元定價上市，之後飆升至75美元高位，但輾轉間跌番到上週五收市嘅32美元。股價好似過山車咁，大上大落。事實上，唔單止推特股價唔掂，科網股可以講係傷亡慘重，Facebook派出一份幾OK嘅成績表，股價離高峰期都要跌15%，無業績表現嘅就更跌得慘啦，亞馬遜跌25%，LinkedIn更跌了30%。科網股唔得，就大大打擊了市場對科網股新股上市的熱情。

有一點可以肯定嘅，投資科技股IPO，賺錢唔易，風險唔細。據統計，今年共有24隻科技股IPO. 首日收市成績不好好，平均升幅28.1%。但去到上週五，平均股價卻只比IPO定價高出2.6%！即係上市首日勁升，其後一路向下。再加上美國經濟唔得，首季GDP只有0.1%增長。咁嘅環境，大家都唔好預期IPO市場會好好，不過市場唔熱，IPO定價又可能會低番啲。所以阿里可能係唱高開低，平少少上市。

我更覺得阿里巴巴上市的大生意在前，有參與的投行會出盡法寶，做好少少氣氛。

另外美國3月職位空缺401萬個，低過2月份413萬；3月批發庫存亦較上月比增1.1%，高過預期；經濟數數理想，提振市場氣氛，再加上高增長動能股反彈，美股上週五反覆造好，杜指漲32點至16583點，創歷史收市新高；標普500指數升3點，收報1878點；納指彈20點，報4072點。總結全個星期，道指升0.4%，標準普爾500指數跌0.1%，納指大跌1.3%，跌幅係一個月來最大。

回應 (44)

我要發表

陸羽仁 2014/05/13 10:27:46 回覆

陸羽仁覆網友

Torreskk:新國九條會減少2823的下跌空間，睇你手上貨多還是貨少，貨多唔使咁進取，可等佢再回吐時才買，但價位調番高啲。688也一樣。

TC:對kym講到133的問題其實我幾同意，特別係中誠信託去年佔其資產21.03%，有9.4億人仔。中誠信託的問題人所共知，幾隻差不多爆的信託都係佢做啲。正因為咁，好多人睇淡133，令佢折讓加大，過去佢的PB多數在0.5至0.8倍，而家得0.4倍，至於加大了的折讓夠唔夠頂持有中誠資產的風險，就見仁見智了。

133管理費投資資產部分每年2.25%，現金部分每年0.75%，加埋行政費有3%以上，的確唔平。表現費每年淨值增長中超過15%以外部分的15%，由於佢持有招行、興業等上市證券，有重覆計算的問題。

Little mo:內地樓市呢幾個月唔係咁掂，所以內房係咁跌。碧桂園跌得甘，你若你貨少，又唔怕見到佢再跌的話，都可以坐吓，內房股都係上落市，除非內地樓市暴跌，但我又覺得一出事阿爺又要頂。內地證券股都係上落市，中信證券12元至22元，銀河在4至7元中間走，你近低位買，照計衰極有個譜啩。

中小型賭股我就唔講啦，斷估碧桂園風險雖然唔低，但係低過佢地囉。

2014/05/13 09:53:14 回覆

陸Sir,

早!

近來內房咁差, 請問老師是否仍認為碧桂園(2007), 貨少者仍可以繼續座下去? 入貨位接近$5元. 屢倉新低, 會否不能回家鄉?

另外, 因中港直通車, 想買証卷股?若個市還能調整下, 請問應考慮388 或是內地的証卷股中信證券(6030) 、銀河證券(6881)?

御泰中彩控股(555)和通達集團 (698) 見佢地好似跌到企穩, 請問老師對它們的看法如何?

謝謝老師指敎.

2014/05/13 09:39:38 回覆

陸SIR,

本人買入2823@8.7一注, 本想到$8再買第二注. 但"新國九條"出現, 是否可對股市有穩定作用,而減低下跌空間?

相對這樣, 我入第二注的策略(銀碼)是否須要更改? 同時我也留意688的, 我原意在$17.8買入一注, 之後再向下買. 但這也是否要調整? 請給意見.

謝謝

animal666 2014/05/13 05:05:03 回覆

斷症落藥
2014年05月13日

　　內地推出「新國九條」，市場即時反應係對佢期望唔係好高，港股開市先升後軟，之後內地股市向好，才帶動港股不斷爆上，本地成交676億，叫做好啲，但熱度未足夠。

　　希望紓緩「IPO恐懼症」

　　「新國九條」推升個市，主要係跟內地股市走，內地又點解讀新政策呢？分析家指出，近年內地股市不振，多少係源自對內地新股解禁的恐懼症，大家擔心公司上市圈錢，令股票供應源源不絕，市場因此患上「IPO恐懼症」，每次一聽到新股解禁，個市就腳仔軟晒，𠵱家又有300幾間A股公司排住上市，搞到內地股市死氣沉沉。

　　阿爺今次出招，「新國九條」提出其中一樣係「積極穩妥推進股票發行註冊制改革」，在提高上市公司質量同時加快多層次股權市場建設，壯大主板、中小企創業板市場，同時在清理整頓的基礎上，將區域性股權市場納入架構中，希望斷症落藥慢慢理順市場關係，醫番好市場對「IPO恐懼症」的憂慮。即係話覺得中醫開藥調理到你身子強壯，循環加快，咁你的「三高」都好埋。

　　港股受惠「新國九條」消息推動，早段一度倒跌66點後馬上隨A股抽升，升幅更擴大至537點，尾市升勢放緩，最終未能企穩50天線收市。恒指收報22261點，升398點；國企指數收報9827點，升143點。「新國九條」被市場認為中央睇重資本市場發展，要使新股發行制度與國際接軌，內地證券股因而被炒高。中信證券(6030) 、銀河證券(6881) 升近5%，其他證券股紛紛造好。

　　究竟「新國九條」有無咁大威力，長遠要睇政策的有效性，短期就要睇對內地股市的刺激係咪可以持續。講到底，要搞好股市唔係靠把口話推幾條政策就得，仲要睇落實成點，呢樣嘢要經過時間觀察至可以確定同驗證到，呢排我成日叫人見淡唔使睇得再淡，見好都唔使急急轉好，「新國九條」大方向俾人有希望，但亦唔等如投資者見到呢類國策升市就要即刻撲埋去，等佢回吐至買都未遲呀。

　　大市爆升，另一焦點係近排跌到散戶心驚的科網股，不過今次佢唔係帶頭跌，而係帶頭彈，股王騰訊(700) 一舉做番啡底股，喺低位撈貨炒拆細的散戶，如果買得夠平，暫時就嚐到甜頭。

　　騰訊自從宣佈拆細後，消息都支持唔到股價，隻嘢仍然一級級咁落，由高位計，調整咗差唔多四成，當初聽見佢拆細湧入去者，𠵱家好多仲係坐緊艇，雖然佢昨日彈得急，但賺錢者唔多。

　　阿里遞表有效應

　　除了跌得急彈番同炒拆細，騰訊湧番高可能都同海外市場有關，因為佢有份投資的京東商城，傳話有意係阿里上市前截胡登陸美股市場。騰訊當日入股京東，價錢唔係貴，揸住14.3%，係京東第三大股東，今次京東去美國上市聽講為咗同阿里搶客，價錢未必會去到咁盡，但騰訊仍然應該有可觀帳面利潤。

　　陸羽仁懷疑騰訊回勇係同阿里在美國上市有關。阿里上周終於向美國證券管理委員會提交首次公開上市計劃申請，市場預估集資規模達200億美元，有望成為美國史上最大IPO。阿里市值將達2500億美元，將成為全球僅次於蘋果、谷歌和微軟的「科技股四哥」，超過騰訊。投資銀行要造成呢單大生意，自然想搞到場面好好睇睇，咁美國科技股呢排跌咗咁多，想搵大錢的投行除咗唱高阿里個上市價，方便將來有水位減價之外，又會唔會喺上市前做吓功夫去粉飾太平呢？在香港科網股點走，在香港推升騰訊5%，等佢有個似模似樣的反彈，都可以配合阿里上市喎！

　　陸羽仁

2014/05/13 04:36:19 回覆

2014-05-12

Dow Jones Industrial Average (^DJI)

16,695.47 112.13(0.68%) 4:29PM EDT

Prev Close:	16,583.34
Open:	16,584.82

Day's Range:	16,584.82 -16,704.84
52wk Range:	14,551.27 -16,704.84

Dow Jones Industrial Average (^DJI)

2014/05/12 23:48:58 回覆

另外，405似乎都係墮落天使？廣州商業出租面積陸續推出…

2014/05/12 23:11:50 回覆

陸sir: 唔知你對網友kym提供133的資料和意見有咩睇法？thx~

2014/05/12 22:50:47 回覆

道士新高啦！

恒仔加油呀！！ ${#iconb_246}$

2014/05/12 22:29:55 回覆

Kym，謝謝提供資料、意見。 ${#icono_85}$

2014/05/12 21:55:32 回覆

原來有網聚,現在報名會唔會太遲...

陸SIR介紹133,呢隻股我都玩左兩年,個人感覺伏伏地,佢管理費好似好貴下

而且招行興行佔佢四成NAV,派果D息都唔夠比管理費,跟住有隻中誠信託又佔兩成,呢隻野大家GOOGLE下全部都係爆煲新聞

由於管理費跟據NAV收取,招行興行有市場價有得跟,其他未上市資產,佢吹得越大,收個管理費就越高,結果大家都懂的

買佢就只可以當間接平手價買招行興行A股,同埋駁佢私有化,之前試過NAV價食5%

呢輪佢好似係咁賣野,有古惑...

2014/05/12 21:41:19 回覆

小貓，只係作一點補充。奧斑馬的父親是肯尼亞留學生，而母親是美國土生白人。他不是非洲奴隸移民的後裔。

睇睇吓都想插把咀… 雖然香港都幾多公主王子，但同時更有不少付出努力的人，而又面對這個社會是沒有『半斤八兩』的現實，呢班人係存在於香港的。

2014/05/12 17:01:53 回覆

叮噹....升四舊....文化人士收泣柒零...酷仔死企三皮.... ${#icons_dog5}$

五月天是升定跌呢 ${#iconb_212}$

2014/05/12 16:12:06 回覆

4舊都無... ${#icons_dog5}$

2014/05/12 15:48:33 回覆

金曹師兄: 唔該晒

2014/05/12 15:22:27 回覆

溫馨提示：

已成功報名出席5月25日陸羽仁財經博客網聚的朋友請留意以下安排。仍在候補的朋友請耐心等待個別通知，多謝合作。

2015年5月25日陸羽仁財經博客網聚流程

12:30 點名、聯誼
12:45至1:15 短講：投資人生（陸羽仁）
1:15至2:30 用餐、抽獎、網友分享投資經驗
2:30至3:30 分組交流

地點：江山笑
香港金鐘道89號力寶中心一樓商場2B舖
(港鐵金鐘站B出口)
電話： 2810.6921
傳真： 2810.6931
電郵： ckwan@jiangshanxiao.com.hk

1. 請檢查你的名字或筆名已在5月25日網聚的"出席芳名"名單。
http://blogcity.me/blog/reply_blog_edit.asp?f=IGHCKEJP8M22369&id=627786

2. 網聚費用$180，請於5月15日下午5點前直接存入『江山笑』匯豐銀行的戶口。

戶口名稱: Miracle Global Co. Ltd.
戶口號碼: 102-438256-001

3. 在5月15日前，請將入數紙副本、你的名字/筆名電郵給關小姐以確認出席。否則當作放棄出席。
Email bank in slip to: ckwan@jiangshanxiao.com.hk

4. 5月25日12:30PM出席網聚時，請出示入數紙當作當天的入場券及抽獎券。

如遺失了入數紙，請盡早通知ckwan@jiangshanxiao.com.hk，否則有可能被拒絕進場。如已報名但未能出席，請盡快通知金曹 jin.cao@hotmail.com。

2014/05/12 14:57:52 回覆

今天原來是來自掉那....升.. ${#icons_dog5}$

2014/05/12 14:44:49 回覆

組長: 係我呀... 真係好傻咩? ${#icons_dog5}$

2014/05/12 14:15:45 回覆

2014/05/12 14:13:45 回覆

無力啦... ${#icons_dog5}$

2014/05/12 14:10:08 回覆

子龍兄: 升.....當然好

2014/05/12 14:09:58 回覆

終結者: 好呀... ${#icons_dog5}$

大戶終結者 ( 等人齊 ) 2014/05/12 14:05:56 回覆

5舊之後又5舊好唔好？ ${#iconb_316}$

2014/05/12 13:49:42 回覆

可不可能還我五舊... ${#icons_dog5}$

子龍 (kaka就是大叔的契哥) 2014/05/12 13:42:53 回覆

唔知挾唔挾到呢??? ${#iconb_522}$

TC兄: 噢...升不好嗎??? ${#iconb_61}$

2014/05/12 12:52:06 回覆

TO:YY太

RE:

中國大陸人跟我們之文化差異, 高質素否? 在乎於大利益, 大生死之前之行為心態. 或別人好起來, 眼紅攪鬥爭有關. 一般風花雪月交談, 學術文化討論, 是兩碼子的事.

點解內地大部分公司高管都會選香港人, 外國人, 有一定原因.

呢個真是同核心價值有關, 香港人雖然勢利, 但是誠信之核心價值, 的確存在.

-----------------------------------------------------------------------------

小貓認同您的觀點,現在情況的確如此,相信在您和我退休之前都會保留如此,小貓所擔心的是我們的孩子。

內地人普遍給人現實下流、自私無恥、短視貪財、不擇手段、漠視公義、踐踏公平、妄顧公正...的印象,但他們學得很快。

香港以前也是如此......的確這個以前是上一代的時候了。美國初期的西部大開發,殘害了美洲和非洲數以千萬的人命。

(有研究甚至指非洲黑奴在抵達美洲前,死亡損耗率達90%,在數十年內,非洲人口流失了1億,但今天奧巴馬能連任美國總統。)

幾乎所有已發展地區的成就,都是需要剝削大片資源生產地區來支持成果的--香港也是如此。

當然,象牙塔裡的公主王子,不用去考慮本身的生活環境如何得來,但他們本身的存在,就負有公義上的責任。

香港人的核心價值,是數十年因應環境所形成的生活態度,不是與生俱來的素質。

這是可以改變,也能夠被學習的。

香港人的競爭優勢是確實存在的,而且是可持續的,但那只限於有真正實力和修養的香港人(這種人才,不分種族,在全世界都有競爭優勢)。

但絕大多數的香港人,要付出比現在更多的努力和面對現實,才能不被超越。

認同嗎?

2014/05/12 11:50:16 回覆

多謝金曹兄, 麻煩你一共留兩個位到waitlist, 希望盡快收到你的回覆, thank you ar :)

2014/05/12 11:50:09 回覆

多謝金曹兄, 麻煩你一共留兩個位到waitlist, 希望盡快收到你的回覆, thank you ar :)

2014/05/12 11:30:38 回覆

升吧...不要再回頭了-_-#

2014/05/12 11:23:59 回覆

馬仔:洗多幾個頭就無時間睇住個MON架啦... ${#icons_dog5}$

2014/05/12 11:21:07 回覆

3舊? ${#iconb_374}$

2014/05/12 11:19:19 回覆

大戶真係話升就升...

幪面馬仔 2014/05/12 11:18:32 回覆

Bud 時運高就話嗟 ${#icons_dog5}$

2014/05/12 11:14:10 回覆

馬仔: 當睇唔倒啦... ${#icons_dog5}$

幪面馬仔 2014/05/12 11:09:51 回覆

1101 ${#icons_boy3}$

2014/05/12 10:59:25 回覆

陸sir, 金曹兄, 想問網聚仲可以參加嗎?好想來呀

2014/05/12 10:56:28 回覆

陸sir & 師兄姐早晨~!!

2014/05/12 10:48:31 回覆

轉頭就升兩舊咁絕? ${#iconb_374}$

2014/05/12 10:18:29 回覆

陸SIR：

你好，看左你個BLOG都又四五年啦~每日都會看~不過一直沒申請個賬號去留言給你~因為你寫BLOG都沒教人買賣股票~所以一直唔敢問你股票D野~但是最近看留言見你都有回復~所以膽粗粗問下你意見~我買左487實德環球~50萬~0.365~0.33~0.31都有入~我覺得呢個股票左豪賭股~最近做埋大陸彩票業務~加上我是它旗下經營賭場澳門十六浦旗下噶員工~還有加上它系十六浦旁邊有塊地~已經問銀行借錢獲批準備起一個賭場+購物噶大樓~我覺得它系澳門新馬路附近

~客源應該唔是問題~問題就是它已經向政府申請左好耐~我記憶應該兩年啦~唔知點解甘耐都唔批~它個副主席成日講話政府未批~你覺得呢個股票點樣？有D咩意見可以給我~是咪買得過~我宜家就是等它旁邊副地起樓公佈~我估應該會升~可以給少少意見給我嗎？無言感激！

2014/05/12 10:18:15 回覆

各位早.....我是市場的老散呢..... ${#icons_dog5}$

2014/05/12 10:16:59 回覆

${#iconb_62}$