無線鼓勵爆粗?

今日娛記報導無線為左谷世界盃, 不惜用收費台開十九頻道, 由名咀勁辣議員黃毓民爆粗講波經, 開咗無線自一九六七年成立以嚟最出位嘅一個商業決定! 當然, 用收費台攪埋呢啲四年一閏嘅節目, 喺要申請無線收費台嘅人都足秤十八歲先至可以參予. 條數計得過, 話就話揼咗幾億攞獨家播映權, 點都會贃番轉頭嘅.

往年比有線攞咗播映權, 仲玩出既侮辱又苛刻嘅條件, 吹到無線啤啤聲, 仲谷氣谷到大頸泡. 所以, 為咗唔想繼續比有線寸, 無線落重本攞今屆世界盃獨播權. 雖然話在商言商, 各有各做! 去到尾, 都喺益咗啲外國集團. 與其喺咁, 幾間香港電視媒介何不唔坐低飲杯茶食個飽, 傾下聯手競投下一屆, 仲好過自傷殘殺.

講番爆粗呢家嘢, 冇得話應唔應該! 呢種喺口同鼻拗嘅問題! 有人覺得好大件事; 有人覺得喺好小事! 有人覺得增加感情; 有人覺得有傷感情! 有人覺得喺廣東傳統地方語言好應該尊重; 有人覺得爆粗本身已經喺唔尊重人哋唔值得鼓勵! 筆者認為爆唔爆粗喺睇當事人自己有冇咁嘅需要! 能夠自我控制唔講就更加好!

無線今次攪呢種節目, 在一般普羅市民球迷嚟講喺好事, 加上無線近年做唔出好戲比全港市民睇, 如今難得有咁嘅機會擦吓鞋, 攞番個好印象, 都喺情有可原. 至於應唔應該爆?  或者我哋平時表面唔會爆, 卻唔等如內心唔想爆或唔敢爆, 有可能喺個內心爆咗好多次都未定! 不過呢種情形, 畢嬲喺天知地知自己知啫!