睇納指

2014/05/14 09:38:55 網誌分類: 經濟

14 May

美股再創歷史新高，標普500指數一度升穿1900點，收市平手離場，收報1897點，只差0.15點，觸及歷史最高收市位。杜指全日升20點，盤中及收市都創出歷史新高，收報16715點。納指逆市跌14點至4130點，相信係上日反彈得勁嘅科網股，昨日有獲利回吐，反映投資者對科網股前景唔係好有信心。

美股升幅回順，主要係國內以至外圍的經濟數都唔理想，美國4月份的零售銷售增長0.1%，達唔市場預期的0.3%，而上月則由1.1%向上調整至1.5%。零售增長在大幅放緩。零售銷售數據公佈之後，高盛隨即將美國第二季度GDP預期從3.9%下調為3.7%。

支撐大市嘅主要係房屋建築類股。市傳聯邦住房金融局將推出新措施，可能令許多美國人更容易獲取按揭貸款。房屋建築類股和房利美、房貸美齊造好，其中DR Horton升超過2%；房利美及房貸美更升7.8%及6.9%。另外，可口可樂計畫增加在Keurig Green Mountain的持股量由10%加至16%，刺激Keurig升7.6%，成為升幅最大的標普500指數成份股。

值個留意的是，推動杜指和標普500指數創新高的主要推手，嚴重地傾向於大型的高市值股票。與52周高點相比，主要由細市值公司公司組成的羅素2000指數和納指的股價平均值，仍跌20%以上。今次升勢並不全面。

對於有分析員對美股走勢出現分歧的憂慮，華爾街分析師巴里日前發表研究報告，闡述美股市近日創新高的幾個原因。第一、上周，空軍大量地賣空大型動能股和高風險股票，但這個板塊這兩日意外地大幅反彈，挾到空軍要斬倉。空軍暫時偃旗息鼓，令動能股終於找到了部分支撐；二、外圍股市，包括歐洲、中國和印度表現都十分強勁；三、儘管歐盟宣佈烏克蘭東部地區進行的全民公投是不合法的，進一步制裁俄羅斯，但形勢相對平靜；四、美企前財報季的公司利潤超出華爾街分析師平均預期，美國經濟的前景也日益呈現正面的跡象；最後，全球經濟正在加速增長，各大央行持「鴿派」立場，企業也頻頻進行併購交易活動，到目前也未有看到可能導致股市回落的明顯因素。

目前美股走勢仍在我早前預料的方向，早前我話杜指、標普500指數蓄勢破頂，這也會帶動反映科技股走勢的納指反彈，目前正顯現的走勢是杜指及標普500指數再衝高，若然好一點杜指有機會試衝17000點心理關口(距現價285點)，但估計納指卻不能上穿高位。

納指在2008年見1000點低位後，一直向上，走勢比杜指和標普更凌厲，特別是從2012年中的1500點低位直撲今年3月8日高位3738點，當中未有顯著回吐。(納指圖見http://goo.gl/hdD0Uq)早前開始了一個較大的回吐浪，現時處於大調整後的反彈，有兩個可能，第一是未來再上穿3738點的高位，上行走勢未被破壞，第二是反彈不能上穿3738點，顯示3738點已是未來長時間的頂位，納指將反覆向下，我傾向估是後者。納指出現何種走勢，絕對會影響香港科技股如騰訊(700)的走向。

陸羽仁

回應 (45)

我要發表

2014/05/15 19:33:33 回覆

陸sir,

好耐無留言，不過睇你的文章已經成為左我生活的習慣了。

想問:

我剛買入了理文造紙，$4.13買入。我見理文造紙的管理層李文俊先生像是一個很有heart的人，，也實實在在的經營了很久。股價都近低位，請問你點睇理文造紙呢?

另外，我想問陸sir點運用時間既呢? 又要寫美股，咪唔使訓覺?

仲有，陸sir可以寫寫對年青人買保險 (真係保障?) 和旅行的睇法嗎 ?

謝謝

2014/05/15 19:33:30 回覆

陸sir,

好耐無留言，不過睇你的文章已經成為左我生活的習慣了。

想問:

另外，我想問陸sir點運用時間既呢? 又要寫美股，咪唔使訓覺?

仲有，陸sir可以寫寫對年青人買保險 (真係保障?) 和旅行的睇法嗎 ?

謝謝

2014/05/15 16:04:35 回覆

陸sir,

好耐無留言，不過睇你的文章已經成為左我生活的習慣了。

想問:

另外，我想問陸sir點運用時間既呢? 又要寫美股，咪唔使訓覺?

仲有，陸sir可以寫寫對年青人買保險 (真係保障?) 和旅行的睇法嗎 ?

謝謝

陸羽仁 2014/05/15 13:25:30 回覆

陸羽仁覆網友

吾識炒:昨日講起酷派主要睇圖，唔係講基本因素，佢個圖現咗粒低位十字星，你在我講時加注短炒都得，但而家升咁多唔好追啦，怕佢升多少少要回。順口講兩句呢啲低位十字星，如見到時已比低位升咗幾個巴仙，但升幅在10%以內，我短炒會買入，然後定番10%止蝕，咁止蝕位就在十字星那天的低位以下，若然到價要打靶，都跌穿低位，唔死無用。但低位十字星通常都係一浪轉角市，有七成左右機會中。有興趣可睇Larry Williams 的Long-term Secrets to Short-term Trading呢本書。

我一向唔贊成人按樓借錢買股，因為要承擔風險。但你買405應該OK，若以405持有的廣州IFC的質素同香港居屋比，更不可同日而語。(雖然你唔係賣居屋)風險主要係利息急升，咁就供樓負擔大增，同時405的股價亦會跌，因為大市跌。

688炒作空間下移，固然安全啲，但風險係入貨價太低買唔到貨。我覺得穿18時可以撈，上次同大家講亦係呢啲價位，差唔多係底。

2014/05/15 10:37:49 回覆

陸sir早晨

2369係唔係已經錯過在低位加注的機會呢? 有時想等佢跌定先入, 不過定咗可能已經升返好多...

另外想問下我而家手上有一個值280萬的自住居屋單位, 已補地價.

有冇咩方法好好利用一下呢個資產去增值? 例如按咗佢, 取出150萬去買405, 而家供樓約2% , 405一年派息5-7%, 我供樓應該冇問題. 可能美國出年開始加息, 你覺得咁做有冇好處呢? 風險又如何呀? 謝謝 :)

2014/05/15 10:36:41 回覆

陸sir早晨，

在下超短炒688追返之前部份損失，多謝老師推介先

在下急急食糊主要係睇大陸內房爆煲睇到心驚，杭州好似已經變成另一個溫州，在下覺得2，3線城市會越黎越多“溫州”出現，呢個現象可以話係08海潚後第一次，都咪話唔驚

不過在下覺得688作為頭號內房股依然好好炒，正因為大陸房價跌得夠勁，所以沽落黎果下夠勁，沽得夠低，阿爺救市，688作為龍頭錢多好可能自己都出黎頂下股價，所以一彈又係快到離譜，短炒相當好，不過在下覺得因應內房大環境改變，688炒作區間要向下移一格，之前炒開18-22，依家可能17-21或者16-20，唔知老師點睇呢？

2014/05/15 10:13:55 回覆

${#iconb_325}$ ${#iconb_3135}$

KFC 2014/05/15 09:38:14 回覆

Should be #2988.

子龍 (kaka就是大叔的契哥) 2014/05/15 09:17:14 回覆

噢...今日睇下700先.... ${#icono0_2}$

2014/05/15 08:11:47 回覆

末平瘡數在月中都咁少....奇怪... ${#iconb_212}$

催化劑....... ${#iconb_530}$

animal666 2014/05/15 05:55:07 回覆

你驚佢又升
2014年05月15日

　　呢個五窮月個個心驚驚，點知個市就玩相反，恒指再炒一日出現五連升，而且一升仲升過200點，唔怪得有人話呢一輪炒上，好似有夾倉味道啦。

　　呢種咁夾升市，亦係睇住大市政策味好濃嚟做，我話政策味好濃的意思，唔係只講阿爺出的政策文件或評論，而係有不同方位的部署，唔單止係政策上有動作，仲好可能係個市或其他方面配合埋，尤其見到係內地個市，喺2000點個底真係好鐵！

　　騰訊股價「走紅」

　　美國杜指近日升勢幾強橫，帶動到科技股比重高的納指，在調整之後開始回穩番。雖然美股如果夠勇，有可能試衝17000點心理關口，但由於市況已經連升多日，愈來愈多人等緊佢出現調整。

　　收市後，騰訊(700) 公佈截至3月底止首季業績，股東應佔盈利64.57億元人民幣，比市場預期的46.97億元為佳，按年增長60%，每股基本盈利3.5元。盈利強勁反映業務增長，以及與京東進行戰略交易的19.42億元收益，及出售文化中國股權的7.43億元收益。若睇純利按季增長17%至51.94億元，實際經營利潤率35%，純利率28%，較去年第四季的30%及26%有進步。今日騰訊拆細，由啡底股變番做紅底股，估計開市會借業績炒番轉。另外，我仍建議大家睇住納指走勢，因為騰訊股價跟美國幾隻科網巨股走，多過自行散步，納指若繼續反彈，騰訊亦有運行。

　　大市繼續炒中港地產股，內地多個城市推房地產鬆綁政策後，傳天津將放開第三套住房限購，內房股續向好。中國海外(688) 因此四連升，升4%；華潤置地(1109) 仲靚仔，漲6%，跑贏一眾藍籌。本地地產股就受惠港府提出修訂雙倍印花稅(DSD)，放寬「先買後賣」換樓人士而設定的「六個月」換樓期限，得以延續升勢。新地(016) 做番「紅底股」，報100.7元，升1.9%；早排因為供股插低的新世界(017) 就升3.6%，報8.6元。

　　經過五連升，大市終於重越牛熊線(250天線，現處22444點)，國企指數就未能企穩一萬點大關收市，恒指收報22582點，升230點，國企指數收報9991點，升135點。既然個市係炒緊阿爺護市夾淡倉，指數升到咁上下，阿爺可能會留番啲彈藥唔出住，咁投資者跟車太貼，就要小心佢突然間慢駛甚至停一停車嘞喎。你睇個市係咁夾升但成交只有600億左右，火力未夠，小心升近23000點又有回吐唞吓氣。

　　匯源突爆內鬥

　　除了大路股份，近日有隻飲品股匯源(1886) ，出現股價插水，仲搞出主席同老總不咬弦。據內地傳媒報道，匯源調整管理架構，成立戰略及經營管理委員會，由主席朱新禮兼任主席。去年才走馬上任的行政總裁蘇盈福，因此被指權力遭架空。對於市場傳聞，朱新禮於電話會議上就否認公司權鬥。

　　匯源近日是非不絕，公司之前公佈，以3.6億元人民幣，出售旗下飲料及瓶裝水業務，預料因出售而錄得收益約1.07億元，但就被市場質疑低價出售重要資產。

　　匯源曾經係內地果汁市場一哥，曾經被可樂提出收購，可惜被政府反對無法成事，市場其後一直憧憬佢賣盤，但去年公司請咗蘇盈福做總裁，好似想大展拳腳，股價一度猛抽上6.16元，市值衝破100億元。據熟悉公司情況人士話，蘇盈福曾經係另一家無上市嘅大型食品公司任職，外界買佢會搞大家公司，故此追捧股價，現時傳媒突然爆料，雖然昨日股價係4.46元止跌，暫時睇落風險仲未除。

　　陸羽仁

2014/05/15 05:50:04 回覆

2014-05-14

Dow Jones Industrial Average (^DJI)

16,613.97 101.47(0.61%) 4:30PM EDT