累起中國

2014/05/15 09:53:54 網誌分類: 經濟

15 May

美股上衝一段後要抖氣，杜指回番101點。

美國4月批發價格指數(PPI)上漲0.6%，連續第二個月大幅增長，遠高於市場預期的0.2%增長，比較去年同期，增長率達2.1%，係2012年3月以來最大的年度升幅，顯示通脹壓力正在升溫。小型股連續第二日下挫，美股連續兩日創歷史新高後，昨日顯著回軟。杜指跌101點至16614點、標普500指數挫9點，收報1889點；納指30點，造4101點。

標普500指數此前連漲三日，前兩日連續刷新收盤紀錄，上日更首次升穿1900點。小型股Russell 2000指數卻連跌兩日，昨日急跌1.6%，表現遠差過標普500指數，有分析員擔憂，小型股持續疲弱的表現可能波及整個市場。

標普零售股指數收跌1.1%。其中梅西百貨季度營收不及預期，股跌0.2%，零售商Fossil Group首季盈利不及預期之餘，第二季盈利預期也低過預期，股價大路超過一成，係幅最大的標普500指數成份股。有分析員對美國零售業的表現十分關注，主要係希望搵到能夠證實嚴冬是造成經濟活動放緩的唯一原因的證據。

有「末日博士」之稱的魯賓尼(Nouriel Roubini) 與同係大淡友的歐洲太平洋資本公司總裁彼得希夫（Peter Schiff）昨日在SALT 2014 論壇上拗到面紅耳赤。希夫一如既往，繼續批評聯儲局的寬鬆貨幣政策，並且預期，將最終把美國經濟推至超過通脹（hyerinflation），又認為聯儲局唔應該抗拒通縮，因為通縮可以幫助消費者，「價格下跌唔會威脅到消費者，更讓消費者得益。」

魯賓尼則當著千幾名基金經理面前直指希夫對於通縮的講法係「廢噏」（nonsense），佢話美國大蕭條時出環通縮，日本這二十年亦面對通縮，經濟亦沒有增長。

雖然魯賓尼唔同意希夫嘅通縮論，佢亦認為聯儲局的政策引致全球經濟多個重要風險，除了製造通脹外，另外還有，一、持續地造成中國經濟增長放緩；二、發達國家出現長期滯脹（secular stagnation）的風險；三、包括印尼、土耳奇、巴西、南非、烏克蘭、俄羅斯、匈牙利、阿根廷及泰國等新興國家發生金融危機；四、俄羅斯西方國家的新一輪冷戰；以及五、逐步加劇中國與日本之間的緊張關係。

魯賓尼呢個美國放水累起中國的觀點，有啲見地。

不過，魯賓尼又講笑咁講話，希夫至係真正嘅「末日博士」。因為佢認為歐元區債務危機風險已經降低，美國遭遇財政危機的風險也逐步減退，對美國經濟前景持樂觀態度。日本大力放水，已將經濟衰退的風險，往後推延了。至於中國經濟，佢認為會出現「顛簸」而非「硬著陸」。

回應 (24)

我要發表

陸羽仁 2014/05/16 10:26:16 回覆

陸羽仁覆網友

TC:我對國美和中外運的看法有啲唔同，國美低位大反彈後，去年11月和今年4月都見過1.52元的高位就回，怕佢有雙頂回落的風險。相對地中外運好啲，正如我去年尾提過航運股衰到貼可能慢慢好番啲，佢地仲在上行軌道中。定好止蝕後，等佢回落深啲時可吸。

Gamesimon:中興通訊都係走緊上落市，有輕微下行味道，啲電訊巨頭唔係咁好環璄，投資設備都唔係咁鬆手，睇4G市場都幾難打，加上阿爺又叫大家共用基站成立國家基站公司，唔好重覆投資，都對佢有啲壓力。就算唔係反覆下行，都只係炒上落。

Bdroom:你低位買咗新世界，我覺得除非你本來都係預咗短炒，否則低位入咗可以睇一年。

姆明:理文造紙經營認真。首季生意良好，本來可以睇好，但佢在越南搞緊大廠，而家越南有事，好多人去沽佢，股價跌近一年低位3.9元，我反而覺得可以分段低吸，要預佢可能要穿一穿低。

理文造紙首席執行官李文斌本周三在股東會後的講話可參考，佢話「今年理文造紙首季銷售情況理想，紙價較去年的水平保持平穩，希望產量與銷量均可以實現雙位數增長。他指出，現時為淡季，但錄得的銷售情況良好，且市場需求也較大，因此對第二季度的銷售情況表示樂觀，亦看好下半年中秋節、聖誕節等節日將進一步拉動市場需求增長，以實現雙位數增長的銷售目標。

談及近日在越南的反華遊行()，李文斌稱對越南工廠的運作並無影響，他指出，越南工廠可於2015年的第三季度或第四季度開始投產，年產量可達40萬噸，達到總產量的8%至9%。他亦表示，越南工廠為大陸市場外的第一家工廠。」

我而家都幾忙，睇住外圍和本地股市，仲要搞其他嘢，唔係幾夠瞓。

子龍 (kaka就是大叔的契哥) 2014/05/16 09:21:24 回覆

噢....cooooooooooool仍然是以376為止損點呢.... ${#iconb_241}$

子龍 (kaka就是大叔的契哥) 2014/05/16 08:59:35 回覆

噢....越南排華... ${#iconb_67}$

KFC 2014/05/16 08:53:03 回覆

借平錢打救碧桂園四叔認購2.5億美元債

animal666 2014/05/16 05:05:15 回覆

分身搞驚喜
2014年05月16日

　　越南排華示威影響股市，三間宣佈關閉越南工廠的香港上市公司，昨日股價齊挫，其中印刷線路板生產商奕達(2662) 最傷，大跌10%；天虹紡織(2678) 跌7.5%；信星(1170) 下滑3%，設廠都要揀地方。

　　過去一個星期，越南局勢急劇惡化，當地發生排華事件，不少工廠被搗亂，最慘係一班台商，唔單止生意受影響，仲有人命傷亡，喺咁環境下，好多係越南設廠的股份都跌到一仆一碌，除非當地局面好快回復正常，工廠開番工，否則若要搬廠的話，真係有排衰。

　　近幾年中國同鄰近地區關係緊張，最令人注視的當然係菲律賓，因為除咗主權爭議，仲有單香港遊客喺當地被殺的悲劇。不過，有熟悉區內政局的人同陸羽仁分析，話菲律賓同越南好唔同，賓仔成日喊打喊殺，其實講多過做；越南就唔聲唔聲嚇你一驚，對海上資源包括油氣在內十分眼熱，而且佢同中國有邊境接壤，雙方張力更大，中國對越南更有戒心。

　　越南排華對港股無影響

　　越南同中美兩個大國關係好奇怪，中國曾經協助越南打走美軍，可惜後來鬧翻，鄧小平出兵打懲越戰爭，中國慘勝之餘種下長期矛盾，反而美國佬雖然吃了敗仗，但對戰時係越南地氈式轟炸同使落葉素(由於美軍怎樣轟炸也不能摧毀游擊隊地道，最後以落葉素令樹林寸草不生)有種歷史罪咎感，隨着近年越南開放，兩國關係大幅改善，間接令越南企硬。

　　至於點睇今次事件，從國策層面分析，呢次反映咗地緣政治緊張表面化，唔單止係越南，菲律賓、日本都有軍事摩擦的風險。有人從投資角度睇，擔心中越會唔會開戰？如果擦槍走火，港股會唔會大跌？

　　根據過去經驗，如果東南亞發生政治不安，包括排華事件，資金係會搵安全港停泊，一般華僑係會揀新加坡同香港。如果係印尼一帶，佢哋泊錢就會揀新加坡多啲。至於越南，若果有留意的話，幾年前本地豪宅市場仲有得炒時，都有越南資金活躍，好明顯佢哋除咗係要錢搵錢外，仲有分散風險之意。

　　今次越南排華，同樣係相關概念股跌得勁，但對大市就無乜影響，可以咁講，呢次搞出暴亂，越南損失會大過中國同香港，所以對港股影響相信唔會好大。我話擔心大市升近23000點殺晒淡倉之後會回吐，可能現實過擔心中越開戰。

　　大市昨日另一焦點係公佈靚靚業績的騰訊(700，臨時編號2988)，恒指受惠騰訊季度業績佳，開市已升144點，之後升勢一度大幅放緩，惟尾市買盤再度湧入，最終收報22730點，升148點；國企指數收報9971點，跌20點，成交金額549億元。

　　騰訊早前宣佈拆細，昨日開始一變五的，可能預知業績會報佳音，所以搞個分身戲法加強驚喜效果，公司首季純利按年及按季勁增60%及65%，即被多間大行唱好，拆細價收報108.8元，大升近6%，不但是升幅最大藍籌，仲做埋升市功臣。

　　拆細配合靚成績表

　　騰訊業績前，已經見有美資密密掃入，結果派成績表真係開大，好多大行都出報告贈興，高盛讚騰訊首季業績標青，向上修訂其18個月目標價，由700元升至720元，即相當於拆細後的144元，維持「買入」評級。高盛認為，微信每月活躍用戶年增87%達3.96億戶，且有關開支因集團成功透過建立智能手機消費行為，已可以回籠。

　　另外，騰訊6隻手機遊戲佔內地iOS排行榜頭十位，料相關增長將會持續強勁；同時廣電通推動廣告收入增長39%，而視頻收入受惠議價能力提升，總之就講到前景一面光明！

　　陸羽仁

子龍 (kaka就是大叔的契哥) 2014/05/15 17:24:53 回覆

小貓兄: 噢..."小豆芽今天都變山水豆腐花了", 這就是味道呢. 有人只重視結果, 有人會重視過程, 每人的要求都不同, 投機者只要--->不要怕,不要悔, 就好了....

子龍 (kaka就是大叔的契哥) 2014/05/15 16:36:56 回覆

小貓兄: 同意的, 年青多好. 子龍都老了..... ${#icono_53}$