跌巿前的先兆

唔知大家有無留意到最近財經新聞, 好多壞消息當好消息咁炒

呢D都係所謂既大調整先兆了...

最近美國經濟數據強差人意, 照理美股應該會跌吓, 點知不跌反升

理由係巿場認為十月底聯署局議息時會再減息, 根住就大升了…今朝睇新聞

花旗又話第三季盈利可能會跌六成, 但D人就專注佢話第四季會回復正常

根本股價又止跌了, 所以呢個時候, 你唔需要識投資,

只要求奇點隻出名D既藍籌買, 日日都有得升咁滯

但請留意, 呢幾日大行大戶不繼減持股票, 例如淡馬鍚減持中國遠洋,

荷銀減持中石化等等....記唔記得之前大戶一減持, 股價都例如幾個%,

但似乎最近就越減持越多人搶, 難道呢D大戶賺錢腥?只要放多一日, 就多幾百萬喎

前兩日同一個內地股民傾計, 佢話巴菲特真係唔識貨, 中石油仲有排升,

佢$11~12就開始放, 依家事實証明佢係錯架啦!

之前佢講起港股升得咁勁, 佢叫我唔使驚, 佢話收到風,

同胞們唔見三萬點唔收手, 佢仲話我地香港人要習慣吓股票越高巿盈越當炒

呢個現象...到底股神係咪真係咁唔識貨? 港巿係咪會直上30000點?

下次再探討吓~