joboche1
joboche1
joboche1

議員玩殘香港

2014/05/16 08:17:58 網誌分類: 今日隨筆
16 May

睇報紙先至知道, 香港最惡嘅唔喺特區政府, 而喺一班預咗玩殘香港嘅拉布議員! 據報導八間院校同立法會率先斷糧; 醫管局要借貸渡日, 其他要政府周濟嘅市民就要望到頸都長, 而老紀老邁風燭殘年之類都唔知有冇命等到拉布完畢候補撥款. 講得唔好聽, 有可能死在一班拉布議員手上, 至於佢地嘅後人到時會點?

 

真喺天知道! 呢班天煞嘅拉布議員驚唔驚有因果報應架? 成日打住好聽嘅旗號, 但喺做出嚟嘅表態全喺狼子野心! 唔通真喺比北京大佬批死逢政府必反! 逢政策必反! 逢中央必反! 咁即喺濫用投佢地一票啲市民嘅信任, 選舉時大大聲聲話以民為本, 去到一定經常性開支就拖政府後腳, 知唔知咁樣即喺拖市民嘅後腳?

 

呢班議員耍手段弄陰謀, 攪咁耐都無非以市民得唔到及時福利救濟嚟逼政府, 換句話講得唔到福利救濟嘅市民喺生喺死, 有冇飯開; 有冇得交租; 仔女有冇得交學費雜費, 全完唔放在呢班議員心上. 有咩嘢死人冧樓, 可以完全推莊比政府, 更有可能到時會話政府逼死人! 究竟而家邊個玩嘢呢? 而且仲有好高人工攞添!

 

講真一句, 呢班拉布議員唔走去做電視就嘥晒! 日日見報率仲勁過影視帝后! 只要唔見報唧, 就會出掟嘢狂吠嘅招數又會見番報! 佢地邊個有勇有謀有承擔力架? 某年示威, 因天雨關係有人喺高處跌死, 即刻有議員吠政府冇安全設備, 從冇承認如果唔喺自己攪示威, 就唔會有人跌死! 事後, 一句道歉都冇就卸比政府.

回應 (0)
我要發表
user