經濟隱憂

2014/05/16 09:31:39 網誌分類: 經濟

16 May

美股交易員開始講緊美國經濟係唔夠力托個市再上高位。

美國最新公佈的經濟數據參差，但露出少少唔好的苖頭。美國股市連跌兩日，杜指兩日跌幅都超過100點，回調幅度明顯，昨日杜道跌166點至16448點，創了一個月來最大的單日跌幅。比較唔好的現象係近日小型股追唔到大股的升勢，反映小股走勢的羅素2000小型股指數落後於杜指，小型股昨日繼續遭到拋售，羅素2000小型股指數已較3月4日高位下跌10.3%，跌入回調區。

有分析指美股這兩日出現較大回調，與泰珀（David Tepper）日前的睇淡大市言論有關。泰珀係以投資垃圾債券起家的Appaloosa Management的創始人，2013年收入高達35億美元，過去五年，泰珀)年年入圍《Alpha富人榜》，過去兩年更係名列榜首。佢嘅說話，有啲份量。佢上日表示，對市場感到緊張，因為美國經濟增長不夠快，聯儲局事太過自滿。他表示對通貨緊縮的擔心，要超過通貨膨脹，所以提醒大外圍方面，歐元區經濟增長只有0.2%，低過預期的0.4%，亦係令美國股市承壓的因素之一。德國第一季度GDP增長0.8%，但法國經濟增長失速，荷蘭經濟增長率下跌1.4%。投資者對歐元區經濟的擔心，亦加劇了了美股的跌勢。

投資者在爭論美國經濟增長究竟係「溫和」定係「加速」，這對股市有極大啟示。簡單啲講，若然今年下半年美國經濟都只得2至2.5%的溫和增長，就好像支持美股在如此高位。市場人士更指現時市況並未預計只有此低增長。

美國4月工業産出下降0.6%，為2012年8月以來最大降幅，亦遠差過市場平均預期下降0.2%，當然更加唔使比3月份的增長0.9%。另外，5月份美國NAHB住宅建築商信心指數下降1點至45，創了一年來最低水準。亦低過預期的48。

零售亦唔好，睇最大零售商沃爾瑪派的成績表就知，由於嚴冬阻礙客戶到店購物，首季營收增幅為近五年來最小，盈利亦下降，佢對前景預期亦唔好，佢預計第二季盈利亦不及分析師預期。沃爾瑪股價昨日急跌2.4%

歐洲狀況亦麻麻地，歐美債券價格普遍上升，債息下跌，但歐洲邊沿地區如意大利、西班牙、希臘債息卻在慢慢升。乜歐洲央行唔係話減息咩，按理債息應該跌至啱? 睇嚟市場唔單睇可能減息因素，仲開始把風險因素放番入去公式之內，顯示過去一年歐洲邊沿地區的債券大升市(債息大跌)，可能已成過去。

呢個對美國經濟的擔憂若然實現，唯一利好的是:咁美國明年係唔係可以開始加息架?

陸羽仁

回應 (69)

我要發表

2014/05/19 09:21:40 回覆

october姐，kathleen姐，

等我得閒都會再番睇(星)回味吓，同埋睇吓金秀賢其他啲戲，好似dream high同擁抱太陽的月亮係佢擔演主角，而(擁劇)佢仲攞視帝，好想睇吓佢嘅演技，睇完(星)search咗金秀賢啲資料睇，真想像唔倒能塑造都教授這角色，金秀賢要整返都教授嘅髮型先至夠型夠charm。hehe..... ${#icons_dog1}$

KFC 2014/05/19 09:17:04 回覆

陸SIR今日節目重溫

第三部份 Part 3 (HKT 0804:0900) Time Bar由49:50開始

http://programme.rthk.hk/channel/radio/player_popup.php?name=morningsuite&pid=400&eid=&d=2014-05-19&player=mp3&type=archive&channel=radio2

陸羽仁 2014/05/19 09:11:12 回覆

陸羽仁覆網友

愛心達摩:留言同大市關係好大，財經報紙的銷量亦然，在07年股市熱炒，天天搵錢的年代，留言自然好多。

姆明:長江基建OK啦，11倍PE派3.5息，都可以，但論股價走勢去年4月見高回落，如無新交易刺激，似橫行多啲，若李超人有新交易俾佢玩又另計。

animal666 2014/05/19 05:05:24 回覆

玩個市俾市玩？
2014年05月19日

　　大市上上落落，股民出出入入，好似落場玩緊個市。但我遇見唔少嘅人，其實係俾個市玩緊。散戶固然如是，連芬佬都有少少頭痕。因為遇到這種上落市，又要睇季結、半年結，睇啱時間交到功課，唔易把握也。

　　早前我同一位管理中小型基金嘅芬佬食飯傾偈，大概了解他們的心態，主要係在半年結之前，唔想有大動作。對上一次同佢食飯，係2014年剛到，當時恒指仍處於大約23000點的水平，當時年頭好多口水佬講恒指今年會升到25000點，甚至28000點。我同佢不約而同地唔係咁睇好，特別係上半年更加如此，當時估上半年固然去唔到28000點，連25000都去唔到，都起碼要過了年中才會有好表現。所以佢在年初時，已見減咗倉位。𠵱家回頭睇，恒指走勢雖不中亦不遠矣，雖然插完又上番近23000點，但佢無咗舊年的痛苦。

　　年頭開倉好易中招

　　呢位芬佬哥哥舊年就中過招，2013年上半年大市情況同今年差唔多，年初時幾好，又係好多人唱好，佢一過完新曆年即刻加倉，結果去到年中俾個市扑濕個頭。今年呢幾個月，大市彈上彈落，但佢今年持貨少好多，唔似舊年咁，坐住個大盤，鎖死咗無得郁。今年預咗輕裝上陣，反而可以跟住個市跳上跳落，低位有大把水仲可以加少少注，彈上又走，執番少少，心情自然輕鬆好多，飲得杯落。

　　佢對未來一兩個月睇法好審慎，甚至博恒指炒番上23000點，再減低持貨量，到過完半年結再算，佢怕大市呢個月炒高啲，大家心雄去追貨，下個月又回，俾人夾住過半年結。一葉知秋，近排大市雖然彈升，但成交稀疏，多多少少反映到這些買實貨的芬佬心態，唔好估個市點，只為自保已經唔敢大幅入市。呢幾年佢哋俾個市玩到殘，中過幾次招，所謂食少多覺瞓，半年結仲有兩個月就殺到，見個市升都唔會大手追貨。

　　既然買實貨的芬徒唔敢進場，散戶睇住期指成日低水，又唔見得好樂觀，點解個市仲唔跌？我斷估無痛苦，估係炒期指嘅大戶夾住個市嚟玩。

　　千八水位炒上炒落

　　我做咗少少功課。今年以來，恒指基本係上落市(見附圖)，1月、2月、4月大約個零月就一個高位，中間夾住2月、3月、5月三個低位，頭四次的上升同下跌，都係大約在1800點的區間上下走動(見附表)。最近一次的下跌，喺今個月7日見21650點就彈，低位無對上一次咁低，跌幅亦冇咁大，只跌了1253點。從長線一點睇，大市正在轉強，這個底部高於3月20日的21137點。相信與今年下半年會搞「互聯互通」及最近宣佈的「新國九條」有關。無論如何，大市唔係直線上升，而係有相當震幅。

　　或許，恒指千幾點上落，未必算得上係大茶飯，但由於上落頻率夠密，平均三四星期又一轉，炒完上又炒落，總之就上上落落，期指大戶密密食，每次執你千零點，鋪鋪都有一兩番，一年落嚟，又幾和味喎！

　　呢個就係我經常話唔好見好唱好、見淡睇淡的主要原因啦，特別係睇短線，因為人人都覺淡時，其實大戶已反緊手，反之亦然。好似「互聯互通」及「新國九條」都係中長線利好消息，但呢啲消息左右唔到短期的震盪，只是被人借勢玩一轉。

　　個市好似「狗牙」咁上落，我好覺得係「人手製造」。手法亦好簡單，大戶只要睇住對手(散戶)個倉嚟夾就搞掂。大戶先做淡倉，然後隊低過市，去到咁上下，散戶就會跟隊沽貨；見到有足夠睇淡的散戶接貨，大戶就交波畀散戶，平淡倉轉好倉，推高個市，夾死所有淡倉。升到咁上下，當好多散戶轉睇好，以為仲有得升，走去揸好倉，大戶又重施故技，轉淡倉，殺好倉。如此類推，散戶不斷俾人食，最後連底褲輸埋，都唔知發生乜事！

　　唔殺你倉唔會回頭

　　我畀個圖同表大家睇，亦唔係叫大家好似盲俠咁跟住個圖表做人，因為大戶唔係睇住個圖表做嘢，而係睇住散戶做嘢，所以大家唔好當1800點區間係金科玉律。殘忍啲講句，散戶未殺清，大戶唔轉向！好似上星期五美股杜指上日跌167點，恒指只係跌17點收場，散戶一開市覺得跌得少，走入去沽又夾死。你慢慢就會覺得美股跌港股唔跌好強，到你信個市得，佢先至回頭。你做淡倉未平倉，同大戶對着幹，佢夾到上23000點再突頭，問你揸住期指淡倉打唔打靶？

　　老實講，香港個市水位唔係好深，一兩萬張期指合約，已經可以將個市舞上舞落，尤其係𠵱家芬佬唔想玩、比較少成交的時候，更係期指大戶做手腳嘅最好時刻。

　　至於大市短期走勢，本想睇住期指低水咁多，好多散戶睇淡，咁大戶相反去做，估計仍會向上走一段。大戶未平好倉未食到胡，碰啱外圍下跌，惟有頂住個市先，所以美股連跌兩日，港股只係跌少少。如果港股真係好似好多人講嘅已經轉強，大量實盤買貨，點解成交量得489億咁少，咁奇怪？

　　所謂「五窮六絕」講得太多，好多散戶信到十足，喺4月尾開了淡倉。大戶借內地消息夾個市上嚟，可以講係一個頗為典型嘅「殺人」方式，我估無新國九條都會借其他消息，例如美股創新高，將個市從低位夾上，或許夾死所有淡倉，之後個市又會回番落嚟。

　　至於下半年，可能可以睇番好少少，因為除了上述提過嘅「互聯互通」及「新國九條」，芬佬過完半年結，會比較有膽量去買貨，大市會有比較多實盤支持。不過，大家唔好忘記，即使大市向上，都會係一個波動市，唔係一個直線上升市。若然係炒作，每一個升跌浪都唔好睇得太盡，有胡要食，同埋唔好信太多所謂基本分析，你要記住，做炒家就係要食波幅㗎咋。

　　陸羽仁

2014/05/18 22:48:51 回覆

天津GDP明年超越香港　10年之前只有它的4分之1

ETtoday – 2014年5月17日下午12:11

大陸中心／綜合報導

美國《彭博社》報導，天津的經濟總量即將於明年超越香港，僅次於上海與北京。根據2005年開始對這四大城市GDP（gross domestic product，國內生產毛額）所做的追蹤，天津去年的成長率達15%，在10年前，它的經濟規模僅止是香港的4分之1。香港在2009年就被上海超越，隨後又在2011年被北京超越。

安可顧問公司（APCO Worldwide Inc.）的大中華區首席顧問麥葛瑞格（James McGregor）指出：「天津擁有港口，擁有石油，具體而微的擁有一切。而香港基本上只是個金融和服務的交易中心」，「這其實只是一個面向，反映中國的經濟規模和不可思議的都市化進展。」

天津人口約1400萬，是香港的兩倍，它是一個貨物航運輸紐和成長中的製造業重鎮。歐洲空中巴士集團將它第一個歐洲之外的總裝生產線配置在這個城市。豐田汽車在當地的產能一年來增加了5萬輛。天津市政府多年來以曼哈頓（Manhattan）為藍本做區域發展，完成後看起來就像洛克斐勒中心（Rockefeller Center）和林肯（Lincoln Center）中心。

相對於大陸城市的高歌猛進，香港在1960、70年代的黃金時代則早已遠去。首富長江集團主席李嘉誠正在拋售房產，地產界領袖施永青也曾指出，香港這十年經濟看似在發展，其實是在倒退。

不過香港的人均收入還是較有優勢。根據大陸國家統計局的最新數據，天津的人均收入是大陸最好的，在2012年有人民幣93173元（約台幣40萬），比第二名的北京高了7%，相較之下，都還遠低於香港的36736美元（約台幣110萬）。

2014/05/18 03:49:32 回覆

袋鼠：我唔識欣賞美式足球，不過啲美國人就真係好著迷。

october：看了＜星你＞6次？ ${#icono_6}$

2014/05/18 00:14:33 回覆

侯城咁快已經兩粒… 今晚馬會應該大賺一筆… ${#icons_dog9}$

2014/05/17 11:26:27 回覆

Kathleen，袋鼠隊在世界盃，抽正入死亡之組 (同組包括上屆的冠、亞軍)，正如Persie之前提及，袋鼠隊做硬魚腩。

熱身賽更加唔好提… 之前連輸兩場6蛋… ${#icons_dog6}$

雖然踢圓波才真正是世界性活動，但如美國人睇美式足球，澳式足球在袋鼠國的入場人數多過踢圓波嘅A-league好多倍。烏鴉隊擁躉多過阿德雷德聯。

話時話，除了NBA，妳有沒有看美式足球？

2014/05/17 10:09:26 回覆

kathleen妹妹 & momopig妹妹,

我都俾都教授迷住了.金秀賢善於用眼神和微表情演戲, 他把外表冷漠秀氣外加潔

癖的都教授演得恰到好處, 我以老少女的心態, 看了6次,估計還會看下

去.

大多數人喜歡都教授,但熱戀過後,要面對的就是日常瑣碎, 嫁給輝京生活可能會

更美好, 輝京有錢有閑又性情開通大方(接受頌依拍激情戲). 都教授不同,脾氣有

點不好, 潔癖外加400年的老妖精守舊思想, 不許頌依做這樣, 不許做那樣, 倆人

一起生活, 要磨合不容易.

金秀賢演技真係好出色, 暫時仲未睇到邊個後生兿人, 似得26歲的金秀賢咁識演

戲.

2014/05/17 05:04:02 回覆

子龍：愛情是相互的，不是單向的。

都敏俊和千頌伊的是愛情，輝京的是單戀或痴戀。

相戀是甜蜜的，單戀是苦澀的，最大的分別在這裹。

話時話，金秀賢啲演技真係好正，有興趣的話，

可以睇下《偉大的隱藏者》和《擁抱太陽的月亮》。

周末愉快！ ${#icono_23}$

2014/05/17 04:38:24 回覆

2014-05-16

Dow Jones Industrial Average (^DJI)

16,491.31 44.50(0.27%) 4:29PM EDT

Prev Close:	16,446.81
Open:	16,447.32

Day's Range:	16,414.32 -16,498.99
52wk Range:	14,551.27 -16,735.50

Dow Jones Industrial Average (^DJI)

2014/05/17 04:37:24 回覆

袋鼠：You have a good weekend, too! ${#iconb_264}$

世界盃就快開波，而家睇緊熱身賽？

2014/05/16 20:05:19 回覆

烏鴉隊主場硬仗贏波，袋鼠心情超靚呀！ ${#iconb_264}$ (今日好多人番工都係)

更正係成五萬人睇波氣氛超正，嘈到第三節完場嘅笛聲*係無人聽到！ ${#iconb_289}$

*和汽車的響安聲十分相似

We don't have the siren, mate. So we can't review that one.

2014/05/16 18:32:53 回覆

Apple Wong 非常推薦
謎米香港memehk.com，為蕭若元先生創辦全新網上多媒體平台。

(1) 蕭遙遊 (monday, thursday by Mr. Siu) 10:00 PM

Parental guidance is needed / not suitable for children

港女吃洋腸影片流出，觸發港男港女互相指責，蕭生認為每個人也有選擇，性愛關其他人什麼事，並從生物角度分析華洋性能力之別。林匡正分享與洋人爭女經歷。

蕭生論洋腸的學問

(What Does Once You Go Black You Never Go Back

blacks are more longlasting,

penis: size does not matter,

foreplay is most important,

woman's G- spot, G點達高潮,

colony and sex racism, )

腸，並唔係咁食既

中國人認為自己性能力高，全因覺得陽具夠硬。外國人則比較浪漫，有耐心引導女性。蕭生認為不論華洋，如果以一夜晚來說，兩者都因貪新鮮而選擇另一個種族。若結婚，香港男人與洋人女人離婚率很高，因為兩者文化差異很大。

蕭生親授溝女必殺技

sex joke (4 professions talking to a girl)

(1) doctor ("take it all off")

(2) dentist (" keep it wide open")

(3) interior designer ("it is up now, what do you think ?")

(4) banker ("don't take it out or you will lose interest")

中越必定不戰

越南經濟不景，故用民族主義轉移視線。

民主黨彈弓手，話退又唔退 / 拉布新策略

大陸反貪反到官不聊生 /政府拘捕大量人物，反映習近平的獨裁。

世紀超豪華婚禮

(何柱國子何正德 +林恬儿)何正德和林恬兒上月廿八日在法國南部尼斯的Hotel du Cap Eden Roc，舉行了簡單而隆重的婚禮，劉鳴煒擔任證婚人，一對新人近三百位至親好友也有到場祝賀

(包 3 seaside hotels, 288 guests, 3 HK chief executives, private jets to europe,

air-conditioned 1,300,000 euros canopy,....婚禮 costing about

HK$2~300,000,000.

animal666 2014/05/16 17:51:01 回覆

聚財(2)

子龍 (kaka就是大叔的契哥) 2014/05/16 16:39:16 回覆

重生兄: 噢..好歌. 子龍很久沒有聽歌了....out...晒..... ${#icons_dog5}$

2014/05/16 16:32:40 回覆

陸sir,

謝謝你的回覆。我買的理文要坐一會了。

另外，我有朋友月供地鐵的，他問：長線月供地鐵值得嗎？他想換馬至長江基建，又是否一個更佳的選擇呢？希望陸sir告知，讓我轉告他。

謝謝

2014/05/16 16:32:21 回覆

將軍....是汪峰...... ${#icons_dog5}$

子龍 (kaka就是大叔的契哥) 2014/05/16 16:22:57 回覆

馬仔: 何解??? 子龍只是見晚上有時間, 幫手睇笨小孩呢. ${#icons_dog5}$

重生兄: 家駒??? ${#iconb_61}$

animal666 2014/05/16 16:21:03 回覆

中原城市領先指數 CCL

日期	中原城市領先指數 CCL (所有成份屋苑)
2014/05/05 - 2014/05/11	118.86
2014/04/28 - 2014/05/04	118.12
2014/04/21 - 2014/04/27	118.40
2014/04/14 - 2014/04/20	118.31
2014/04/07 - 2014/04/13	119.04
2014/03/31 - 2014/04/06	118.82
2014/03/24 - 2014/03/30	117.22
2014/03/17 - 2014/03/23	118.42
2014/03/10 - 2014/03/16	118.25
2014/03/03 - 2014/03/09	117.18
2014/02/24 - 2014/03/02	118.02
2014/02/17 - 2014/02/23	117.77
2014/02/10 - 2014/02/16	117.41
2014/02/03 - 2014/02/09	118.08
2014/01/27 - 2014/02/02	118.31
2014/01/20 - 2014/01/26	117.56
2014/01/13 - 2014/01/19	118.20
2014/01/06 - 2014/01/12	117.71
2013/12/30 - 2014/01/05	118.96