中國4G未得

2014/05/20 09:32:29 網誌分類: 經濟

20 May

美股窄幅上落，在小型股繼續反彈的支撐下，反覆靠穩。杜指收市升21點至16512點，標普500指數漲7點，收報1885點，納指升35點，造4126點。科網股和生物科技股繼續反彈，支持大市。

按美國證監會規定，基金每季都要填寫表格SEC Form 13-F，彼露手上持有的資產組合內容。往時這份報告並不惹人注意，不過，今期的報告在上星期四出街後，投資者興奮莫名，更令到平時無人有興趣、市值超過2000億美元的電訊巨人Verizon Communication熱炒起來。原來報告顯示多位股壇明星，不約而同地大手買入呢隻股，當然出現名人效應啦。

當中最出名當然係股神巴菲特嘅巴郡（ Berkshire Hathaway），增持了1100萬股Verizon，涉資5.39億美元，至於呢個係唔係股神親自落手揀股，定係手下代為出手，就唔知道啦！無透露；另外係有對沖基金之王之稱嘅約翰保爾森（John Paulson），保爾森當季增持了870萬股Verizon，價值4.26億美元，而第三名最大買家係Dan Loeb嘅對沖基金Third Point, 增加了350萬股，價值1.72億美元。

同時間幾個投資巨擘加注買美國最大的電訊企業，點解呢？

主要原因其實好簡單，貪Verizon有穩定的高息。Verizon季度每股派息53美仙，投資者一年每股就有2.12美元現金進賬，股息回報率達到4.3厘！以巴郡持股量計，一年利息就有2千3百萬美元；保爾森收1千8萬美元，Third Point袋740萬美元。對專業投資者嚟講，高息確係一個好好的招徠。

Allianz Global Investors的Kristina Hooper表示，「嬰兒爆炸期（baby boom）出生的年齡群，正步入退休期，對於能夠派到高息，而且有升值潛力的優質電訊股，特別有吸引力。」Verizon就係期中可以考慮的企業，據Factset的資料顯示，有70%的分析員給予「買入」評級，大約25%認為「持有」。平均的目標價53.38美元，與昨日收市價49.15美元，仍有8.6%的上升空間。

今年，Verizon股價原地踏步，最近12個月計，則上升了6%，遠遠跑贏標普500電訊指數的下跌3%，但比起標普500指數的14%累積升幅就大大落後。SEC Form 13-F出街後，受明星效應刺激，Verizon大升兩日，昨日靠穩，三日升了2.5%。對一隻2000億美元市值的股而言，動靜唔可以話唔細。

巨頭買Verizon或許有其他原因，但至少與好多金融界顧問給予投資者的建議，不謀而合，電訊及公用等高息股，應該佔有投資組合中一個重要比重。電訊股又有穩固基礎、盈利前景穩定、唔錯的現金流、估值低，而且息口高的好處。Verizon股價造好，可能係只係短暫的刺激所致，但有一點頗為清楚，高息股在巨頭重金加注，已經愈來愈惹起市場注視。

睇番香港隻香港電訊(008)，都有4.6厘股息率，不過市值就只得319億港紙，佢生意潛力亦好限，唔知係唔係受惠咗美國買Verizon呢類高息電訊股浪潮，有外資買吓佢，呢幾個月佢股價由去年12月低位3.2元左右，一直升到而家的4.39元。

咁大陸電訊股又如何，佢地生意真係唔係幾掂，唔似追到中美電訊股的走勢。中電信(728)1月起的3G上客量大幅跌至只有3萬戶，自稱要冬眠一下。昨日輪到聯通(762)公布4月份上客數據。聯通出乎市場意外地公布上月它的移動、固網及寬頻服務上客全部大幅走樣，3G、4G上客量僅有211萬戶，按月大減117.7萬戶，上客量跌咗36%，係兩年半以來的低位，2G更唔掂，失客121.5萬戶，創咗新低。唔止手機唔掂，佢上月寬頻用戶只新增35.5萬個，新增用戶數目按月跌35.8萬個；固網客更唔見咗47萬戶，按月失13.7萬戶，出現全線失客現象。睇嚟中國電訊業正進入3G out咗、4G又未得的過渡期。

另一對手中電信在FDD制式的4G牌照出台前沒有谷客，固此聯通手機上客唔掂可能是中移動（941）加大4G推廣搶客所致。亦有可能和中央要求三大電訊商減少補貼俾客戶有關。分析員指4G手機的供應未夠，即使中電信和聯通攞到4G牌，上客仍難大升，最快要下半年才會好啲。另外手機廠要發力生產啦。

近期聯通和中電信股價走勢好過中移動，中移動盈利開始下跌，4.2厘的派息率都吸引唔到投資者興趣，今次聯通生意又開始冬眠，對股價有啲壓力，睇嚟中國電訊股在4G上客量顯著上升前，難有好表現。

陸羽仁

回應 (60)

我要發表

2014/05/21 18:52:39 回覆

陸Sir,

謝謝回覆!

陸羽仁 2014/05/21 10:12:30 回覆

陸羽仁覆網友

YK:在股票除淨日售股，可以收到股息。

姆明:周末多點時間，可以諗諗文章點寫，二至五如打衝鋒，有時如大市札記。我真人其實佻皮，不過平日有時太累寫文時佻唔起。

Fly仔:當人人都覺得股市已死時，係唔係可以開始投資的時候呢?

2014/05/21 09:44:48 回覆

各位早晨 ${#iconb_25}$

子龍 (kaka就是大叔的契哥) 2014/05/21 09:28:53 回覆

袋鼠兄: 嘩....原來大堡礁咁令架,要快快想辦法移民呢. ${#iconb_522}$

2014/05/21 09:26:27 回覆

陸Sir,

您好，請問998中信銀行於2014/05/23除淨，截止過戶日期為2014/05/27 - 2014/06/03。請問如我在除淨日出售股票‚我會否在派息日獲得派息。

煩請回覆。

Y K

animal666 2014/05/21 05:05:30 回覆

內房病病地
2014年05月21日

　　美股連升兩日，內地股市卻反彈乏力，港股喺幾隻重磅股力撐下再升，大市成交略過500億元。

　　淡倉不清指數難落

　　重磅股成為大戶重武器，中移動(941) 和騰訊(700，臨時代碼2988)兩隻巨企造好，已經合共向恒指進貢100點。恒指全日收報22834點，升130點；國企指數倒跌31點收市，報9884點。中移動上個月跌到七個一皮，高盛突然話4G對未來增加客戶收入有利，將評級升至「確信買入」，同時調高目標價，搞到佢股價揚升1.4元，收報78.05元。中資電訊股被視為科網崛起的大輸家，美資大行必然唱好佢，你話係咪有啲無厘頭呢？

　　大戶硬夾營造咗個好人為嘅小陽春，喺呢啲情況，散戶唔應該頭腦發熱，反而應該冷靜諗吓，點樣利用機會調整自己嘅陣式。

　　陸羽仁啱啱講起對沖基金擔心美國通縮，緣起係人民幣貶值，呢樣嘢都令熱錢流出中國，令內地房地產炒風急降溫。

　　今日睇到有代理商老闆喺報紙喊晒口，話喺內地做咗生意但收唔到錢，特別係二三線城市，咁不如對內地房地產市場講多兩句啦。

　　最近，陸羽仁有機會返內地打個白鴿轉，都有同一啲內房商見面傾吓偈。聽佢哋講，𠵱家二三線樓市情況真係好呆吓，主要係銀行放貸唔係咁鬆到，新盤賣不動之餘，有啲買家上會都做唔到，咁就變咗半天吊。如果銀行信貸唔轉鬆，喺二三線城市的情況，有可能逐步蔓延去一線城市，屆時感冒隨時變肺炎，情況都幾惡劣吓。

　　由於二三線樓市已經重感冒，人行早前提出「央五條」，要求內銀優先滿足首套房貸，提高貸款效率，卻普遍不被看好，但市場預計銀行不會賣帳，開發商同樣反應冷淡，理由好簡單，現時資金收緊，銀行根本不愁放貸，要借錢的企業多的是，咁仲點解要借錢畀風險高的內房商或買樓者呢？故此人行出吓政策，估計都好難扭轉銀行的市場行為，真正要改變內地樓市的生態，可能都要出到放寬存款準備金率呢啲宏觀市場措施先得。

　　大家係咪覺得內房股前景有啲悲觀呢？但正如早前內房股被基金急插，我叫大家唔使見淡睇得咁淡，跟住內房開始反彈，到𠵱家已經彈咗一浸。𠵱家二三線城市賣樓唔好，資金鏈嚴重受壓，情況令人憂慮，情況又點睇呢？

　　有雞胡食住先

　　首先，我估樓市氣氛轉差會持續並可能惡化，但呢樣嘢亦係促成中央放寬樓市的必要條件，即係話壞消息愈多，改變政策的機會愈大，唯有政策轉向，樓市生態先有機會改變，係最悲觀之時，可能先係見到轉機之日。

　　再者，樓市要危後有機，咁唔係話叫大家企係處死守等運到，因為過程會好痛苦，唔係咁易頂得順。

　　如果大家手頭有內房股，可以留意一下點走位。個市喺五月份接連反彈，睇個勢有可能繼續夾吓淡友，直至佢哋投降為止，喺低位撈咗或手頭有貨者，可以考慮睇位先食一食胡，由於內房仲係要等佢尋底，就算有雞胡，到咁上下時間就要先食為敬，總之，有位就要識得轉身。

　　陸羽仁

2014/05/21 04:52:26 回覆

momopig：Dream High 我也看了，金秀賢2011的作品，有點青澀，但也拿了當年的最佳新人奬。 ${#icono0_45}$

2014/05/21 04:49:19 回覆

袋鼠：大堡礁真係好靚，有機會的話，都想去多次。 ${#iconb_249}$

2014/05/21 04:45:27 回覆

2014-05-20

Dow Jones Industrial Average (^DJI)

16,374.31 137.55(0.83%) 4:32PM EDT

Prev Close:	16,511.86
Open:	16,511.22

Day's Range:	16,341.30 -16,511.22
52wk Range:	14,551.27 -16,735.51

Dow Jones Industrial Average (^DJI)

2014/05/21 01:49:42 回覆

噢，美股食錯乜嘢攪到肚瀉？ ${#iconb_228}$

2014/05/21 00:17:51 回覆

陸Sir,

您好，請問998中信銀行於2014/05/23除淨，截止過戶日期為2014/05/27 - 2014/06/03。請問如我在除淨日出售股票‚我會否在派息日獲得派息。

煩請回覆。

Y K

2014/05/20 23:09:06 回覆

原來張國榮都做過廁男 ${#iconb_626}$

怪不得, 將軍咁富貴 ${#iconb_316}$

2014/05/20 20:27:55 回覆

陸sir,

通常禮拜一至五的文章，星期一的最長，又最有睇頭。當禮拜一早上起來，我係幾期待陸sir篇文章，到底會點樣寫呢 ? 用邊個角度呢 ? 會講咩呢 ? 就是有這股期待，然後去返工。

以前陸sir係ceo果陣，二至五的文章就有時似大市札記。那時候，我就知陸sir肯定忙得要緊了。

現在我都係覺得星期一文章質素最高，不過星期二至五可讀性強了很多。

另外，我覺得陸sir係巴士的報寫的較佻皮，我初時以為係有人冒寫既(睇轉貼之故) ${#icons_boy10}$ 。仲有, 我覺得陸sir的寫作風格有d似蔡東豪和梁文道混合架。

以上係我主觀以為,希望不要見怪。

2014/05/20 20:04:50 回覆

水清時真係無魚？其實每個國家唔同規矩，好睇歷史進程及同民族慣性嘅！

講白啲，混濁水有魚，只係因為那個塘全部都係只懂生存在混濁水嘅魚。

去袋鼠國嘅大堡礁啦！ ${#icons_dog10}$ 尤其而家沒有阻止全球暖化，任由其惡化而將會改變生態規矩，日後就真係會水清無魚！而家仲有得睇就好去睇嘞！

大陸應該努力研發使用再生能源，反污染，阻止全球暖化危害珊瑚魚缸

animal666 2014/05/20 19:09:10 回覆

中港股市已死

Totally agreed...

古語有云：「水至清則無魚。」中國市場的問題就在於水太清了。

SIGH...

子龍 (kaka就是大叔的契哥) 2014/05/20 17:58:37 回覆

馬仔: 大市不太好, 子龍亦不太好.... ${#icons_dog5}$

重生兄: 講開跑步, 最近真是少了. 要開始運動番先得.....

2014/05/20 17:33:10 回覆

馬仔, 中港股市已死, 悶到荒呢 ${#icons_dog3}$

幪面馬仔 2014/05/20 17:02:20 回覆

近期真的好少人喎

將軍可好??

2014/05/20 15:36:57 回覆

將軍...是呀...Lee期一周只跑得兩三天...又一邊煲劇一邊食....其它時間坐艇

肥了不少.... ${#icons_dog5}$

2014/05/20 15:25:21 回覆

馬仔: 去完記得上來報告下, 有勞. ${#icono_85}$ X2 ${#iconb_624}$

子龍 (kaka就是大叔的契哥) 2014/05/20 15:16:33 回覆

重生兄: 呢期你就肥啦..... ${#iconb_210}$

2014/05/20 15:11:14 回覆

還可以 ${#iconb_364}$ ${#iconb_377}$ ${#iconb_370}$

子龍 (kaka就是大叔的契哥) 2014/05/20 15:05:51 回覆

噢....現在的市況是--->小賭傷神, 大賭傷身, 最好是吹水... ${#icons_dog1}$

2014/05/20 14:49:59 回覆

${#icons_dog5}$

2014/05/20 14:37:44 回覆

將軍: "出售後的金錢就沒有這個作用了. 除非你找到一個替代品"... 依個就係問題所在... 所以唔郁既機會好大... 我份人又大使... ${#iconb_625}$

2014/05/20 14:36:15 回覆

又插... ${#iconb_374}$

子龍 (kaka就是大叔的契哥) 2014/05/20 14:22:52 回覆

buddaau: 我明, 我明. 很多居屋都處於交通方便地區,如已補地價,等同是私人樓矣.自住樓有對抗通脹作用, 出售後的金錢就沒有這個作用了. 除非你找到一個替代品呢. ${#icons_dog5}$

2014/05/20 14:08:53 回覆

將軍: 係想趁居屋市旺沽左先, 等機會換間好啲既樓... ${#iconb_625}$

子龍 (kaka就是大叔的契哥) 2014/05/20 13:58:15 回覆

buddaau: 噢...想下又無妨, 但很多人賣自住樓都是因為移民. 要將自住樓當成投資低買高賣, 大部份人都做得不好呢. ${#icons_dog5}$

2014/05/20 13:02:50 回覆

將軍: 想下啫... ${#iconb_625}$

子龍 (kaka就是大叔的契哥) 2014/05/20 12:52:53 回覆

叮噹.....cooooooooool半日收382, 唔.... ${#icons_dog10}$

馬仔: 去完記得上來報告下, 有勞. ${#icono_85}$

buddaau:噢...你想賣左間自住樓??? ${#iconb_626}$

幪面馬仔 2014/05/20 12:42:50 回覆

fly仔吓。。。。見您唔到囉 ${#icons_dog3}$

子龍 (kaka就是大叔的契哥) 2014/05/20 12:37:30 回覆

fly兄: 噢..為何不是交了錢, 忘了報名..... ${#icons_dog5}$

2014/05/20 12:20:20 回覆

報左名, 忘了交錢, 無得去了 ${#icons_dog5}$

子龍 (kaka就是大叔的契哥) 2014/05/20 11:43:48 回覆

陸SIR師兄師姐早晨. ${#icono0_2}$

很快又來網聚呢. 你參加左未呀???

2014/05/20 11:16:36 回覆

bud兄: 最多九成~ 個別新樓就唔知了, 二手一定只有9成

2014/05/20 11:00:48 回覆

飛仔: 無左啦咩? 新樓都無呀? 咁最高幾多呀? ${#iconb_625}$

2014/05/20 10:57:49 回覆

衣家無9成半喇~ bud兄吹水唔抺咀 ${#icons_dog10}$

2014/05/20 10:50:39 回覆

動物兄準到呢... ${#icons_dog5}$

2014/05/20 10:48:51 回覆

做9成半,咁博？要後生仔先夠膽。

2014/05/20 10:36:25 回覆

十月: 唔係有錢架, 都係問銀行借啫... 做9成半, 還三十年, 擺低十零廿萬就得架啦... ${#icons_dog5}$

2014/05/20 10:31:49 回覆

證明咗様野，香港有錢人好多，大家蓄勢待發。

2014/05/20 10:29:14 回覆

狗狗易咩樹咁膠興既... ${#icons_dog10}$

2014/05/20 10:27:44 回覆

十月: 我覺得係因為放鬆左DSD, 當然依家只係放鬆好少, 但俾左一個好強烈既訊號, 原來SPICY BANANA唔係咁難郁既... 咁就開始有人心急啦... ${#iconb_625}$

2014/05/20 10:19:56 回覆

baddaau,

真係多咗人睇樓，不過，點解呢？

“有穩陣既方法收益夠俾七成租”我都想知，我前排做港紙定期，得1.45％息，只是好過我股票買乜輸乜。

2014/05/20 10:15:40 回覆

狗狗易"狗"番啦... 苦呀... 等左咁耐... ${#icons_dog5}$

2014/05/20 10:05:07 回覆

組長: 苦盡真的有金來嗎? ${#iconb_61}$

2014/05/20 09:58:52 回覆

動物兄終於出手了....小酷仔苦呀... ${#icons_dog5}$

animal666 2014/05/20 09:50:33 回覆

I cut loss all coolpad @3.7...

100% cash...

Quit market forever...

SIGH...

2014/05/20 09:49:08 回覆

掉那星人都攞第一......大市還會跌嗎... ${#icons_dog5}$

瀏覽更多回應正在載入...

中國4G未得

網誌分類

最新網誌

最新回應

月曆