當街摑個仔兩巴

先幾日番工途中, 經過某盞紅綠燈時見到兩母子! 呢位媽咪行喺前面, 個十歲仔行喺後面! 唔知喺唔喺個仔百厭, 本嚟行喺佢亞媽前面, 卻忽然行咗後面! 當佢亞媽睇唔到個仔, 而個仔響後面笑笑口話我喺度時, 佢亞媽擰轉身就摑個仔兩巴. 仲企喺紅綠燈位置大聲鬧個仔, 好權威咁當街當巷教訓個仔到滿面諤然!

十歲仔梗喺會百厭啲, 做嘅嘢或者行為總喺唔成熟, 難怪個亞媽嬲! 之不過, 十歲仔都應該開始有自尊心, 咁樣當街當巷比亞媽摑完不得止, 仲要企定定捱教訓! 成街過路嘅人都戥佢可憐, 雖然細佬仔做錯嘢被教訓喺好應該, 呢位媽咪又似乎過左火位, 情緒似乎失控. 咁樣打個仔, 喺其他人睇嚟直程喺體罰嚟啦,

根據而家法例都好似犯法添喎! 再者, 教仔應該番好企, 籐條炆豬肉都好, 閂埋門執行家法都好, 好過唔顧個仔自尊心, 又唔顧自己嘅形象, 邊有亞媽嘅風範? 喺大街大巷咁做, 隨時比人用手機攝錄放上網就成為全港笑話啦! 何況, 新一代嘅面皮薄承受力有限! 一個唔該做傻事跳咗落嚟或吊頸, 到時真喺喊都無謂.