今日市況@ 3/10/2007

今日市況@ 3/10/2007

"港股午後風雲色變, 沽盤空群而出, 扭轉早市升勢, 恆指全日反覆挫逾700點, 高低波幅逾千六點; 國指表現亦波動, 午後曾一度跌穿萬七關, 幸末段跌幅略收窄, 此關力保不失; 大市成交再創新高, 達到二千億港元。 信誠證券聯席董事連敬涵表示, 港股午後急挫, 相信只是正常調整, 由於指數近月來累積升幅逾8,000點, 短期調整屬預期之內, 而恆指上試28,000點後回落, 料將下試26,000的支持位, 投資者現水平宜沽貨離場。 國泰君安(香港)研究部主管蔣有衡表示, 恆指逼近28,000後, 引發自然的高位回落及換馬活動, 仍維持恆指今年目標30,000點及國指20,000點。 恆生指數全日收市跌719.81或2.55%, 報27,479.94, 波幅介乎27,245.48-28,871.04, 成交額再創新高, 達2,098.09億港元。即月期指跌960點, 收27,255, 低水225點。 恆生國企指數跌656.34或3.65%, 報17,317.53, 波幅介乎16,990.14至18,463.73,中資企業指數跌217.68或3.57%, 報5,878.65。 中移動大上大落, 收129.8, 跌4.1%或5.6, 最高造140, 拖累大市跌172點, 匯控獲高盛上調目標價至161港元, 股價上揚2.6%或3.7, 報147.7; 地產股沽壓較大, 新地急回8.5%或11.9, 報127.9; 長實跌5.5%或7.4, 報126.9。 大市成交雖破二千億, 惟港交所回吐4.8%或11.8, 報234.8。 恆地向恆基發展收購中華煤氣股權, 恆地下滑3.7%或2.25, 報59.4, 恆發抽高8.4%或1.08, 報13.98, 而煤氣亦搶升9%報19.72。 中資金融股普遍下挫, 中壽下滑3.9%或1.9, 報46.5, 最高造50.1; 招行急回5.6%或2.0, 報34; 而交行下滑3.1%或0.32, 報9.86。"

今日是肥肥與肥寶拍拖三週年的紀念...我們預約了到tst harbour city的cova吃晚餐...送了肥寶hermes的頸飾...因為"H"是肥肥姓氏的第一字母...而肥肥也一直帶著"U"字...因為肥寶的名字第一個發音是u...嘻...~

講完閒話...又係時候談談股市...今日真係無論好友淡友都應該比佢殺了一個片甲不留...開市低開200...意料中事...一開便沽出(3299)...因為見2727好似冇咩力...又有profit take...覺得個市會回一回...想低位買番食差價...點知原來咁樣救番我一命...今朝開市睇中左隻1800...班輪友都提左好多次...見到今日開市買賣盤有d野...想追4679...結果追唔到...算數...睇住隻3988 (9103)...好好地啊...食左糊@0.64...因為知道3988都係上上落落...食下波幅...收市前0.59買番...中下禍根...

先前可以話個市癲...今日反而想講下個市真係大戶精心步署...首先不得不佩服大戶已經可以舞高弄低個市變到咁...由跌200點...冇端端可以反升700點...大把股票破新高...5仔見過150...2628見過50...問你重敢唔敢做put...之後一回回番300-400點收市..令我都受唔住引誘買番9103...不過就係冇入番3299...因為見唔到佢有力...同時入左656正股...見佢今日郁郁地...加上先前15蚊出過貨...諗追落後一定到佢...

下晝一開市..先係高潮...抽一抽上去先急轉直下...一直買貨上去的...突然好似要$唔要貨的不斷掟貨...以為又好似今朝咁會轉跌為升...我想好多人都在跌的時候再追入call...就係咁...係咁跌...全日埋單倒跌719點...期指收市重要低水200點...明天低開的機會又高左...

這次的跌市...明顯地捉哂我地散戶的心理...升市升到都忘記哂會有跌...這一下就remind左我地...幸好一早已經話左自己係投機...投入的資金不多...只是減小了一些投機回來的回報...可以話預左...係度...停一停..諗一諗...好似之後會有好多不理因素出現...議息...人大...uncertainty老實說十分十分多...這不是一個焗賭的地方...uncertrainty多的時候不作買賣唔會死的...但筆者又試下分析後市...今日的跌市好似就係大家期望的一跌(especially就死的淡友)...好多一直的好友會話...要大調整了...淡友就會話十月股災要到了...2面都如願而償的沽貨...或者put hsi, 388etc...熟悉散戶的大戶們會否如願而償地讓大家賺完升市又賺埋put lei...又或者升市咁耐有幾多散戶真正接左貨...其實我still維持10月中前不會大調整的說法...雖然已經有著之前數篇的特徹...(1.成交增大...2000億today,2.升多數是proportion大的hsi股...)我覺得會繼續有這種狼來了的日子...請大家小心...嚴守止蝕...

明天策略:

其實真係冇咩特別good for recommendaton...不過我不建議put...不想左一巴,右一巴... 5仔call still可以...用來頂大市+大落後...

1800好似強勢...睇好唔再跌應入1800

656...保守之選(不過筆者坐中>