見聞_集_合訂69

131. 得與失

有人問應該如何看待得失? 其實, 這題目問得並不恰當! 須知道得失似是對立的名詞, 如果我們肯用多一些時來深入探討, 或會發現得失本身是合而為一不必強分的. 可以用得中有失及失中有得來譬喻, 差別在於我們習慣從得去看待得; 從失去看待失, 因此自我一手造成了片面事相, 繼而走進了偏見的世界難以自拔.

真正得失的最基本成因在於臨事時之當下取捨! 但, 所作之取未必是得; 所作之捨未必是失. 有部份可能會因取而失及因捨而得, 或需要一段可長可短的時間來沉澱, 真相才會慢慢的浮現出來. 就以上班工作為例!! 多了時間在公司, 便少了時間在家中. 因生活所需才去上班, 因上班日數來換取薪金, 便是失中有得了.

132. 暗戰

最近重睇舊電影[暗戰_2], 覺得非常之過癮! 橋段都幾吸引, 而最重要既訊息係[明知要輸, 點解仲要玩落去?] 人一出世就要面對好多唔同或大或小既決定, 原因係基於遊戲規則係要咁玩, 亦唔到你我他有任何抗議唔玩! 贏同輸係一半一半機會, 但當知道輸既層面近乎百份之百時, 應唔應該仲要唔要堅持到底玩落去?

有人唔志在輸而志在開心玩落去; 有人搏唔會下下都輸所以玩落去; 有人明知會輸卻堅持理念玩落去; 有人鍾意陪輸家所以玩落去! 無論理由係點? 到底充唔充份? 最應面對既係自己個心係點稔! 其他人有唔同意見睇法, 只要自己一條路行到黑, 人地點講係絕對影響唔到自己. 至於抵唔抵, 在於人人既價值觀唔同!

暗戰_2入面, 何督察比賊人舞到冇符! 其實, 戲入面既警匪都算係旗鼓相當. 之不過, 做賊既唔依常規出招; 做差人既下下都要講規矩; 如果兩人既功力相等既話, 咁樣一黎做差人既當然會輸蝕少少. 係現實世界裡頭, 規矩係死既; 事情既發展先至係生既; 就因為係生, 先至估唔到後著有咩野變化, 輸左都無話可說!

古人講:邪不能勝正! 可以流傳幾千年既呢句老話, 梗有佢既真確性同認受性. 依謀略層面黎睇, 邪係奇招, 先至能夠出奇制勝. 但係, 奇招並唔係下下都靈; 用係某D事件上面都棧嘥料架. 好比太陽一出, 所有黑暗就會無所遁形; 甚至連立足之地都冇! 除左電影世界, 追看性重於一切, 先至有大賊叻過差人既橋段!