懶洋洋
2014/05/30 08:41:17 網誌分類: 生活
夏天來了,貓爺更懶。 這個夏天來得很早,又濕又悶熱,斷斷續續替米米梳了幾次毛毛,牠依然很熱,不過牠最識走位,搵到全屋最涼快的客廳中央,躺下來打開肚皮。 我仔細看過,牠愛躺的位置正正在兩部冷氣機出風位的中間,前面再加一把風扇把冷風吹開,正好吹到牠的貓肚。 哥哥很會模仿米米的行為,不久牠都懂得霸佔有利陣地,結果兩貓不時為這個王位打一餐,追來逐去走到一身汗。有時是兩貓相爭,漁人得利,兩貓打到屋後,就益了真真。 米米在客廳正中央,小Miu愛踩住熱水壺,紅豆愛躺在餐桌面。哥哥除了跟米爺爭,牠的風水地也包括我新買的水果盤,圈成一餅在裏面瞓得超開心。 看貓愛伏在那裏,便會找到全屋最靚風水的地方,看來沒錯。 關慧玲 |
飛髮呢家野真係要一視同貓位位都剪,到時大家一樣醜,就唔會有邊位笑邊位o既情況出現,仲邊有得俾佢地情緒低落 :p
每次剪毛都要兩個人至成事, 不過人貓角力後, 兩方都要中場休息, 然後再要用剪刀修飾一下D長短, 雖然唔靚但清爽好多. 而且每年都剪, 每次剪完重有魚魚食, 見佢地都好似無咩所謂啊~! 角力後, 疲倦兼嗲仔樣
女孩子反而硬朗D
臻淇貞子,
骰仔好傻,咩無所謂的。係米米最古惑。
PAK MA
簡直係浩瀚工程,仲有血有淚,因為不是隻隻貓都愛梳毛毛,我用底毛梳,梳出來的毛毛真係好多,可以織幾隻貓。
MTLEUNG
你替貓爷剪髮?難搞嗎?我都想呵,諗了好多年,生出來的跟以前一樣?貓爺會否很不開心??
因為天氣太熱, 所以將家中四隻長毛貓都被理"髮"了
哥哥真係越大越有星味呀,,,,,,,,好漂亮的毛色
關小姐,,您幫愛貓"換季大梳毛",要用多少時間呢,而且有幾隻是"皮草貓"呢?,哈哈(即係厚毛毛)例如:米米........請問仲有邊幾隻呢?
我家的英國短毛,,,就是"皮草貓",但日子有功,,牠的毛,,已經給我梳到一層層,
人見人讚,,勤梳毛.絕對值得,,亦可免貓爺(舔哂落肚麻)....
關小姐,咁骰仔呢?以前哥
哥係跟佢搵食架喎,骰仔會唔會唔開心?