幸、或不幸？

司馬燕，1980年代初曾參選香港小姐，香港演員，於1990年曾為閣樓雜誌拍下寫真集，紅極一時。丈夫吳忠義為印尼華僑，二人育有兩子——吳澋滔和吳澋耀。

心目中的司馬燕，祇是不位半紅不黑的影視人物；N年前嫁夫生子，洗盡鉛華做歸家娘。

2012年10月，她確診患上胃癌，接受手術將整個胃部切除，呢幾年佢受盡癌魔折磨，還幸身邊有個多情夫婿及兩個乖乖仔照顧；其夫還於去年還特別陪她到荷蘭古堡補辦婚禮，一家人樂也融融，過百好友到當地致賀。

司馬燕夫婦也算低調，若不是因為患癌，根本冇咩佢嘅消息。記憶中她是嬌小玲瓏果類，不過，被病魔折磨由原本嘅一百磅體重至現時得番六十磅，都幾駭人！

與癌魔搏鬥的她，原來父親、兄嫂與兩位胞姊，當年均同樣因癌症離世，但性格樂觀的她，卻聲言未驚過：「我很樂觀，生死有命，既然發生了便要面對。頭痛醫頭，腳痛醫腳，就像患感冒一樣，去醫去食藥囉！煮到來便食，沒有甚麼大不了！」

她病發至今，一直表現樂觀----咁又係！開心要過、唔開心都要過，何不唔開心咁過呢？

曾經體重過一百磅的司馬燕，接受化療後暴瘦，現在只得八十磅，朋友都說她fit了又高了。拍攝當日，她笑說：「以前我上鏡有啲肥，依家就啱啱好！」

切除整個胃

眼前的司馬燕剪了一頭短髮，身形瘦削，比昔日有少少肉地的她細了兩個碼，但仍中氣十足地與記者分享患上胃癌及治療過程的心路。

「我哋一家人年年都有驗身，我身體一直都好健康，但自去年七月，舉家從北京搬回香港居住後，胃部開始唔舒服，一進食便嘔，體重更由一百零七磅下降至一百磅，但當時我並沒有特別理會。八月中去完墨西哥旅行返港後看醫生，當時醫生只話我胃內有幽門螺旋菌，加上忙於搬屋及為兒子找學校，緊張兼壓力大而引致唔舒服。」

Michelle照醫生指示食藥後，情況卻未見改善，仍繼續出現胃痛、嘔吐等症狀，她惟有另找醫生診治。「點知一check，醫生就話我係胃癌，由於情況危急，要即刻入院，入院後三日便進行胃部切除手術。」

至今Michelle已接受了三次化療，幸好她是樂觀派，「其實我已經好好，沒有脫髮和作嘔，只是體重急跌至八十磅啫，啲朋友仲笑我瘦咗仲映得高咗添！」

司馬燕坦言有兩個乖仔同好老公，人生已相當富足，蛇年願望，當然是身體健康啦！

其夫去年十二月辭工專心陪她養病；其實響呢啲情況，病人當然辛苦、但照顧佢地嘅人其實更苦，但係有咩嘢都祇能放在心中，不能有形於色。

呢一對手，如果可以嘅，希望可以拖住一路行落去，直至永遠！

當然，患上癌症，即使好得番都有排煩，真要嘆一句：何必偏偏選中我？但係另一方面，所謂患難見真情，若非得病，又未必發覺丈夫對己是何等情深、兒子又何奇孝順？一世人得郎如此、得子如此，乎復何求？

司馬燕、吳先生：努力、加油！