是賭豈止你和我

　　今日星期六，股市都休息，唔講股市，講生活，首先一定係賭，係香港，不論咩地方，辦公室，學校，商場，街市，你賭我賭大家賭，賭賭賭，學生，老師，校長，波士，靚女靚仔，豬肉佬，公園師奶，賣衫婆，都係賭，假如香港７５０萬人口，一定有６５０萬人在賭，配合番主題是賭豈止你和我。

　　不論係賭咩，賭馬，賭股票，賭波，什至六合彩，過大海搵何生都係賭，雖然係財經圈，但其實小弟我係未去過搵何生之外，其餘樣樣都玩過。

　　小弟都係賭家中長大，老豆賭馬，股票，阿媽都係買股票，十歲都未夠就陪老豆睇馬仔，於是鍾意賭馬，股票都係一樣，大少少就自己賭性大發，初中已經賭馬，當然係一個月偶爾一兩次，邊有咁多零用，再大ｄ　到依家，不過都係新手一名，賭過波，但冇次嬴，所以好快就戒左。

　　我相信好多人都會賭，細個入親去賭既第一樣諗既就係點樣嬴第一桶金，我依家都係，不過都係嬴唔到ｄ　咩，大部份人都可能係貪玩下，賭既人記住自己做緊咩，唔好連本都輸埋，唔理賭波，賭馬定股票，什至搵何生都唔好輸埋船飛。有時我會記番轉頭，如果我唔賭，我就夠買匯豐，如果我老豆唔賭我就唔使住公屋，住唔到豪宅都住到細細間既私家樓啦！

　　不過同時一句話就打醒我：有早知就無乞衣啦

呢個夢就咁完左