憑咩嘢亂發脾氣?

脾氣人人都有! 但又唔見得脾氣人人都發! 好似已故粵劇名伶任劍輝女仕咁, 透過佢一班徒弟嘅口中講述佢嘅生平點滴, 從冇一個徒弟話見過呢位師父發過脾氣! 呢種喺高度修養, 呢種表態不愧喺粵劇界嘅前輩風範! 如果所有行業都有呢種修養風範, 就能夠和平共處, 笑聲處處, 連瞓覺都會笑住嚟瞓噃!

我哋鍾意發脾氣, 除咗自己唔好老脾外, 一喺冇修養; 一喺隨機而發; 一喺針對而發; 一喺專發愛錫自己嘅人身上! 任何人發老脾多數唔會又唔使擇日子, 稍有唔合自己心意就即時發作, 唔理身邊環境容唔容許; 唔理對象受唔受得; 總之發完先至算. 每當冷靜落嚟, 先至感覺玩大咗講大咗, 點先至補到鑊?

人與人之間嘅感情喺好難至累積番嚟! 想要一舖清袋就話都冇咁易! 無錯, 發脾氣喺好爽, 尤其喺鬧到對方狗血淋頭仲爽, 連對方點解被鬧都矇下矇下唔知仲爽! 之不過, 通常剃人頭者人亦剃其頭! 所謂風水輪流轉, 得罪人真喺隨時都得, 到有嘢想曾經比自己得罪嘅人幫手就唔喺隨時都得, 唔報仇已比足面.

人際關係喺一門大大嘅學問! 要做到不卑不亢, 真唔容易! 喺而家呢個功利社會, 除咗自己真喺好有料, 其他人冇自己唔得外, 就要有一個好勁嘅家族同老豆, 就算喺出面亂咁串人都唔驚有人尋仇! 大不了唔打出面工, 番屋企幫家族打工! 去到尾, 亂發脾氣呢種衰格作風唔改, 去到天腳底, 唔會有好日子過!