唔使你同意

點解立法會做埋啲戇居嘢? 咩嘢叫做冇約束力動議反對港鐵加價3.6%? 既然無約束力, 即喺話一班議員喺無能_為力囉! 既然喺咁, 何必咁多餘做表面工夫? 呃邊個啫? 自英政府管治期間, 都唔知邊個蠶蟲師爺稔埋晒啲[利潤保證計劃]? 用嚟坑陷全港市民個荷包, 不斷養呢班國際大鱷等佢地盤滿砵滿咁話!

換句話講, 香港政府變相做咗呢班大鱷每年入息嘅擔保人! 一味擔保搵唔到大鱷心目中認為合理利潤, 就可以知會政府幾時加價! 亦即喺循例咁通知政府加價一事, 你冇得反對; 亦冇權反對! 合約上白紙黑字寫明[合理利潤]唔達標, 營運者有絕對權單方面加價, 唔使你同意. 稔得出呢種混漲合約嘅蠶蟲師爺

自然水漲船高咁成為營運者嘅大功臣. 在另一方面, 成為全港市民嘅大仇人! 港鐵喺全球唯一一間人流最盛, 回本最快, 賺錢最多嘅公司! 每年手執[合理利潤]呢把上方寶劍, 真喺無往而不利! 只要年賺唔到既定指數, 就可以隨時加價! 仲可以鍊住政府把口令佢唔出得聲, 又要受到成班議員聯同市民糟質,

稔落真喺幾爽! 呢邊有錢袋入袋; 嗰邊又有馬騮戲睇! 而且你有你嘈同反對, 我有我企硬加價! 實情你吹得我漲咩? 睇下呢班無能_為力嘅議員紥紥跳都夠過癮啦! 身為議員攞幾多錢一個月人工? 唔做番啲表面嘢, 實在喺講唔過去! 就算你哋幾努力嗌到聲嘶力竭都好, 都喺嗰一句說話: 唔使你同意! 吹咩?