BB食手
2014/06/29 17:39:03 網誌分類: 健康
仔仔3個月大, 近來好鐘意食手
我成日用煲過既水同紗巾抹佢隻手
睡覺時就俾奶咀佢
不過奶咀會跌左出黎, 佢繼續食手
我就用滾水沖返個奶咀, 再放落去, 佢食食下又跌出黎
咁我又抹佢手又沖奶咀
成日因為咁而冇得做自己野, 冇得休息, 冇覺好 目訓
其實佢食手係咪冇其他方法應付架啦?
有時去母嬰健康院, 佢D手仔會碰到其他野
佢放落口點算?
我想過買奶咀帶扣住佢件衫, 但老公話怕佢玩奶咀帶會整到條頸...
其實佢成日嘔奶, 我個袋已放多套佢既衫、外套, 同埋我自己既衫, 加埋濕紙巾同尿片好多野好重
搭巴士又唔可以唔摺部車, 摺車又冇手摺, 有手都重啦...
如果帶多支水黎抹佢既手同沖個奶咀, 又好似好煩
真係怕佢手仔污糟食左污糟野落肚
燒餅第一個父親節都幾開心
我幫仔仔整左張卡俾佢
佢又抱住仔仔玩下 當然佢返工真係忙到死(果日每年都忙呀!)
之前仔仔去打針
健康院話可能會發燒
我地長開冷氣, 又時時留意仔仔體溫
過左4日, 冇事, 唔怕
不過佢今個月又去打針, 好似仲係三支一齊上...
驚驚。
(仔仔每次打針哭一下就唔哭, 好堅強架)
//用煲過既水抹仔仔既手//
你是位好媽媽 !
上一代通常話 天生天養.
外國有一派 主張 讓他們 多接觸, 好讓早點 發展 抵抗力. 因為頭三個月, 有媽媽的抗體 幫忙.
but, 今時唔同往日,
香港發現的 抗藥性菌 又真係多了.
我常向朋友說, 若果 政府發現新病毒, 醫院又升級黃色 戒備,
那麼 緊張點吧.
平日, 就 輪到讓自己 relax, 多 享受一下 輕鬆 的 BB樂吧.
總之, 兩公婆覺得 舒服 就 ok 了.
touch wood !
BB 始終會 第一次 發燒, 無就最好啦 !
我見我朋友 在 他 B 第一次 發燒時, 呢咁hea. 又唔知 落樓下, 定去急症, 又或去私家醫院 ( 剛 sat 7:00pm 後), 老人家又話 小事, 睇中醫. 我擔心他們 多過, 擔心他們的 B.
所以, 預先 找定資料, 和 老公 定下 方案. 大家都會 輕鬆 處理.
當然, 唔發燒就最好 啦 !
touch wood ! (唔好意思)
額探那種, 又貴又唔準, 耳探稍平, 又快, 又參巧性高. 不過,忘記了是否適合 3個月的 B
努力 !
燒餅兄第一個 父親節是否 特別開心呢 ?
多謝天佑呀~
原來BB會有咁多變化...
依家都有俾仔仔食下手, 不過佢睡覺好似奶嘴好用D (唔使夜晚哭, 嘈到隔離鄰舍唔多好),
平時我會用煲過既水抹仔仔既手, 等佢食手都冇咁污糟。
係呀, 佢滿月後都影左好多相,
不過滿月前呢, D老人家唔俾影, 錯過左好多美妙時刻 >0
噢 ! 恭喜你. 那麼快便三個月了.
好似話, 這階段, 小B 會以咀仔 去探索新事物.
我見過有些 B, 整個 拳頭 放入口 ! 之後, 把手仔的 口水 hi 到媽媽的 衣衫上.
好些爸媽 會尤得他們的B, 反然怕 咬奶咀, 話 會 食到成肚仔風 啦, 會 影響牙齒發育啦, 又或者 咀嚼撓. (不知道有沒有根據的 )
不過,再過一段時間,他們便不咬手仔了, 不用太擔心,
之後, 輪到 拾東西 放入口仔. 到時要小心骨頭仔.
出牙之後, 就輪到 咬東西.
這段時間的 B, 一個星期, 就變一樣東西, 很是有趣.
只有 父母 才能 察覺到 他們 的 變化.
多影些 相. 他日 可以 和 B 一起 回憶他的往年 呢 !