保護好小朋友

舊年兒童創傷900宗個案當中, 足足有兩成涉及食物中毒同埋藥物中毒! 有個案指兒童服食過量維他命, 導致肝臟衰竭. 可見得今時今日所有傳媒(包括報業, 電視電台等)大力鼓吹食乜嘢就可以醫乜嘢病. 直接或間接陷於誤導成份! 要知道人體體質各個不同, 唔可以一概而論. 體質有實有虛, 有寒有熱;

點可以單方獨步咁將某種維生素或營養食品講成天下無敵? 點可以講成喺病毒剋星? 再者, 有啲人服食咗之後嘅效果有快有慢; 有好轉有惡劣, 就足以證明唔喺所有健康產品都掂, 要視乎服用者嘅健康實況同吸收能力! 如果, 服食健康營養食品就可以起死回生, 仲使乜咁辛苦讀醫多年, 不如轉行仲好?

有病當然要睇醫生! 有病唔睇醫生, 仲要單靠服食健康營養食品就以為有得救, 全屬迷信! 極其量先睇醫生, 再徵詢醫生可唔可以介紹健康營養食品, 以科學醫學為主, 以健康營養食品為輔, 先至喺冷靜而理智! 無可否認, 健康營養食品對某啲病情確有功效, 但絕唔喺百份之百, 因為病者體質喺因素之一.

身為新一代父母應該有大學同等學歷同知識, 唔通唔知道輔助食品喺唔可以亂食咩? 或唔可以未經醫生處方就亂咁買嚟食咩? 或縱有醫生處方, 亦要依足指示下唔好服食過量咩? 對自己下一代絕唔可以掉以輕心; 包括自己在內! 對坊間一切大吹特吹嘅健康營養食品廣告更要小心在意, 食死人佢地唔負責!