拉斯維加斯遊記 ( 四 )
2007/10/08 10:37:44 網誌分類: 旅遊
剛好ON SPECIAL ,可以住這間叫做新的五星酒店,有五千幾間房,好易迷
途,但,我冇,有幾難唧?
抬頭望指標,箭咀引呀路!
獅子係佢地嘅印記,在酒店內有個展覽館,每天特定時
間運來獅子兩隻展覽,嬉戲-佢自己,冇我地份,有都咪攪!
賭塲內,百分七十荷官,工作人員是唐人-中國人,得閒查下係咪自己友開.
(係又點?又唔會多D幫襯,嘻!都係咪鬼咁八.)
聽講好多歌星在這裹演唱,我背加上係亞燦, 唔知真假.不過現在表演者,
是大衛高帕飛.
在拉斯最抵食是自助餐,如果唔食自助餐,肯定冇啖
好食 (有錢佬除外.) 包水,果汁,咖啡,茶,任飲.
一樽水三元美金,漢堡包八,九元,未必飽,但十多元LUNCH 自助餐,食飽
飽,晚餐廿多元,點都抵過散餐,信我.
酒店房咖啡壼冇個,加拿大MOTEL都有啦!
一毛子要賺哂,唔帮佢買唔得,上咗癮吖嘛!會冇神頭赤赤,點玩呀? 唉 !
冇咖啡壺沖熱水,你叫我包茶葉有乜用?
盒杯麵生𡁻呀?
日間時份,行過酒店酒吧門口, 透過大玻璃,小貓三
兩,有靚女跳TABLE DANCING.
幾攪笑,冇客睇,攪住條柱跳,揾食艱難,引客.
回應 (0)
我要發表