新的一頁

2014/07/04 17:27:46 網誌分類: 未分類
04 Jul

 

現在好懶唔會再出文,但都要開一頁方便留言。

 

記得番茄的願景係:

足總杯:阿仙奴 / 歐聯 : 皇馬/ 世界杯:德國

我就係:

足總杯:阿仙奴 / 歐聯:馬體 / 世界杯:阿根廷

番茄已經三中其二!

回應 (92)
我要發表
Persie
Persie 2014/07/18 09:56:04 回覆

番茄,真係非常難得一見。我們已簽左紐卡素法國右閘Debuchy頂替Sagna,穿2號球衣。Gibbs升Le穿Sagna的3號。好似仍在追逐基特拉,這位我不知值唔值咁高人工,但路維和雲加都說好,我就投信任一票。

皇馬先入左小菜Kroos,正在傾大盤James Rodrigues。

蕃茄
蕃茄 2014/07/16 22:55:25 回覆

阿仙奴今年竟然咁早開始大手入貨, 重金 (對阿仙奴來說, 3千萬鎊算好重手, 如果係皇馬, 就真係只算小菜一碟 ) 買完山齊士, 而家仲傳要2500萬鎊買埋基迪拉, 雲加轉性?

Persie
Persie 2014/07/14 13:23:06 回覆

張士佳陰謀論 --

Trader物語:齊齊幫巴西緝兇 - 張士佳

http://s.nextmedia.com/apple/a.php?i=20140714&sec_id=15307&s=0&a=18799326

巴西今屆輸得太慘烈,陰謀論可以令森巴迷開心返D。

費蘭甸奴,拖出去斬!

Persie
Persie 2014/07/14 10:25:41 回覆

番茄,你三個願望達到晒!!!

Persie
Persie 2014/07/14 10:15:22 回覆

家庭估波遊戲第二回合,我同阿妹和另一家庭成員都中14格,並列榜首;不過我估錯冠軍,以點數落敗,冠軍拱手相讓,做不成雙料冠軍。

Persie
Persie 2014/07/14 09:52:05 回覆

袋鼠,好開心有你一同看世界杯,令我懷念起初看足球,沒有特別喜歡某隊的時候,好似更開心。

李聯廣,德國送大禮,卻奧斯回傳;又有美斯爆落底線為隊友製造機會,但統統不能把握。美斯自己射門又過門不入,落敗無話可說。葛斯的入球需要冷靜加技術,就算同樣機會給希古恩,阿古路,柏拿斯奧,也不見得他們可以把握得到。就這樣,輸係要認。

阿妹一早為這屆世界杯卜了卦,係「八運旺新主」,四強中她獨怕荷蘭,因為乎合新主的說法。以前贏的係西德;德國係第一次封王,更是第一支歐洲球隊在南美封王,特別有意義。mueller 失卻蟬聯神射手機會,不能在世界杯歷史留下新紀錄,但相信他不會介意。高路斯功成身退,名留青史,人生已無遺憾。

浪子,恭喜晒!

Bobo,下屆再努力!

李聯廣
李聯廣 2014/07/14 08:51:52 回覆

阿根庭今仗演出不錯,但錯失兩次必入機會自然要付出代價。

 

至於星星代表冠軍,據我記憶所及,好像是源自意大利聯賽。以往世界盃並無正式規定,只有個別曾獲冠軍隊伍以此顯示。由2006年起,FIFA才正式規定歷屆冠軍球隊可(自願性)將其曾贏取世界盃的次數,以金星代表繡於左方胸前球衣徽章之上。

 

以上資料,已是多年前閱報(或雜誌)所得,或有錯漏,其他網友可指正。

浪子152
浪子152 2014/07/14 08:11:55 回覆

hee hee 4星鳥~~~ {#icons_cat2}

大笨袋鼠
大笨袋鼠 2014/07/14 06:13:58 回覆

聽你講完,諗起嚟紐亞又真係活躍好多。

Thanks, Persie及其他網友,聽吓你哋講波,除咗知多啲,睇波時都有癮好多!

PS 『一對對紅白波衫球員走向觀眾席謝幕,場面美麗感人。』有啲印象,幾感人

Persie
Persie 2014/07/14 06:01:55 回覆

袋鼠,葛斯 VS 希古恩,阿古路

質素的分野!

如果調轉龍門,紐亞會比羅美路更快衝出來封位!

大笨袋鼠
大笨袋鼠 2014/07/14 05:55:24 回覆

Persie,嘩,你真係人肉字典… 話時話,正職退休之後,會唔會去講波?

袋鼠平日絕少睇(真正嘅/世界性嘅)足球,所以唔計打機,真人美斯嘅表演,袋鼠係第一次睇,佢真係不負勝名。

我係唔太喜歡馬勒當拿的,但我就十分喜歡美斯。 x2

如果唔係馬勒當拿,可能袋鼠都唔會對阿根廷咁多年咁反感。

大笨袋鼠
大笨袋鼠 2014/07/14 05:46:31 回覆

呢場互有攻守,就算係睇緊0-0都唔錯喎!

不過最終有入球,唔使射十二碼決勝負,就 very good!

可以挑剔,係德國後防送兩個大禮,阿根廷都收唔到!

Persie
Persie 2014/07/13 23:57:18 回覆

番茄,我好早已經唔捨得啦!阿根廷空有球星,就係唔能夠融合,只靠美斯臨尾死球建功,所以才稱呼他們做一人球隊。

風之子係肯尼基亞,又係我眼中一隻「攝青鬼」,在禁區來去自如。

Ironically,我係唔太喜歡馬勒當拿的,但我就十分喜歡美斯。

蕃茄
蕃茄 2014/07/13 23:28:05 回覆

一個月的時光轉眼便過去,到了终極一戰,賽事未完但已有些小依依不捨的感覺。其實阿根廷並不算一人球隊吧,有迪馬利亞,亞古路,希古恩,個個都是頂級球員,但今屆個個都好似未能盡展所長咁,有D唔明?是教練太偏重美斯所致?還是他們全部在球隊巳踢到殘晒?

記得當年1990嘅阿根廷就真係似一人(馬勒當拿)嘅球隊了(好似仲有個速度好快嘅前鋒,綽號叫風之子)。

 

Persie
Persie 2014/07/13 22:34:50 回覆

今晚就正是一人球隊與整體足球的終極對決!

其實我絕對唔覺得阿根廷會贏。

哈哈 《苦笑》

Persie
Persie 2014/07/13 22:27:53 回覆

RvP 送出了他的隊長臂章!

Robin van Persie gives the captain's armband to a fan -

http://t.co/KTB34tdlYC

Persie
Persie 2014/07/13 22:21:35 回覆

Bobo,看球隊實力,先看一條脊骨 -- 巴西龍門斯薩只效力QPR,而且有時居於後備:一對中堅尚可。大衛雷斯有前冇後,有勇無謀,不是我喜歡的類型,所以難得PSG出高價,摩帥馬上摞飯應。Phil Jones 也屬這類型,打中堅好危險。前線叫做有尼馬,但防守中場,playmaker,中鋒有誰?Oscar,Ramirez,Gustavo,Fred 之流,難當大任吧,脊骨弄不好,難以稱王。

Persie
Persie 2014/07/13 22:19:50 回覆

KFC,今屆德國演出優異,贏冠軍絕對係實至名歸。只是我自己反德,又鍾愛美斯,所以才會捧阿根廷。

我都不知道球衣徽章上的星星是否規定要印上,但球隊都想展示自己的威水史,故都會印上。

Persie
Persie 2014/07/13 22:10:47 回覆

袋鼠:我絕對可以轉去Audio 2,不過我要監察住D講波佬講阿仙奴同荷蘭隊!我同Now TV賴先生相識,會跟他說我的comments,所以賴生一見我就走頭,呵呵。

希丁帶1998得荷蘭很出色,但荷蘭有一先決問題,係黑白球員不和,尤其在Davids,Seedorf強勢之時,問題更明顯。今屆明顯白人當道,所以問題得意解決。洛賓 RvP 交情如何,大家從昨晚領獎都可看到,不過球場上的合作係可以,第一球博得12碼的傳球正是RvP交給洛賓的。 2006的荷蘭係雲巴士頓帶的,被葡萄牙淘汰還差點跟他們開片。

希丁最impressed我係他2002教南韓,南韓脫胎換骨般,似有用不完的體力,雖然有買通球証嫌疑,但怎說都叫殺敗了意大利,西班牙,得來不易。季軍南韓僅敗,球員失望跌坐球場,土耳其球員主動拖起他們,一對對紅白波衫球員走向觀眾席謝幕,場面美麗感人。

西德係荷蘭死敵,所以我都唔想Mueller蟬聯神射手,呵呵。其實Mueller正是雲高爾提拔的。當年的他似碌竹,既不是快馬,dribbling skills 亦欠奉,頭球亦普通,高但雲高爾看到他在禁區的觸覺,予以機會,而他不負所托,像隻攝青鬼閃入禁區立功。幾年下來,他已大勇大熟。

袋鼠:我也不知Venables去向。計失球,一般係計90分鐘,90分鐘內的12碼都會計。斯里臣的龍門生涯中未成功撲救過12碼!

1994世界杯邊係咁差?!

BoBo Fox ( 心好, 好日來)
BoBo Fox ( 心好, 好日來) 2014/07/13 17:09:48 回覆

KFC, 靚波就係靚波, 但唔可以因為入過靚波, 

而忘記自已中後防位置, 走去前面想入多粒?

咁邊個踢番你個位做防守?

錯還錯對還對, 如果廢特入球真靚波, 亦會受到讚美.  

如果佢身價高, 我覺得佢高分低能, 有大大改善空間.

唔係唔好波, 但係有D錯0既野一定要改, 才有機會做名宿.

今界好失望, 唔係因為巴西輸左,

而係巴西波變得好陌生, 不是技術型, 而是強壯臂彎攬人型,

除了青黃不接, 仲發生左什麼問題呢 ? 唔想巴西波沒落............ 

大笨袋鼠
大笨袋鼠 2014/07/13 14:57:09 回覆

Persie,印象中你好似係聽廣東話評述,頂佢唔順,咁有無英文揀?

BBC 5應該有直播。 不過數碼會有一兩秒delay

袋鼠呢邊好多時唔鍾意啲電視評述,有時都mute佢,再開收音機。

MUELLER要入多一球,加埋上屆隻golden boot,就可以湊夠一對左右腳!

大笨袋鼠
大笨袋鼠 2014/07/13 13:22:23 回覆

而家SBS播番晒過去十一屆全場決賽。包括令Persie迷上荷蘭的那些年噢!

PS 節目表沒有1994年那場… 太難睇?

大笨袋鼠
大笨袋鼠 2014/07/13 13:01:27 回覆

雲高爾換埋Vorm入場,荷蘭23人悉數上過陣,絕對係nice gesture. ×2

乜原來Guus Hiddink將返去荷蘭執教… 袋鼠國民重記得佢在2006年帶隊功績啊!

話時話,而家Terry Venables去咗邊?1997年外圍賽只係輸咗最後廿分鐘…

Persie,你同斯里臣數失球,對澳洲有一球係失十二碼。

 KFC
KFC 2014/07/13 10:02:08 回覆

Persie, 你都話阿根廷冇場好波,咁點值得贏世界杯呢!所以我都係支持德國。

 

順便一問,球衣徽章上的星星是代表曾獲得多少次世界杯冠軍,這是FIFA官方規定的還只是約定俗成的呢?好多球隊好像都用來表示獲得多少次聯賽冠軍。

 

BoBo, 4號仔係咪大衛雷斯呀?你咪讚過佢射罰球好勁咖!佢剛轉會法甲球會PSG,號稱係全球身價最高既中堅之一。其實佢助攻意識太強,經常輕出,踢防中位置可能更好。

Persie
Persie 2014/07/13 07:29:49 回覆

剛才雲高爾換埋Vorm入場,荷蘭23人悉數上過陣,絕對係nice gesture.

幫斯里臣數下,對西班牙 -1,澳洲 -2,對智利 0失球;對墨西哥-1;對Costa90分鐘負0,對阿根廷90分鐘負0,對巴西負0。7 場失4球,好優異。

《紐亞90分鐘暫時失3球。》

Persie
Persie 2014/07/13 07:19:41 回覆

我從16強開始的預測中了14個,就差估錯巴西入決賽。在家庭比賽中我以14-13領先阿妹,如果明日德軍贏就14-14,但我以點數飲恨因為我估唔中冠軍。阿妹估錯的一場係比利時對美國,她因深愛奇連士文選了美國勝。當然季軍戰阿妹都錯,她估了巴西。

在家庭比賽裡,世界杯前的預測在32個格仔中我填中了20格,已經贏左冠軍個pool,哈哈。馬會投注我中了德國對阿根廷,派了13倍,我係6月9號投注的。

Persie
Persie 2014/07/13 07:04:13 回覆

巴西冇左尼馬叫苦連天,阿根廷如果冇美斯一樣冇睇頭。呢D係一人球隊的問題。

德國勝在唔會冇左邊個就唔得,絕對係整體作戰,呢方面他們好似上屆的西班牙。上屆金球獎由並非由冠亞軍球隊奪得,而係殿軍科蘭奪得。西班牙好得意,無論08歐國,10世界杯,12歐國,都令遴選小組好頭痛,因為球隊係最佳但找不到誰是最佳。08沙維算比較容易選出來;10世界杯直情選了科蘭算數;12歐國評委又直言,因為08選了沙維今次輪到選恩尼斯達啦,因為他體育精神好!其實坊間覺得意大利派路更佳。西班牙亦係名乎其實整體戰,係冇單一球王。

美斯一定係好,係非常好,當年他跟細哨在巴塞有無限美麗合作。美斯狂爆一輪,同龍門單對單就的高個波笠龍門,好精靈。但是足球非一人遊戲,只能祝他好運!

Persie
Persie 2014/07/13 06:53:50 回覆

荷蘭總算贏返個季軍,今屆實在是超額完成,荷迷應該滿意。

巴西今屆仲用緊Fred,Hulk,同埋龍門Cesar,證明係青黃不接年代,球迷應該理解,只因係主辦國,國內球迷希望太大。

嚴格來說第一球洛賓係禁區外被拉跌,但斯華應該紅牌。第二球有越位嫌疑,不過縱然判返正,我相信巴西仍會係輸波的一隊。往者已矣,展望未來拉!荷蘭在俄羅斯2018唔會有成績,要再等前鋒冒起。

我可能要等到2046!

BoBo Fox ( 心好, 好日來)
BoBo Fox ( 心好, 好日來) 2014/07/13 05:55:29 回覆

都係個句, 未發達都千其唔好俾自己窮~~

BoBo Fox ( 心好, 好日來)
BoBo Fox ( 心好, 好日來) 2014/07/13 04:30:13 回覆

唔想再見俾人數,我想去訓。換埋唔知錯的4号仔啦。比廢特更氣憤。無尖子前蜂,中后场仲踢成成咁。睇怕一球一球追,要靠狐狸洛場

幪面馬仔
幪面馬仔 2014/07/12 23:57:45 回覆

我幫阿妹..............hea hea {#iconb_623}

BoBo Fox ( 心好, 好日來)
BoBo Fox ( 心好, 好日來) 2014/07/12 22:44:51 回覆

HEHE 邊隊WIN 我都無所謂了, 但是美斯叫球王,

欠個世界杯,認真D 睇 , 如果個波係佢腳下真係幾難搶得到,

 而且24年了......就幫拖啦~~最緊要踢場好波.

事實可能大家都守到你暈...........

 

Persie
Persie 2014/07/12 17:53:59 回覆

Persie vs 番茄 + 李聯廣

勢孤力弱!

有冇人幫拖?

Persie
Persie 2014/07/12 16:43:54 回覆

Hi chanreborn, a big welcome to Alexis Sanchez. So happy gh have him on board. There are news that Wenger is interested in Khedira ... so many German guys! I am just so-so on Khedira but we need a holding midfield.

Persie
Persie 2014/07/12 16:43:25 回覆

李聯廣,我都同意,如果唔係馬斯查蘭奴力抗洛賓單刀,阿根廷可能已經輸左,總算不枉他在巴塞打了兩年中堅。

迪馬利亞的工作,就係在美斯被緊盯時入球,都好重要架!

德國今屆有非常平穩得演出,就算真的贏冠軍也屬合理戰果,不過我都會支持阿根廷。

季軍戰巴西為國民而戰而荷蘭兵久無心戀戰,看來勝負已分。

李聯廣
李聯廣 2014/07/12 11:05:35 回覆

Persie, 我覺得阿根庭除了美斯,第二重要應該係馬斯真蘭奴而非迪馬利亞,冇o左馬斯真蘭奴可能阿根庭都入唔到決賽(對荷蘭o個場兩度受傷,最傷就係柵洛賓o個球)。而迪馬利亞對瑞士o個場全場演出都唔顯眼,但偏偏就走到個靚位射入一球。決賽迪馬利馬應可復出,照計都可以幫輕o下美斯o既。

 

不過決賽我捧德國,希望歐洲隊破紀錄在南美首奪世界盃。

chanreborn
chanreborn 2014/07/11 17:40:54 回覆

 

Me too !! I'm always around but this is an exciting news of signing a good striker since....................................................Henry ?

So here we go...!!!

 

幪面馬仔
幪面馬仔 2014/07/11 16:44:20 回覆

chanreborn   I miss you ah!!

 

chanreborn
chanreborn 2014/07/11 15:51:15 回覆

Officially Alexis Sanchez signed Arsenal !!! Great Signings !!!

One more holding midfielder please..

 KFC
KFC 2014/07/11 08:59:15 回覆

40年世界杯「無冕之王」。SIGH !

Persie
Persie 2014/07/10 23:07:00 回覆

98年荷蘭射12碼敗於巴西,在季軍戰再敗於克羅地亞,是我心頭一條刺。16年後(楊過連小龍女都都等到了,我仍在等)歷史再度重演,身為荷蘭迷的第一反應難免失望。

然而,深想一層,世界杯之前我甚至曾擔心荷蘭會否不能在小組晉級,假若次名出線,又會馬上碰上巴西,會否馬上遭淘汰出局?擔憂又擔憂,終於等到世界杯。竟然,平地一聲雷,他們大破西班牙,RvP的魚躍飛頂一鳴驚人,Twitter內世界各地的fans都模仿這動作,包括RvP的高齡爺爺,一時間大家玩得好不開心。現在荷蘭甚至已鑄造了6000個RvP魚躍飛頂紀念銀幣,轉眼已配售一空。

對澳洲,後防疏漏猶如筲箕,但前鋒又可以一再領先終於取勝。智利實力不弱,荷蘭又可以輕取以全勝姿態出線。

首輪淘汰賽對墨西哥,眼看場波已經輸左,卻竟然在最後幾分鐘由入替雲佩斯的沈睡的射手亨特拿一助攻一12碼戲劇性反勝令荷迷歡喜若狂,講足幾日。到對哥斯達尼加,全場壓住對手打又攻極唔入,雲高爾竟又在賽事最後三十秒換入告爾撲12碼然後又晉級,極有talking point,荷迷又興奮多幾日。

沒有錯今次只差一步就入final,但荷蘭有此成績其實已是超額完成。我為這對荷蘭隊感到萬分驕傲,亦非常多謝他們帶給我的興奮歡樂。

98年荷蘭最終只得第四,沒有獎牌,我原以為他們對輸贏毫不介懷,但賽後見到Overmars淚流滿臉我才理解他們並非懶懶閒。今次,洛賓又話季軍賽好無謂。其實,贏個牌給仔仔Luca都好吖,他今朝喊得咁淒涼!雲佩斯拿個銅牌放在他的魚躍銀幣旁湊成一對亦有紀念性。又或者出新秀出來拼搏爭取成績也不錯。荷蘭,不要放棄,加油!

Persie
Persie 2014/07/10 22:42:31 回覆

李聯廣,大家被7-1嚇親,不想因為盲攻而先落後,戰情膠著。雲高爾兵行險著,希望90/120分鐘內用最強陣搞掂阿根廷不想鬥12碼,夾硬起用未好返的De Jong,腸胃病未痊愈的RvP,結果都係打唔足要換。另一意外係 Martins Indi 45分鐘傷左按住「小掩」加上黃牌在身,終於用晒換人名額不能再換龍門。

《亦都可能癲佬雲高爾唔想重複tactics。如果昨晚贏左記者又會講:雲高爾再變招KO 阿根廷,幾咁威風呢!》

Vlaar 今日打得好好。見到Van Gaal 先問 Vlaar 有冇信心,他說有,所以派他射第一,始終後衛腳射失左,不過佢為人都算有擔帶。

弊就弊在冇人識得爆落底線,洛賓被緊盯,古治老矣走上走落好辛苦,難再強求他落底。今日又冇Memphis;Blind,Janmart 亦唔係爆破材料。

斯理臣救12碼唔得,細粒,冇殺氣,唔夠手力,樣子較友善(可說是懵盛盛)。Krul對手比常人更長,伸展開似大麻鷹,眼大可怒啤人,夠惡,又懂玩心理戰,救12碼較有把握。

幪面馬仔
幪面馬仔 2014/07/10 18:17:56 回覆

我都好失望,我全家都失望。。。

李聯廣
李聯廣 2014/07/10 13:58:58 回覆

如果冇睇出場陣容可能以為美斯、洛賓、RvP都冇上陣,尤其是RvP,全場都唔知掂過幾多腳波。昨日兩隊對攻,今日兩隊就鬥守,真係悶戰一場。

 

阿根庭雖然都唔係打得好,但已經係咁多場守得最好o既一場。

 

古治打番前便後唔知點解係邊線攞到波就梗係帶番去中路,一係就即刻斬中,從不爆落底線,屣o左唔少機會。

蕃茄
蕃茄 2014/07/10 08:03:41 回覆

阿根廷入決賽,我相信德國可以於九十分鐘内取勝,24年後再奪冠。我杯賽過三關嘅尾關, 唔好斷呀。^-^

Persie
Persie 2014/07/10 07:03:47 回覆

好失望,唔講住。

其實阿根廷冇邊場好波。

大笨袋鼠
大笨袋鼠 2014/07/10 01:28:41 回覆

睇見啲巴西球迷,失第三球時嘅愕然,都有啲戥佢哋難過。

BoBo Fox ( 心好, 好日來)
BoBo Fox ( 心好, 好日來) 2014/07/09 21:08:40 回覆

BoBo Fox ( 心好, 好日來)
BoBo Fox ( 心好, 好日來) 2014/07/09 21:06:00 回覆

絕對同意費特由第一場有鬚踢到上場無鬚都係"特費"

大飛用人是特大錯誤 32歲的卡卡有經驗帶新人唔用 ,

 德國就半隊拜仁, 有默契.

巴西就各失其位, 原本希望佢守到加時12碼, 頭10分鐘搶攻亦未必係大錯,

而係後防去左搶波助攻, 完全忘記了本份.

不過愛隊就是愛佢靚時亦愛佢醜時, 1998年肉酸輸俾法國,

2002 年亦可奪冠.

希望愛隊重新檢討振作,

執著依然愛巴西.  

 

 

 

瀏覽更多回應 正在載入...
user

最新回應

Persie
Persie 2020/08/10
@花姐...

花姐,很高興知道妳生活愉快。我也是靜態的人,留在家中亦無不可。週末妳可以同肥仔去兜下風。

這個星期晚晚有波睇,非常充實。

花姐
花姐 2020/08/10

過來探班,祝大家平安渡過.每一天,原來馬仔咁有我心,只是網友,卻像朋友,感恩認識到您。我好好,四天出一次超市,濕街市不踏入,加上又.不喜歡吃魚,不去也無所謂,兼且沒太享受自己煮食的樂趣,不是肥仔要食,自己三文治又一餐,泡麵加菜加些肉片都飽肚。最緊要活得自由,做自己喜歡的事情。

Persie
Persie 2020/08/07
@李聯廣...

聯廣,我未有興趣換電動車。恆馳#2有些像保時捷。恆馳#1 和#6幾靚。如果Benz係「奔馳」,恆大是否一定要用個「馳」字?

李聯廣
李聯廣 2020/08/06

今日差不多所有報紙的頭版都是恒馳的廣告,加上最近所有電視台的頻密宣傳,真是大手筆。恒馳各款電車的外型都幾科幻,有點實驗汽車的感覺。Persie, 有否諗過下次換架電車?若停車場多點叉電站,我或者都會考慮吓。