joboche1
joboche1
joboche1

香港_大把人才

2014/07/09 07:27:37 網誌分類: 齋_TALK_廣東話
09 Jul

邊個夠膽講香港喺彈丸之地就睇死冇運行? 邊個夠膽講香港下下要引入外援? 查實香港大把人才, 掙在港府有冇足夠資源嚟栽培佢地, 比機會佢地成長同發光發熱! 掙在學府氛圍有冇好嘅師資同配套嚟投其所好, 引導學生所鍾情科目, 透過深入研究而成為專才! 掙在父母有冇悉心教導陪走一段成長之路!

 

掙在學生本身有冇珍惜每一次上堂機會, 將心中存疑一一提問之下得到恰當答案! 如果, 上述幾方面都能夠配合嘅話, 香港就真喺成為全球人才溫床, 更能令全球側目同矚目! 回睇而家香港每年所謂男女狀元嘅人數並唔算多! 能夠出到十淩二十名都已經好似好犀利. 依筆者睇喺師資同教育配套失敗所致!

 

睇番受訪嘅男女狀元都會不約而同咁講出同一種讀書理念, 就喺早一日預習聽日課本內容, 到上堂時留心聽老師講解同做筆記; 利用十五分鐘小息嚟溫習; 番到屋企後除咗做功課同預習第二日課本內容外, 通常會盡量鬆弛身心, 以最佳嘅狀態迎接第二日嘅挑戰. 由於習慣成自然, 到測驗考試前稍為複習一下,

 

就可以輕輕鬆鬆咁攞到最佳成績. 不但止絕對冇難度, 最重要嘅喺冇任何心理沉重壓力, 對讀書嘅興趣越嚟越濃, 每朝起身都期待快啲番到學校享受校園生活. 以咁嘅極高心理素質, 對學習嚟講梗喺食生菜都冇咁易! 呢套活學方法, 嘅適合人性要求; 亦適合天性發揮. 之不過, 香港教育制度只得一套填鴨式!

回應 (0)
我要發表
user