葡國危機
久違了一段日子的歐洲債務危機，好有可能又會大家見面啦。葡萄牙最大的銀行集團出現違約事件，令到投資者對脆弱的歐洲銀行業緊張萬分。
葡萄牙最大銀行聖靈銀行(Banco Espirito Santo SA)的母公司聖靈金融集團(Espirito Santo Financial Group) ，昨日稱「出現了持續的重大困難」，暫停其股票與債券的交易。聖靈金融集團勁插16%，聖靈銀行股價亦大跌近15%。葡萄牙債券市場今天也損失慘重，國債價格持續下跌。10年期國債收益率上漲0.2厘，至3.98厘，創下5月中旬以來新高。
葡萄牙當局要求下，聖靈銀行及控股公司聖靈集團昨日中段暫交易，停牌前聖靈銀行跌17.2%，本周累計跌32.2%，聖靈集團跌8.9%，本周累跌24.5%。咁大間銀行市值一周內損失三分之一，真係輸死人。
爆大鑊源自《華爾街日報》去年底的一篇報道，聖靈集團的融資方法非常可疑，報道令葡國中央銀行調查，後來在今年5月揭發聖靈集團賬目有問題，財政情況極其嚴峻，只是把問題掩飾而矣。消息曝光，聖靈集團開始週轉不靈，本星開始未能償還短期票據飲欠款，昨日更宣佈暫停股份和債券交易，市場大驚失色。雖然葡萄牙央行昨日話聖靈銀行受當局保護，但市場非常憂慮，觸發股價大跌停牌。
兩年前出現歐債危機後，現時好像雨過天晴，歐豬國債券反彈到好高水平。但聖靈銀行係葡萄牙最大上市銀行，原來有咁大問題，令人懷疑歐債問題根本未醫好，只是踢咗落地氈底。
再加上意大利5月工業生産意外下跌1.2%，係2012年11月以來最大跌幅。法國工業生産意外下降1.7%，為18個月以來的最大跌幅。壞消息齊出，仲唔嚇到投資者腳軟？意大利股市昨日跌1.9%，法國及德國跌超過1.3%。
面對歐洲金融危機風險，美股都好難有運行。不過，美國就業市場有好消息頂住，最近一周的首次失業金人數降至30.4萬人，低過預期同前值的31.5萬。美股朝早大跌後逐步收窄跌幅，三大指數收市跌少過0.5%。杜指收市跌70點，報16915點；標普500指數跌8點至1965點%；納指跌23點，收報4396點。美股仲係好強，一跌即彈。避險情緒升溫，黃金漲1.1%至每安士1339美元。要小心歐洲銀行的局勢。
陸羽仁
陸sir早晨，同意老師對佔中既分析
在下就佔飯民應該叫唔到太多人出黎佔中，頂盡5000-10000人，規模類似早排台灣太陽花，香港人同台灣人比，政治意識更薄弱，更冇guts, 大學生/年輕人數量亦遠比台灣少，估計可能爆一個大型遊行出黎，留低幾萬人，過夜冇左大半，再過幾日開始冇人，飯民可能會思考d激進d既野，例如衝入政總之類，同台灣一樣，比你佔領左立法會，影響其實唔大，拖幾個禮拜就散
阿爺用撤優惠黎對付飯民亦擊中要害，香港人既核心價錢其實得個錢字，果班飯民10個有9個半都有金主，一打經濟牌背後既金主即刻腳軟，不過在下佔阿爺要出呢招機會唔太高，應該只有一成，要視乎佔中既發展，睇佢佔左邊度，影響有幾大
至於樓市，在下估計就算阿爺停晒所有優惠，樓市應該影響非常有限，除左個別等錢洗業主要劈價，發展商一定唔推盤，有實力既業主守到一定守，原因好簡單，就算爆出超大鑊，坦克車殺入中環，你估香港會唔會從此玩完？如果唔會(之前次次都唔會)，業主梗係守啦，要樓價跌，要長線基本面唔惦超過一年，就算佔中出現坦克車同氣油彈，頂盡都係震散股市者
鬼佬調錢入黎唔知佢有冇買股，如果鬼佬配合沽低個市，要沽落21000樓下都唔難，不過長線少少睇，都只係上落市其中一個浪仔者
如果我係呀爺, 我會將人大常委延遲一兩個星期先開會...
陸羽仁覆網友
世界杯是蜀中無大將，德軍可稱王。
Kym:佔中唔一定會整跌個市，係三、四成風險整跌個市，我們要為呢三四成可能部署。
williamwong0402:恒大派高息唔係穩定股價，因為錢派走後股價除息會回。表面看派息是益包括大股東在內的所有股東，可以套現，但呢個套現方式大小股東齊收，比較公平。唔可以期望佢年年都可以咁派息。
恒大股價低迷是因為市場覺得佢急進有風險，之前搞波又被評為不務正業(不過內地其他發展商覺得它搞波有品牌效應)，如今搵咗馬雲入股，起碼搞波那些部份錢幾年內有馬雲的資金去頂。但總的來說，恒大掂唔掂仍看市場對內房的看法。所以若要穩陣買萬科，恒大只是投機性的選擇。
陸SIR今日節目重溫
第三部份 Part 3 (HKT 0804:0900) Time Bar由50:47開始
http://programme.rthk.hk/channel/radio/player_popup.php?name=morningsuite&pid=400&eid=&d=2014-07-14&player=mp3&type=archive&channel=radio2
「撑張融，反中央」.....霞姐呢個無飯食....
德國贏波示範左紀律同意志，中國人過多一百年都學唔到
陸sir示警提防佔中整跌個市，其實好多人想個市沉，尋底吸納
經過上次沙市的教訓，我估第一城跌到三百萬就比人掃晒
Kwokc，你好！
你問好多專業嘢，下面只係袋鼠略知一、二，到你要實行時，請尋求專業意見！
注意澳洲央行又出口術壓匯價… 似乎通脹升溫時就唔出聲，通脹看似回落時就再嚟過。
1）唔知道兩者之間，法律細節有無唔同 (例如清盤時點樣排隊)，但LIC個收費同投資基金嘅模式一樣(例如1%+20%)。要注意零售基金，一般每日都計一個資產剩值價，買入時會打個佣金。買LIC係隨股票市場開買賣價，相對其資產剩值，個股價可以係溢價或折讓。
2）以我所知，沒有學生宿舍REITs上市。
3）樓市唔感俾太多意見，直覺係有啲大陸錢起啲無乜本地人需要嘅嘢，不過孜好似好多大陸人買 - 佢哋都有份買貴呢度樓價。此外亦有好多發展商及會計師，兩者有回佣關係，向退休儲蓄打主意，賣垃圾計劃。還有央行有注視樓市，雖然避免用上泡沫字眼。
4）用信託形式去慳稅，基本上係將產業由信託持有，再將收益分多俾幾個人去分擔稅務 (多數分俾老婆；澳洲入息稅行累進稅，多一個人分降低個人收入，避開高階層入息稅率，亦可以分俾自己開嘅公司，交公司稅率，但公司派番錢俾人，個人一樣要交番入息稅)；無需處女島公司或瑞士銀行，完全唔係複雜或太刻意造作嘅嘢，所有專業會計師都識做，主要係文件會做多咗，及有啲細微細眼嘅稅例要留意。 不過你多數以非澳人身份報稅，俾withholding tax，除非有朝一日長居澳洲，否則未必要有trust嘅需要。
Kathleen，袋鼠報到！
德國攞咗冠軍啦，相信好多網友都捱夜睇總決賽吧。
佔中市 要部署
2014年07月14日
踏入7月，匯市股市氣氛奇怪，例如港匯持續強勢，股市理應要升，但恒指又好似唔係點想大升。上周五金管局持續於倫敦及紐約交易時段，按7.75港元的強方兌換保證價，沽港元接美元，再為市場注入105.4億元，是本月以來第11次接錢，金管局月內連番接錢，累計已放出394.4億元資金。
港元強，資金流入香港，即使唔係直接為買股，但資金充斥有利股市樓市。正路估計，資金流入可能與在第4季開通的滬港通有關，即係調定啲錢入嚟先，等滬港通開通就郁手買股。我估發生機會有七成，所以資金流入即使唔令港股立即升，都係中線利好港股。
資金流入 正路利好
不過世事無絕對，另外三成機會係剛好相反，買入港元只為將來沽出港元，買港元買到7.75，將來回番出去時，即使港元回到正常水平，都係7.77左右，只係唔見咗0.2%，接近無成本，但若將來大力沽出，而且唔係慢慢沽，仲係快手沽，咁製造出來的震撼效應較大，好易隊低股市。呢個諗法陰謀咗啲，但美國加息消息預計第四季可確認，香港佔中在8月底就上場，都唔好完全唔預計呢啲陰謀狀況。
周末同朋友聚會，佢哋問起點睇佔中對股市的影響，講起匯豐急改報告事件。匯豐上周一發表季度環球證券研究報告，由匯豐環球股市策略研究部主管魏宏兆操刀撰寫，報告指憂慮佔中將令到中港關係惡化，或會損害香港經濟，因此將港股評級由「中性」下調至「減持」。但出完報告後懷疑在網上大受批評，到傍晚突然改報告，將原來講睇淡的唯一原因佔中調落尾，將原來話「佔中，一場爭取更多民主的運動，會使中港關係變酸，損害經濟」的句語刪去，加入樓價下跌及自由行效應減弱等多項理由，懷疑在壓力下轉軚。
陸羽仁認為政治還政治，財經還財經，唔好因為政治理由，影響財經分析，畢竟財經關係自己荷包，唔客觀分析，盞自己蝕底，所以亦想將當日同朋友分析佔中對股市的可能影響講出來，畀大家參考。
八月月尾 決戰時刻
一般而言，政治事件唔影響股市，就算影響只屬短暫，所以我唔喜歡乜政治都講一通。反而我認為政治是反向投資的好機會，例如因為以色列空襲巴人地區令油價升、金價升、股市跌，反而應該作相反投資，博個市一兩日消化了消息就回頭。但佔中就複雜一點。
現時關鍵不是政府明天提交的政改諮詢報告，而係在8月底人大常委會的決定(估計人大開會是8月25日至28日，結束會議時公佈決議，人大會期未最後確定)。陸羽仁收到的風是人大常委會對政改的決議非常具體，雖然是以法律語言寫出，但其意思既會否決公民提名，亦會指出要由特首選舉的提名委員會，以多數方式選出特首候選人，意味着泛民候選人無乜機會入局。以現時的局勢，泛民見到人大常委會這種決議，馬上發動佔中的機會極大。
人數若少 無甚衝擊
所以，真正問題變成不是會不會佔中，而是佔中後有何結局及影響。按泛民一直對佔中的描述，他們會發動大量市民上街，佔領中環，逼中央政府在政改問題上讓步。關鍵問題有兩個，第一是泛民能否發動大量市民持續上街，說到大量起碼是5萬人，而且不止一天，是持續多天。第二是會否佔據主要馬路或包圍佔據重大設施，癱瘓中環商業中心或政府的運作。
若然發動出來的人數不多，或不能持續，如開始時有幾萬，但旋即跌到幾千，或者人多而不癱瘓中環，事件影響較細。好像美國的佔領華爾街運動那樣，有不少群眾長期聚集，但無實質影響。例如到時有幾千人長期聚在添馬政府總部外，但既不阻交通，亦不阻政府開工，政府很大機會不會清場，任由示威者長期在那裏。這樣一方面逼不到阿爺讓步，亦不會對股市有乜影響，可以「威照示，股照炒」。
人數若多 收唔到科
真正有殺傷力的，是佔中運動能不斷動員數以萬計群眾，癱瘓中環，政府就不易收拾局面。有人話示威阻街可以拉，甚至搵志願軍幫手拉，我覺得呢啲想法較天真。香港警察只有3萬多人，唔好話示威者有5萬，有1萬都拉唔得好多，因為無可能將3萬警察調晒去中環，即使唔畀差人放假調一半過去，都只係1萬幾人，示威人數隨時多過警察，無得就咁拉，只能驅散。全世界都係咁，警察出水炮車，出催淚彈，趕人走，頂多只是拉一部份帶頭搞事者。
雖然不時有風聲話搞到亂會出解放軍，但駐港部隊只有8000人，論人數幫唔到乜嘢，當然真係大亂時可以從內地調人落嚟，但若非逼不得已，阿爺不會行到呢一步。而且老外就係想影到一幅解放軍進駐中環的相，用嚟證明香港的一國兩制玩完，阿爺照計唔會咁老襯，若非到最危急關頭不會出解放軍。
若然泛民真係不斷動員到大量群眾上街，今日趕完，明日又來，持續地癱瘓中環以至政府的運作時，股市應該唔慌好啦。我同唔少了解阿爺想法的高人傾過，佢哋估計阿爺出解放軍之前，還有好多招數對付香港，可以停止所有內地旅客來港，可以停滬港通，可以停兩地的各種交流活動，借此震懾香港。可能有人話唔怕，少啲人嚟更好，生活得舒服啲。但做生意的人唔係咁睇，唔好講名店，在旺區開舖開茶餐廳的，由逼滿客變成拍烏蠅，都幾恐怖，唔使一個星期，香港就可以回到2003年沙士的狀況。到時做生意的、打工的就可能頂唔順，發出不滿示威的聲音，香港人就進入一個自己人打自己人的局面。
當然另一個可能是阿爺頂唔順，唔想香港死，被逼讓步，接受晒泛民的要求，讓香港有一個無篩選的普選，讓泛民無障礙地入閘參選特首。
有機出事 作好防備
你要我估佔中好成功時會點，我估阿爺企硬的機會有八成，讓步的機會只有兩成啩，所以局面好吊詭，若佔中唔成功，股照炒，股市無事。若佔中成功，阿爺被逼軟化放香港全面普選特首，亦無事。但如果佔中成功發動大量群眾持續上街，阿爺強硬回應，包括用停自由行、停滬港通那些極端手段回應(唔好提出解放軍了)，股市就會出大事，是典型黑天鵝事件。
咁爆鑊機會有多大，首先估計佔中成功發動大量人群持續上街的機會是五五波，即50%，阿爺強硬回應的機會是80%，即係有40%機會出事，唔係咁無可能。(你唔同意上述每件事出現的機率，可以調整機率計計，例如你覺得佔中能發動大量群眾的機率較低，爆鑊的機會就下降)隨着事態發展，機率亦會變化，好似跑馬近開場時賠率大變一樣。
請不要把上述分析看作抬舉佔中，或反對佔中，或者叫人佔中或不要佔中，這不是政治分析，而是投資部署。結論係可能有三、四成機會爆鑊，不宜太重倉(當然也不應太衝動馬上清倉，大幅抽高時另計)，等8月底9月初佔中派亮牌後，睇得清楚啲先至算。
陸羽仁
袋鼠兄： Sorry! 近期太忙冇時間上嚟。想再請教你：1）投資LIC是否等於投資基金？ 2）請問有乜澳洲股票投資學生宿舍？3）澳洲樓市是否依然很熾熱？你有乜睇法？4）據說退休人士喺澳洲可set up Trust來慳稅？你有冇有關資料？謝謝！（我廿幾年前住過澳洲）
Eric兄，袋鼠想補一補充昨日一段。水兄所提出原意，基本上係用政府物業資產收益，用作收買人心，近乎澳門派錢。不過講講吓講埋MPF、退休保障，這本質上已經唔係剩派錢，而係一個公共計劃。
無論係政府派六千蚊、綜援、全民退休保障，又或者係打工仔自己的血汗錢，在香港結果多數都係俾晒馬會、地產霸權、零售霸權、或金融大鱷。
「撑張融，反中央」(FB傳閱某新聞片)…… 搵啲蛇糉餅齋、西環飯盒，上面啲大佬呾搞呀，以後反對佔中都會被定性為西環做事，溫和派講中肯嘢嘅人，點樣出聲而又唔會被指為出賣香港！
或者大陸真係想俾啲激進派玩到陰乾香港！
To Buddaau, (原來你是咁願做撈底的人)
起來！咁願做撈底的人們！
把我們的血汗，築成我們新的長城！
cooooool哥破位到了最危險的時候，
每個人被迫着發出最後的吼升。
起來！起來！起來！
我們萬眾一心，
冒着大戶的沽貨，買進！
冒着大戶的沽貨，買進！
買進！買進！進！
我覺得中央唔會強硬接管香港, 因為香港股市係內地資金的窗口
中央會讓香港繼續內耗, 香港會慢慢凋零, 同時培養前海, 上海自貿區等取代香港, 甚至係這些地區用香港(或其他)法律. 因為宜家珠海橫琴的澳門大學擴建部分係行澳門法律, 所以唔係冇可能
Agree小貓的觀點
認同係既有的框架下, 爭取最大利益
國內媒體不也是經常打'擦邊球'嗎?
好似759阿信屋開頭也被超市打壓, 但窮則變, 變則通
可能我經常係基層打滾, 為了生活, 好多時忍氣吞聲, 所以睇陸sir專欄, 希望靠理財達致財務自由, 雖然長路漫漫, 但總好過怨自己點解唔係富二代
適當時出聲係需要的(如反對廿三條), 但唔係逢中必反
我只是有時睇唔過有人係職場上, 為搵食做奴隸, 但對政府就忽然正義上身, 將政府變成發洩對象, 佢地應該對事不對人, 而唔係做'雙面人'
To:袋鼠
re:小貓，你講嘅嘢，係好多講阿爺點支持香港經濟講得好口響嘅人，經常忽略嘅事實 (re: 昨夜袋鼠插某啞婦專欄評論員)
-------------------------------------------------------------------------
您個篇留言我有睇,也認同您。
中央支持,唔代表唔駛做,而且仲要搵命搏先可以分享到經濟成果。
但如果無咁既氣候同雨水,做到死都唔代表可以種到糧食。
我是很現實的人,自認無和大氣候作對的能力,只可以看天氣種田,爭取種到最好的收成。
我都唔想做奴隸...但為了家,為了孩子,做老闆的奴隸,做顧客的奴隸,罵不還口,笑面迎人,大家都日日做架啦~為家人而甘為奴者不可恥。
水兄，Stiglitz及Piketty都提及過，亦有數據支持，每一次經濟衰退，貧窮階層受害最深，亦是加劇貧富懸殊的時刻。論點睇完書先至再寫。
其實我想問吓，『泛民』這個字其實十分含糊，留言是否應分辨清楚不同人馬？今時今日要分清激進攪事派、溫和妥協派、與及唔知做乜派；因為見你地講領匯上市，除咗鄭大班，而家有份激進嘅大嚿都係當時有份提出司法覆核，當時泛民之間意見都已經有明顯分歧。
小猫，
经济从总体看不差，但分配方式在变化。每次金融/经济危机，都是财富整体上从穷人流去富人。这些年经济到底好不好，我从公司的收入上看不出来有好，港铁平均5.25%还要闹，我们公司拿到A评级的优秀员工都没那么多。但看市面的人流又觉得大家的消费力都很强，所以有些困惑。
现在大概每个阶层的人都会觉得自己是弱势群体。
低收入的因为基尼指数高，所以对物价上升特别敏感，而没有考虑其实收入上升的比例远高于中产。
无壳中产对租金大幅上升的痛苦，会认为加租的金额远高于街市日常加价。
而有壳中产自住楼也纸上富贵不能卖，反而管理费/教育费一路跟最低工资加远高于自己的加薪幅度，更觉得香港社会其实根本无力承担最低工资之类的福利化。
以上总总，导致社会各阶层肚子里都积累一股怨气，谁都觉得自己没有分享到经济发展，甚至自己的那份饼被其他阶层侵蚀。这个时候，一个不作为的政府+一个挑动矛盾的立法会，正和市民的怨气构成一个负反馈不断强化社会负能量，侵蚀理性思考。
2hit6兄，
先申明我从来不是“反普选”。我的基本观点是，为追求虚无缥缈的东西导致政经动荡，最后还是普通民众自己承担，政治需要求同存异的妥协。
香港一人一票选特首的普选已经有了，而公民提名对我而言是可有可无的，只要选举委员会1/8或者1/10能够推举候选人，我就相信北京无法在候选人这一关上一手遮天（我相信这是大多数追求公民提名的普通人的主要担忧），能够得到公民提名的人选，在泛民内部竞争之后，也一定能得到选举委员会提名。泛民不会连这点信心都没有？在此背景下，强硬非公民提名不可，就是逼和北京一拍二散，要把水彻底搞混。所以如果要争取民主，重心应该放在压低选举委员会提名权的门槛，而不是另起炉灶。
至于占中之类，更加是某些人为一己私利，准备流他人之血。本质上，他们的目的就是要把事情搞大到无法收场，所以和平只是口头和假装的，没有流血和暴力怎么会顺他们的心愿？
二hit六兄，雖然唔知，不過袋鼠而家諗諗吓，已經好好笑
『若果數百年後, 歷史告訴後代…』
小貓，你講嘅嘢，係好多講阿爺點支持香港經濟講得好口響嘅人，經常忽略嘅事實 (re: 昨夜袋鼠插某啞婦專欄評論員)
To:二打六兄
re:其實香港現時的經濟狀況實在不差, 反政府勢力聲勢如此大實在奇怪至極.
----------------------------------------------------------------------
雖然最低工資後,低下收入家庭收入上升不少,但低價生活必需品,因租金,人工,內地供應價額原因,升幅更大,實則生活水準是下降了。而且下降很多。
大家如果生活唔錯,出開街食,或者食開都係質素ok的飯菜,可能唔太覺物價升得太多。如果有去開街市,不難見到好多低價菜肉的價格比4~5年前升左50%~1倍,可能這可以解釋為何社會上多左咁多聲音。
水滴兄,
有很多不滿泛民以及反普選的人, 都很常說跟你最後一句類似的說話.
但, 民主選舉, 以至民主精神, 目的從來不是選一個明君賢君, 選出來人民就可以坐享其成. 而只是排劣, 將做得不好的人踢走. 另一個更差? 沒法, 自已投票自已受. (好似講緊奧巴馬. HAHA)
其實香港現時的經濟狀況實在不差, 反政府勢力聲勢如此大實在奇怪至極. 這些當然可以歸究"外部勢力", 但除了這個四字萬能KEY外, 689的施政, 聽意見方式, 鼓動社會對立等等可謂"功不可沒".
(若果數百年後, 歷史告訴後代:689其實是外部勢力派來的. 唔知到時D子孫會唔會笑我地蠢,咁都睇唔到呢)
To:rebeccali
re:Since you seem to be so supportive of the chinese govt, I am making a suggestion that you should live in China which could be a more suitable place for you. If you think that it's 暴力,用暴力去限制別人的思想, there's nothing I can help.
-----------------------------------------------------------
嗯...問題是在閣下開頭第一句
"To: 願做奴隸的人們 such as 小xxxxx & wxxxxxxx"
無法確定閣下是粗心大意,處事不夠嚴謹,還是"係都唔認錯"的那種小人。
這幾個中文字在閣下整篇英文留言中,是十分容易看到的,
嗯...還有一個可能性,莫非在閣下的中文理解中,說別人是"願做奴隸的人",是一種讚美?在下學歷雖然可能沒閣下高,但自問中文理解能力還是有自信的,如果真是本人理解錯誤,那說一聲sorry了~haha~成日話您們想多左,原來自己都咁敏感,想多左啦~哈哈~
講返如果閣下只是一時大意,寫論點時太激動,所以用了不適合的字眼,這在辯論中是經常發生的事,沒甚麽大不了,以後謹慎些,注意一下尊重別人,那麼您的觀點即使不能獲得認同,也會得到更多人的理解。
相反,想以羞辱別人尊嚴和身份的稱謂來人身攻擊,這就是言語暴力了。如果能仍然理直氣壯地認為自己絕對正確,嗯...這也是閣下的自由~
畢竟並不是每個人的智力都足以處理正常的邏輯思維 there's nothing I can help.
p.s.最後那一句講笑姐~歡迎您多d和大家分享觀點和意見,不同的意見只要互相尊重,大家都能得益。這才是言論自由
子彈兄,
唔止泛民, 係任何有政黨牌頭既人都唔得. 建制派有樣野說得很對, 香港人要有大局觀. 學下由成個中國咁大既SIZE睇野, 習生如果比左曾主席或者徒弟李星星做特首, 簡歷寫前民建聯主席---"這樣不行" (用國語讀)
事實上, 建制, 飯文, 以至港人都比較受的, 又真係只係曾主席...唉...
政府主导市场一定导致低效和不公正，但自由市场不等于放弃必要的规管。
看起来这些简单的辩证法香港政府都未学好。一方面不知道以契约精神保护商业机构，反而变相挑逗商界和劳工界之对立。另一方面不执行正当的规管，任由金融法律界剥削普通百姓。所以在香港社会整体向上，而新兴资本处于积极向上期和社会整体克制的时候，还看不出问题。到了现在的经济状况，这个政府管理的方式成为发展的“负资产”。
一个无能政府+一个只会破坏不知建设的立法会，是香港的死局。普选解决不到问题，环顾香港没有一个政治人物有能力和魄力带领香港。
2hit6兄,
其實如果泛民做特首, 一定會非常大鑊. 到時香港人多數會轉軚, 寧願北京派個官來. 不過好可惜, 呢樣野始終係阿爺既黃腫腳, 唔講其他, 特首出席六四晚會, 點搞?
都唔見得而家市民對政府零信任會對香港好，如果共產黨為香港好，就俾泛民黎做特首，俾班市民見識下泛民執政既威力。
你講既可惜都算對了，但係以共產黨既強硬，寧為玉碎不作瓦全，我搞死香港都唔想俾機會你班泛民，結果泛民睇中共產黨個死穴黎抽油水，共產黨又心諗由得你抽，卒之成功實現而家既政局Equilibrium。
我經常講笑，有日共產黨話叫AV仁你上台做特首啦，我估AV仁會即時一褲濕晒，宣佈退出政界添!
LAST BULLET 兄
領匯既例子, 正正說明當年白鴿民主派既"角色". 佢地自已計數, 自已既支持者, 一個TYPICAL 既泛民選民, 是香港土生土長, 擁護自由市場原則, 信奉市場無形之手一套, 會投資. 政治上信奉和理非非, 唔會做流血抗爭, 鄙視"阻人收工", 和平遊行集會就OK.
所以佢地唔會反對領匯上市, 因為當年政府SPIN 佢地, 係因為房協SARS 時期赤字, 要賣資產以繼續提供服務. 上對中產有交代, 下對基層有借口, 點解唔做呢? 佢地睇唔到, 一個自由行令香港無死場. 到而家人太多, 趕絕小店, 自然就係另一個TONE了.
其實如果泛民做特首, 一定會非常大鑊. 到時香港人多數會轉軚, 寧願北京派個官來. 不過好可惜, 呢樣野始終係阿爺既黃腫腳, 唔講其他, 特首出席六四晚會, 點搞?
香港政棍的前世今生:
幾位BLOG 友都提到飯文政棍並鄙視之, 其來有自. 主因其實只得一個, 就係因為佢地心知肚明有政黨牌頭的人, 包括親政府政黨在內, 都無可能有執政的一天. 無得做, 剩返既功能就係反. 佢地知道自已只係扮演反對的角色, 所以就做好一個戲子的角色. 選舉時有多少人留意政綱? 無. 因為其實選民自已心裡明白, 我選何鐵頭入去, 只係想有個"反對派"制衡政府, 我選長毛, 因為我好不滿政府, 想佢幫我掟蕉. 話佢地政棍, 但佢地正正係PERFORM 緊選民想佢地做既功能.
咁對選民其實都好緊要既非政治野, 例如經濟?教育? 福利開支呢? 選民心知選邊個都話唔到事, 全部都係政府同地產霸權霸哂. 最高工時令老闆百上加斤? 最低工資加最高工時成日嘈, 只因天價商舖租金冇人可以郁. 恢復必修中史科? 連BLOG 友都知搞唔掂六四點教, 點回復? 馬頭圍道式舊樓會冧, 但做左又冇掌聲, 咪一齊唔記得囉. 政府四面楚歌, 新界土豪僭建多三幾層, 算啦. 大家唔記得囉. 飯文記唔記得? 記得, 但選民善忘, 而且粉嶺高球場, 我有份打架嘛, 你攞我個場起公屋? 梗係拆你間屋先啦.
在外國, 選總統其實係選其治國方針, 例如共和黨對同性戀議題等比較保守, 施政比較有利中上階層, 老闆級等. 民主黨則比較重視普世價值等. 而我地, 只能揀朱古力味既SHXT, 定SHXT味既朱古力.
Eric兄,
要得講白都冇計，因為現今好多所謂既泛民支持者都仲係唔明白果份深層意義，聽到話佢地「搞搞震」就會條件反射起晒鋼，之後發爛渣話由得香港俾共產黨玩死啦。
佢地唔明以現今既香港政局，唔係俾共產黨玩死就係俾班飯民政棍玩死，跟本兩者一樣咁可惡。
講起領匯又係一肚火，我自己當年都支持鄭經翰去反對上市，又或者政府需要制約領匯變成一隻怪獸，點知當年俾另一班泛民話「阻人發達」，香港市民又見錢開眼，於是鄭經翰慘變「鄭痴漢」，最後領匯上市之後點樣趕絕小商戶果D唔講啦....
最後當年支持領匯上市既，而家變晒頭號反對者，日日鬧領匯霸權，市民又跟住鬧，呢班友好似唔記得，當年自己係幾支持領匯上市，好喇，袋左錢喇，就變臉走去反。
真係好醜惡，你支持得佢上市，就預左佢會改變公營機構咁樣既運作方式，一定會尋求最大利益去剝削商戶架啦，要不唔好發展你唔袋錢，要不你袋細份，領匯袋大份另加接受佢「為股東利益最大化」咁樣既運作模式，邊有得兩樣都要咁賴貓?
賣港求榮既香港人太多喇，就算最微小既一個市民，其實骨子入面都係賣緊港，一單領匯已經揭晒底牌。(我唔係話支持領匯上市就係賣港，而係想講你當年接受得領匯上市，就預左佢會變成一隻怪獸，唔好一邊袋錢一邊又響度扮聖人)
而家個政府半癱瘓架喇，乜野都只能夠夾硬黎，普羅市民已經完全唔信政府既所有政策。換人啦，最好換個泛民上去執政。
香港人連「莊敬自強」都唔識，唔係英國人當年撚化少少你地，你地今日咪一樣響旺角街頭同個小朋友「清理便便」咋。
袋鼠之前的確反對派錢，主要反對澳門那種從財政經常賬派錢出來，而之前講派俾馬會、地產霸權、零售霸權、股市大鱷，當時袋鼠係計緊將老本(儲備基金) 派出。
但係如果係有計劃地成立一個基金，是有很大分別的，一來與政府經常賬目劃清界線，二來亦只係派出基金收益，不是派基金老本。但無可否認，啲錢亦最終好大機會去晒馬會、地產霸權、零售霸權、股市大鱷，這是一方面要政府在競爭法及金融監管方面著手，而另一方面，個人的愚蠢，只能說這是人民的自由。
PS (13/07) 呢度講緊嘅派錢，係以全民退休為目標，唔係澳門啲無目標咁派
水兄，隧道經營權好似就嚟到期，捱多幾年，唔使浪費納稅人啲錢 (啲經營公司利用加價及三條隧道交通流量分配不均低效率，想政府用高價回收經營權)。不過到時隧道收費定價依然有政治及民生問題。
PS 領匯無謂再考慮嘞，唔值得用納稅人錢買番轉頭。
此外，因為而家政府擁有的公共事業，收益都是已經入賬，再用於其他政府日常開支，所以如果用於全民退休保障、或其他財富轉移(例如綜援)，便要削減其他服務 (包括醫療及教育 - 其實呢兩樣，都係一種『機會』形式嘅財富轉移)。
但從你所講，其實可以學新加坡攪淡馬錫，澳洲都有一個未來基金 (但只用作公務員長俸/退休金)，以你提及嘅公共產業為基礎 (例如五隧一橋、郵輪碼頭)，每年一步一步加碼 (而唔係好似激進派班友話一次過投入… 成五百億？)
我記得財爺好似有提過類似嘅基金，只不過佢係用嚟支援日後政府開支，而不是使用在全民退保。
其實最好強積金，default去盈富基金或交由金管局，甚至乎直接供去全民退保，只不過正正因為會慳番市民好多錢，損害既得利益，一定會有好大阻力 - 多數又係用番『自由市場』、『政府應該積極不干預』之類為理由，供款應該係供去既得利益操控嘅市場，而唔係全民退保基金。當然，佢哋會同時忘記，供款俾佢哋過水濕濕腳嘅機制，已經係政府干預嘅結果。
水兄你好，現實歸現實，理想歸理想。你說的建議，理想是很好，但現實是不可能。
首先，政府如果買領匯，我是無任歡迎，因為我都持有唔少領匯。但卻有人指責，政府低賣高買。至於買兩燈等股票，有人會指責係官商勾結。
至於MPF供低收費ETF，也會人話政府偏幫，甚至質疑有沒有台底交易，官商勾結等。
如果話直接送錢，正如袋鼠講不如直接給馬會，地產商等，因為最終筆錢都會去左個度。
因為政府而家做乜，都有人反對，好人難做！
子彈兄你好，唔好講得太白，飯民除了叫叫口號，做下show，仲識做乜？
一但香港實現普選，就會無得撈。
袋鼠兄，
提醒得对！
转一个思路，用政府控股企业来作为全民养老，政府的股份全部注入一个养老基金，但政府的股权只能收息不能投票干预公司的商业运作，好似地铁、领汇这些公司，甚至可以政府偷偷买一些港灯/中电/煤气/粤投（水），或者回购几条收费隧道后，一起注入进去采取被动化管理给老人家养老，普通市民就会多一些商业和契约精神，认真去想如何搞好经济，不会为反而反。社会气氛会好很多。
前一段政府搞什么MPF改革最终还是提供一个收费颇高的Default计划，其实以香港的MPF规模，基金局自己开设一扎类似Vanguard或者嘉信的low cost ETF无难度，如果怕麻烦，直接一揽子计划可以买盈富+ibond+V/S记那些免佣低费率ETF，都一定好过益班MPF芬佬。可恨我的MPF月月还要买那些1%费率的恒指基金，真是赤裸裸的打劫无人管。
子彈兄，講得有邏輯！
不過袋鼠都仲有點希望 (雖然已經融入外國，但都想香港好)，有部份泛民係會想合適妥協，爭取為香港做一點事 (最少上次袋鼠投票，相信自己投票給那兩個人)。只可惜而家大氣電波被你所指的派別佔據… 老實講，打工仔都做到半條人命，返屋企睇新聞，見到啲激進熱血沸騰嘅場面，剌激一吓腎上腺，好過睇埋啲講理論、妥協吹水會、蓋眼瞓、無收視、無廣告？傳媒唔俾激進派時間，俾邊個？
水兄，假設領匯未上市，與其分配股權，不如將其每期收益，按身份証冧巴分配。分股權，好多市民可能都會即刻賣出套現，又或者被金融機構啲存倉費侵蝕，市民死咗又唔可以攞返嚟再分配，失去長遠效用。但另一方面，股權若然留在在政府手，又可能有應該收租戶幾多租嘅民生/政治問題。 (即時只係想到呢幾點問題，應該還有其他細節問題)
袋鼠而家搵緊時間睇Joseph Stiglitz同埋Thomas Piketty嘅書，睇吓有無著落。
不過在討論貧富懸殊、社會資源分配，好多時都只係集中在收入，經常忽略了接受教育、妥善醫療的機會、生活環境、法律支援，這些不容易以金錢量化的事物，亦是應該要考慮的項目。(當中有部份，香港政府係分配得幾好)
例如成日講『識人好過識字』，你話兩個後生仔，一富一貧，機會如何？這是『機會懸殊』？
另外，袋鼠覺得亞洲金融風暴，對香港政府打擊好大，加上董建華不願放手管治，佢啲班子又唔覺得有料到，民怨與施政進入惡性循環，最終以唔做唔錯為施政方針，延伸至曾蔭權年代。
Eric兄, 鼠兄, 依家兄,
飯民冇諗過妥協我覺得仲有另一個深屠意義，小弟呢幾年越黎越唔鍾意飯民呢班政棍，如果話政棍既意思係只係搞搞震我覺得都解釋得流於膚淺，香港政棍既深層意義就係安坐做一個反對派，冇任何做執政黨/執政分子既打算。
係人都知從政梗係想有權力制定政策同方針，但飯民呢廿幾年黎，除左安坐立法會做佢既反對派仲識做乜野? 佢地廿幾年走來，連一個專門研究政策、針對民生既設既機制/部門都冇，我敢講句，如果共產黨大開放，叫佢地一年後響香港執政，佢地連準備都做唔到呀。
我膽敢講一句，飯民果班老屎忽連執政意慾都冇，只係想安坐呢個立法會之上「長治久安」，你睇下飯民既第二梯隊薄弱到不堪入目，就知佢地根本冇心打長久戰。厚黑學咁講，佢地心底深處其實寧願你共產黨繼續咁派人落黎做特首，繼續搞小圈子選舉，繼續唔認六四，繼續折磨D維權人仕。
你共產黨唔搞呢D，我點做反對派響立法會個個月袋十幾萬又唔使背負政治責任?
係呀，我真係講得好黑，但係對一個廿幾年毫無進步，連執政意慾都睇唔出既所謂大黨，我除左咁諗，仲可以點假設?
其實，成個立法會都係建制派，都係共產黨一份子。
袋鼠兄，
其实讲开香港经济，我来香港也有10多年了，对香港政府的经济发展策略还是一头雾水，换言之完全看不到政府除了口头上说几大产业外，有什么实质行动。搞来搞去，还是金融市场+卖金药包妆。这十多年不进则退，香港的整体财富没有增加，根据有钱人永远会越有钱的财富效应，只能通过更改财富分配方式来达到。所以香港和内地经贸合作的好处，越来越集中在少数人手中，加大了社会分化。
假定旺角上水那些旺铺都是领汇所有，而政府再将领汇股权全部均分给普通市民，人人都可以季季派息从自由行的商机中直接获益，反经贸合作就是让自己的银包瘪下去，恐怕很多无聊的政治争论可以迎刃而解。
Rebecca，請妳睇番自己第一個留言，第一句寫乜先啦… Let me put it in plain English: First impression counts! Unfortunately, I am afraid you have failed that one. 跟住兩段都唔係好得幾多。
Wingzero留言中一段只係轉載，袋鼠只插原作者，另外兩段，袋鼠更正一段 (移民外國嘅人，有好多好似袋鼠會融入當地社會，怕出聲多數係老一輩 - 老一輩習慣咗自我審查？)，佢跟住回應袋鼠時嘅內容都係講道理的。網友之中有幾位嘅立場，其實同Rebecca妳嘅立場接近，唔知妳有無妳自稱咁老，但唔理妳有幾老，都有妳可以學習嘅地方。
唔知Rebecca妳嘅觀點，只是來自激進派口號形式薰陶 (十分之樣辦式… 同國教洗腦無分別)，定係有親身經歷共產黨嘅歷史**，如果係後者，真係老到見過三反五反、民革批鬥，或者無咁老而又有置身北京學運，不如直接分享吓呢啲見聞，讓網友得益。
**袋鼠坐過一架的士，個的士佬七十歲左右，由旺角至袋鼠住所，每半分鍾就問侯阿爺一次，但同時講故仔俾袋鼠聽，講大陸以前啲批鬥點殘忍法。(其實講呢啲嘢，係揸的士嘅大忌… 不過有故仔聽，袋鼠就無乜所謂，信就信住七成先，因為都在其他途徑聽過類似故仔)
陸sir, 在下超級同意老師果句 “
政客把群眾動員起來，做他們自己想做的事” 更大鑊既係，如果群眾動員起黎，最終掙取到既係傷害自己既事，又點睇？例如真係比係公民提名，結果選左另一個貪憎出現黎，將來樓價跌少少就腰斬依家所有賣地起居屋得措施，結果會點？依家香港需要一個兩邊都唔幫既人出黎，詳細討論一下依家香港既處境，等香港人思考下到底發生咩事，呢樣野本來應該由傳媒去做，不過依家d傳媒统统靠晒邊，有晒立場，咁就冇得分析啦
中銀月供價: (於07月11日)
291 21.65
688 20.25
2318 59.45
2800 24.00
3188 27.45
3968 14.82
Rebecca Li:
Bud兄留言無錯，唔通你可以代表地球人嗎？最多只可以話，我代表自己同埋朋友，但唔可以話你代表香港人(包括Hongkongers)喎？邊個選你做香港特首？
千祈唔好開口埋口話香港人覺得A, 香港人覺得B。
你只可以話我覺得。
仲有人間無樂土，有邊個地方政府無問題，你住係北歐，你就會嫌稅重，你住係美國你就怕槍擊，你住係香港你就會嫌生活成本高。現實是地球無一個地方是好的。
所以千祈唔好用一個你形容天堂的case同埋地獄的case比較，因為世上天堂是唔存在的。好人不一定有好報，壞人不一定有惡報，這就是現實。
To 袋鼠：
飯民根本就無諗住妥協，他們要求的是一個“完美方案”，這個方案連美國都做唔到，因為美國根本就是由一小部份精英階層統治(Rothschild，Rockefeller, Adams, Roosevelt，Kennedy，Bush等家族 )。而家局面發展成o甘，我都no eye see。
世界首富並不是Bill Gates ，或者是股神，而是Rothschild家族！
rebeccali 11/7/2014 3:31:05 網友在此的回應
To: fly仔 & kym
Well said.
To: 願做奴隸的人們 such as 小xxxxx & wxxxxxxx
What you have written really make me sick. China is the best place for you to live. Go back and enjoy a corrupt government, your land being seized, freedom of the press and freedom of speech being seized....., etc.
Since birds of a feather flock together, you should be able to get along well with the mainlanders. Unlike Hongkongers, they would definitely live up to your expectations.
袋鼠：you have a good weekend, too!
2014-07-11
Dow Jones Industrial Average (^DJI)
16,943.81
28.74(0.17%) 4:30PM EDT
To: buddaau
Thank you for teaching me "要識尊重人....."
By saying "唔好以為你就可以代表所有香港人! 你係邊位?", you didn't seem to have respected me either. I don't represent you, but I still have the right to represent myself. Hope you are not depriving me of this right.
People love to judge others and hate being judged.
I don't judge others, therefore your offensive words are welcome.
When I say your comments make me sick, I'm telling you my feelings, not insulting you.
Since you seem to be so supportive of the chinese govt, I am making a suggestion that you should live in China which could be a more suitable place for you. If you think that it's 暴力,用暴力去限制別人的思想, there's nothing I can help.
You said "論到您認為香港很快就會被內地同化,失去言論自由和司法獨立的觀點", of course this would not happen in one day, it could take years, time will tell. I'm old, I might not see this happen, but you might.
rebecca，睇巴士的報啦！
To: wingzero
I totally agree with you. I never liked 泛民主派 but 建制派 is even worse. Who could I depend on? It is this kind of helplessness that I/we are experiencing.
Moreover, the stance of many newspapers, though still pretending to be neutral, has subtlely changed to "the left". I hate Apple Daily but if I do not support Apple Daily, which newspaper will speak up for me?
After seeing the issuance of the white paper on the "one country, two systems" policy , and the brutal approval process of the "northeast N.T. development project", I can assure you that there is no room for negotiation because the chinese government has shown its bottom line. Of course, it will keep lying to you first but all nominees will be like C Y Leung. HK will gradually be changed to just a Chinese small town with no difference from any other towns in China. We could not stop this from happening.
I'm retired, I don't know how long I'll live, but all of your are still young, you still have a long way to go. At this stage, I could only wish you the best of luck.