有壓力
2014/07/11 10:11:27 網誌分類: 生活
上星期已發現哥哥坐過的地方有啡色的印,但見牠的精神並無異樣,最初還不以為意,直至前日牠頻頻上廁兼帶有血絲,嚇得我魂飛魄散。上網搜尋「貓咪小便帶血」,映入眼底的盡是腸胃不佳、生腎石、膀胱炎等令人擔心的字眼,於是急急帶牠看醫生。 醫生將哥哥由頭摸到落腳,尤其肚仔部份,面帶疑惑說,貓咪咁後生,不容易有腎石或者腎衰竭呢,之後再檢查牠近膀胱附近的肌肉,發現也不是尿道狹窄引起閉塞。搞了半天,醫生宣佈:「牠有壓力是吧?」 我和哥哥對望,有壓力?真的嗎?牠有甚麼壓力?醫生解釋,有些貓對環境十分敏感,但凡轉換新地方、新食物、新貓到埗,都會引起貓咪不安,牠表達壓力方式之一,便是上廁不暢。 他叫我先觀察哥哥多幾日,吃些止痛藥,如果再有血,就覆診。 帶着疑惑回家,隻衰仔竟然又真的無緣無故停止了血尿。我拍了牠貓頭一下,幾乎畀佢嚇死呢。又或者,說不定是我呢排的巨大壓力傳染了牠吧?係就認真唔好意思啦! 關慧玲 |
有壓力
下?佢不在啊?佢只來了三日,唔通掛著佢??
哥哥d壓力會唔會係來自蘇菲小姐?