韓劇_觀後感

近年韓劇可以算得上稱霸亞洲地區, 在於佢地嘅劇種屬於[夠膽死]去嘗試! 就好似呢套[異鄉人醫生]可以用政治陰謀作出劇情細節分流, 利用四角戀同兩名天才醫生喺誤會成殺父母仇人之下, 一而再再而三咁比拼醫術. 到最後將誤會釐清後, 聯手粉碎政治陰謀, 順便報埋大仇, 結局喺轉折卻又扣人心弦!

香港得一間HK_TVB制作埋一堆又一堆比視迷評為垃圾嘅劇集, 至於另一間名存實亡嘅HK_ATV仍然久延殘喘死唔斷氣咁自稱自擂喺良心電視台, 整晚喺黃金時段之後逼觀眾睇完一次又一次嘅重播, 仲要死撐話喺最好嘅選擇. 兼且, 重播率喺亞洲地區仍屬低數字, 實情可以被廣大亞視迷有多一次重睇!

如果, 呢個局面維持唔變, 咁樣香港電視行列可以被形容成腦幹死亡! 縱然有維生儀器幫助呼吸, 而事實上經已陷於植物人狀態. HK_TVB直情將全港電視迷當成植物人一樣咁看待, 喺基於植物人冇自主能力. 所以, HK_TVB將一堆垃圾節目充斥黃金時段, 理得你鍾意睇又好, 唔鍾意睇都好, 一於少理!

點似得韓劇願意投放大量資源! 唔好理韓劇有冇犯駁, 最低限度人哋夠膽死嘗試. HK_TVB識得乜? 除咗抄橋又犯駁之外, 用低到唔低嘅人工去請埋一啲唔入流又冇人生經驗嘅年青編劇, 攪唔出有一定水準劇本! HK_ATV又死唔斷氣, 又唔肯發奮圖強, 只識得成日出口術, 講到自己天上有地下無!

好心香港政府真喺認真咁考慮下發個牌比王維基? 起碼人哋真喺攞個心出嚟攪電視, 同希望能夠振興行業! 好心HK_ATV一喺執咗佢, 又或者賣盤比王維基, 或租用頻度比佢播電視節目, 好過自己對千禧年以後嘅電視史嚟講喺爛車擋路! 好心HK_TVB學下韓國投放多啲資源, 如果唔喺, 就唔好做大佬!