殺人中文?

有小報專欄以[殺人中文]作標題去寫有關今屆文憑試考生未能入讀大學, 喺由於中文肥佬咗, 內容點題講到[…但中文達不到三級水平, 因此無緣進入大學]; [如果中文科合格的話, 這些學生好大機會入到大學, 他們純粹給中文科殺死…]等言論, 講到某啲考生入唔到大學, 中文科喺罪魁禍首? 咁講法似乎欠妥!?

跟住內容又兜嚟兜去, 一時話父母輕視中文科; 一時話中文科阻人入讀大學; 一時又再強調人哋入唔到大學, [中文科就係這種殺人科目]! 對於呢篇文章一時一樣, 嚟嚟去去將個罪名交比中文科, 呢種言論似乎不負責任! 如果換個角度去講, 一部份原因喺有關當局出嘅中文科題目實在太難; 一部份原因喺中文科

老師要承擔某程度上的師資責任; 一部份喺學生對中文科嘅興趣同理解存在一定問題; 呢種講法相信廣大讀者會容易接受! 如果單單指責中文科喺殺人科目, 咁請問喺由邊個一手造成呢個現象? 而家又喺應該搵邊個嚟揹飛? 唔通搵唔識出聲嘅中文科呢三個字去承擔罪名? 當局出乜嘢題, 中文科可以反對咩?

筆者對呢類專扣人帽子嘅內容有欠公允感到無奈! 搵人頂罪, 要搵個識得出下聲, 可以申辯一下! 淨喺識得搵唔識出聲嘅中文科受晒罪名, 唔通當局冇責任嘅? 唔通師資冇責任嘅? 唔通考生冇責任嘅? 唔通只有啞嘅中文科先至有責任嘅? 講嘢唔該中肯一啲, 唔好一味將個波喺又射唔喺又射比中文科先至得!