爆笑化驗
醫院要病人留糞便或尿液樣本,用來做化驗,本來非常平常,也經常會做,但間中也會發生一些趣事,令人啼笑皆非,以下講的是真人真事,如有雷同,實屬巧合!
事件一
護士: 麻煩你拎呢D個樽,入去洗手間度留個小便樣本,然後出黎交給我,要 留中段小便,頭尾少少就唔要。
病人: (貌似明白) 好。 (數分鐘後,病人從廁所度出黎)
病人: 留左喇姑娘,你睇下夠唔夠。
護士: 下?點解樽小便係藍色嘅?
病人: 我一痾落去,就變左藍色喇。
護士: (諗左幾秒) 你係咪痾左落個廁所度,然後再「畢」返D廁所水上嚟?
病人: 係啊,唔係咁做咩?
護士: (已經唔想再理佢) 梗係唔係啦,系直接痾落個樽度!我再俾過個新樽 你,去洗手間度再留過啦…
(註:藍色的廁所水,應該系加左入沖廁水度,常用的清潔劑)
事件二
除左驗小便,驗大便亦常見,大便唔係話有就有,所以有時會叫病人返屋企搞掂完,再交番D大便返嚟。醫院當然會俾D專用嘅樽仔,俾病人裝D屎,不過總有D病人唔聽話,系都要用自己鍾意嘅千奇百怪的器皿,例如面霜盒、汽水樽、牙簽筒等,種類各式各樣,總之無奇不有,護士也早已見怪不怪。直到有一日…
一個十幾歲,嘴唇上面長有濃密汗毛嘅男仔,踢住對人字拖,嚟到醫院度交糞便樣本。
病人:我嚟交大便呀姑娘。
護士:好 (辦手續) … 你將個label貼上個樽度,然後擰實個樽蓋,再交俾我啦。
病人:哦!… 嗱!
呢個時候,護士簡直唔能夠相信眼前嘅一切。呢位大朋友,遞俾佢嘅竟然係一個 裝滿啡色液體嘅紅色膠袋!
護士:呢、呢袋系咩野嚟架?!
病人:大便囉。(佢個樣完全唔覺得有問題)
護士:(滴哂汗,但仍然保持冷静) 咁樣我地送唔到去做化驗架,你而家可唔可以留多次?
病人:而家冇得去啊…
護士:咁… 我俾過個樽你,你返去再留過啦。記得、記得今次要用呢個樽啊!… 至於呢袋野,麻煩你拎去男廁度掉左佢啦…
究竟,佢係點樣拎住袋咁臭嘅屎周街行,由屋企搭車嚟到醫院,而沿途又冇人發現,真係好想知道…