掌摑四十巴?

喺真唔喺呀? 而家仲興體罰? 計錯數要比間尺打手板? 仲要自摑四十巴掌? 呢啲喺乜嘢老師嚟架? 咁恐怖嘅? 抑或教書教到EQ有問題情緒失控? 如果唔喺, 又點會教書教到濫用私刑喎? 試問邊個老豆老母捨得自己仔女咁樣比人糟質? 如果教書教到充滿怨氣怒氣, 就唔好教囉, 做咩嘢做埋呢啲咁

衰動作, 既令自己冇面; 又令教育界冇面! 就算當事人細個唔識嘢, 我哋都曾經做過細路, 唔識嘢有幾咁閒? 更何況而家全港教育制度出現嚴重問題, 令到學校同家長都無所適從! 身為教師面對壓力, 相信身邊嘅人都會體諒同明白. 至於受壓而進行體罰呢家嘢就勢都喺假! 受唔住壓力, 可以休息下!

到休息番咁上下, 精神同心理同樣恢復正常, 再執教鞭都未遲! 而家攪啲咁嘅嘢, 隨時隨哋連個教師牌都冇埋, 豈不是得不償失! 更何況, 人之患喺好惡哽嘅職業! 既然自己已經揀咗做呢行, 就要敬業樂業做到最好! 掉番轉頭, 如果自己個女比其他老師糟質, 自己會唔會哽得落? 筆者第一個哽唔落!

人要做到將心比己! 當然, 要做到呢一步, 喺要好高修養至得, 真唔喺人人都可以做得到! 易地而處, 將心比己, 通常我哋會用喺人哋身上, 我哋慣咗勸人唔好做乜唔好做物! 當事件臨到自己身上時候, 真喺老豆姓乜都唔記得咗, 仲點會稔到唔好動氣噃! 何況見到細路教極唔識, 忟憎喺容易扯火架!