一日唔死人至喺新聞

今年似乎流年不利! 兩架馬航分別載有近300人嘅飛機, 居然一失踪, 一被粉碎在炮彈之下! 近600名無辜性命枉死, 實在令人好唔舒服! 究竟發生咗啲乜嘢事, 令到國際氣份為之陷入極度恐慌! 記得某年, 同朋友茶聚, 席間筆者突然有感而發, 講咗兩句說話 : [人生無常, 遊戲一場]! 如今稔落, 人真喺好化學架咋!

話咁易冇就冇! 事前任何人都唔會稔到估到, 出一趟遠門, 就要同骨肉至親知己良朋永別! 如果一早知道, 打死都唔會出遠門! 就喺乜都估唔到, 所以似有冥冥中被扯入鬼門關一去不返! 好快趣又到中國盂蘭盛會, 好多傳統教門睇怕會比舊年忙好多, 因為肯定唔少人為枉死嘅做番場法事, 等呢班亡魂安息好好上路.

講到呢度, 耳仔突然泛起一位長者生前同自己講 : 搵到邊一日冇死人, 嗰一日就喺天大新聞! 而家連呢位長者都走咗近三年, 真喺令筆者好懷念佢. 尤其佢所講嘅每一句話, 用於而家, 實在喺一語中的, 絕對冇任何廢話. 稔番轉頭, 真喺好有見地! 縱然我哋唔打開報紙, 都會打開iphone 或ipad或手提電腦去搵資訊!

當睇到國際新聞或本地新聞, 總會睇到報導嘅全部都喺唔好料; 或者喺政治料; 或者喺死人料, 總而言之喺冇單好嘢, 睇到個人都心up! 差不多日日都死人, 只喺死嘅數目有多有少, 雖然素不相識, 始終都喺於心不忌! 或者好似班命理學家話齋, 在劫不在數, 在數命難逃?!? 但喺唔知有冇辦法可以扭轉呢種悲慘命運?