一年內 港澳開騷 小肥圓8年個唱夢
2014/07/21 10:12:27 網誌分類: 娛樂
| 07年由出生地澳門攻港樂壇的小肥（徐智勇），靚聲夠氣又感人，感動唔少歌星。入行踏入8周年，今年1月，小肥終於在老家威尼斯人金光綜藝館舞台舉行處男個人演唱會，多位藝人過江捧場，演出非常成功。下月29日，小肥好歌再Encore，澳門演唱會將移師伊利沙伯體育館舉行一場《依然小肥2014香港演唱會》，延續澳門個唱騷外，更會加添更多飲歌，將小肥最好唱功完全發揮出來，一年兩度開個唱，現正積極修身的小肥興奮說：「等咗8年，呢個係我同Paco之間嘅承諾，好開心可以一次過兌現！」 主持:黃柏高 統籌:林永匡 協力:袁東亮、林書鉉 化妝:YenLai 髮型:BowieLo@Fifth 服裝:MCS 眼鏡:FreddieWood鞋:Palladium 入行近8年，小肥輾轉間在12年重投我懷抱(太陽娛樂文化)，去年出新碟《小歌星》後反應理想，就決定在澳門為他舉行處男個唱，今年8月29日更移師來港，在伊館開騷。 加添飲歌 一年內連開兩個個唱，小肥深感寵愛，正積極養好靚聲、修身備戰香港首個演唱會，他說：「個唱嘅rundown基本上與澳門大致相同，不過有Fans畀意見，問我點解唔唱某啲飲歌，所以今次就會加啲新歌，好似《十二年沒有冬季》和《小角色》等，其實我好鍾意伊館個場，可以同Fans親密啲，音色又正啲，聽聞黃耀明和何韻詩都好鍾意伊館。我希望在伊館起步，下一站係紅館。」 用心揀歌外，小肥亦於6月底開始地獄式keepfit，他笑說：「我?家幾乎日日跑步加游水，唔係要練人魚線，只係要操好體能。我本身係小肥，最多練到半肥瘦囉，唔係為瘦而瘦，只係近排啲新歌《高登歌》和《講呢D》等都係活潑啲，要跳住唱，唔夠氣真係好難應付到㗎。」做運動keep好外形和夠「長氣」，小肥亦要養好身體保靚聲，他說：「?家習慣每朝起身飲一大杯暖水，食一個蘋果，再加維他命C，仲要早睡早起，身體健康把聲自然OK，其實我無特別護聲方法，最緊要夠瞓，最多聽人講唔食刺激性嘢食物。」 游水跑步「半肥瘦」 整個演唱會，我希望小肥以「Gentleman」形象示人，包裝唔需要花巧，以好歌會友。Bandleader仍然係RubberBand的阿偉，嘉賓方面，上次有蘇永康和側田上台力撐。伊館的嘉賓名單，落實有小肥的鄉里兼新人陳慧敏，慧敏同小肥合唱過《自拍》，之前亦曾合作過數次，自然有默契。其他嘉賓名單，小肥就大賣關子：「上次始終隔個海，有家室嘅歌手嚟唔係咁方便，所以我喺度呼籲，上次甩我底嘅朋友，今次好自動蒲頭，唔係無friend做呀！哈哈！」 黃柏高 |
 | |
| |
 | |
| |
 | |
| |
 | |
 | |
| |
 | |
| |
 | |
| |
| |
回應 (0)
我要發表
