joboche1
joboche1
joboche1

盂蘭勝會

2014/07/25 07:57:04 網誌分類: 齋_TALK_廣東話
25 Jul

好快又到七月一年一度嘅盂蘭勝會, 俗稱鬼節! 每年到咗呢個時候, 傳統習俗會燒街衣比已故的祖先及親友, 又會舉辦神功戲嚟款待虛空界各路亡靈. 站喺唯物論嘅科學世界, 前者屬於迷信. 所謂鬼, 本身喺無形無質, 摸唔到掂唔到. 不過, 唔理邊個民俗, 都會相信自己喺有祖先嘅, 唔理有冇信教, 都會追悼.

 

由於文化不同, 所以追悼儀式就各有各做. 一直以嚟, 中國傳統喺以祭奠祖先以表孝思之外, 仲表現出慎終追遠承上啟下呢個大前提, 要做比後人睇, 要做比生人睇. 當然, 生前對在世者唔好, 死後做幾多大形法事, 都已經冇多大意義. 只不過攪手用嚟安慰自己, 以補從前遺漏於萬一, 至於死者受唔受則唔知.

 

講到鬼, 只喺我哋自己內心陰暗面而嚟副產品! 人嘅心可善可惡, 善則為光明為神; 惡則為黑暗為鬼. 與其等到親人死咗至做法事, 不及生前親手執一杯茶或水敬奉, 反而嚟得更有教育意義, 自己又心安理得. 如果, 本住亞Q精神自己呃自己, 到咗夜晚何嘗會瞓得好? 一樣會發惡夢, 原因喺自己心術不正.

 

待人處事有冇過份, 你知我知天知地知! 把口幾硬淨話自己冇錯都好, 都好難過到良心譴責呢個環節, 成日行唔安坐唔落, 食唔甘瞓唔稔! 冇人話自己, 冇人鬧自己, 但喺個心成日形住人哋嘅目光話梗自己鬧梗自己. 呢種喺精神審判, 走到天腳底, 都會如影隨形. 所以話神又喺你, 鬼又喺你, 一啲都冇講錯.

回應 (0)
我要發表
user