遲來的談恤髮

近排忙到嘔茄，都沒甚麼時間寫blog，連恤髮單野都唔記得左寫～

查實，當葉劉出來選的時候，我就講過，陳太今勻真係未選先輸左九成九。無計，本來個勢可以好強，偏偏搭上泛民班友仔，果班人自己都未顧掂自己啦！

但最陰公既係，陳太實在太blue blood，高高在上。出來遊行十幾分鐘就閃人去恤髮，陳太自從唔撈之後，佢已經化身一個「名媛」，名媛，定義上就係不懂民間疾苦，唔捱得，買首飾扮靚緊要過做野，遊行，恤髮，當然係恤髮緊要啦！真係笑話，好笑程度跟當年董太變身董太超人去教人洗手不相上下。

就算她這次沒有去恤髮，距離選舉還有一段時間，名媛陳太總會穿崩。事關，佢本質上係一個blue blood，既不是親中人士的red blood，也不是平民百姓的hot blood。

何來參選，說不定票數比陳太還要多。須知道，今次係港島區補選，港島區好貧富懸殊，淺水灣可以好有錢，可以係陳太D麻雀腳；柴灣可以好窮，可以同何來一樣領綜援。畀著你係綜援家庭，將心比己，你會選名媛陳太定綜援何來？當然，葉劉都好Blue Blood，但葉劉有red blood撐住，剩係小福建都夠照啦，sure win。