袋袋「不」平安

今日先講呢樣嘢，看來有點明日黃花(註一)！

要講嘅係黎生捐款風波！

我唔知係咪人人都明白問題重點響邊？有些人可能會諗：接受捐獻有何問題？保皇黨唔係一樣有接受捐獻！有咁樣睇法嘅人，一係佢思想祇傾向某一面(咁果邊做咩嘢都係啱架啦)、一係佢地唔清楚法例條文！

法例(選舉條例，複雜問題簡單講)：凡候選人在某個選舉中，接受任何捐助，必須要發正式收據予捐款人；同時，在選舉完結提交「選舉經費報告書」時，要清楚例明所有收過的款項詳情(這是收入)；另一方面，要例出所有與選舉有關的支出。如果收入超過支出，餘款必需在指定日期前捐予政府認可的慈善機構。

問題來了，何解黎生的捐款沒有出現在相關候選人的「選舉經費報告書內」呢？咁咪即係虛報、即係違反選舉條例囉！佢地冇報，有可能呢啲錢係多左出嚟(佢地又唔想益慈善機構，選擇袋落袋；亦可能係有好多選舉支出用左冇報(點解唔報？咁梗係有口難言果啲啦)！點講都係唔啱啦！

此外，響任何議會都有明文規定：如個果個會議，議程與議員有利益衝突，必須避席！舉例：立法會議員李國寶，佢係東亞銀行嘅主席兼總栽(一開始做議員便要申報)，日後但凡立法會講到一些議程與銀行有關嘅，佢一樣要避席，以示公允！

依家問題係某些議員收左黎生捐獻唔報出嚟，當講到新聞自由果陣，佢地又幫住黎生果份報紙講嘢(受人錢財、替人消災係冇錯嘅)，咁咪唔啱囉！

到今時今日先講，係想聽吓佢地點樣自圓其說(註二)啫！

笑死人：

解釋一：袋住先！(袋左咁耐收息都夠佢食！)

解釋二：唔記得俾番人！(你試諗吓：如果唔係荷包跌落兜肚嘅，咁大筆錢對方會唔會唔追先？)

解釋三：果啲錢唔係佢袋，係因為果個機構未開倒戶口，暫存響佢個私人戶口。(如果一日未被揭發，咁果啲錢係咪可以永遠咁「暫存」？)

以上三種解釋都證明佢地收左錢。祇不過，睇吓人地認為佢地所講嘅「袋住先」、「唔記得還錢」呢類講法通唔通囉！

解釋四：唔解釋！(係人都知佢地係漢奸，講咩嘢都冇用！)呢啲人持住依家唔係做議員，選舉條例同議會規則都管佢地唔倒。但係有冇賣國，呢樣嘢好似霍小玉話齋：「李霍婚姻不註在姻緣冊，而註在三生石上」，聽其言、觀其行，大家都一清二楚！

解釋五：例牌否認！(不過，鏡頭前所見，事隔甘多日，某議員仲係講到口窒窒！如果真係冇收嘅，就應當理直氣壯吖！)呢個係最正常嘅做法，因為一旦收左人錢就係違法！打死都唔認啦！不過，如果其後證據確鑿的話，便衰多二錢重。

不過，諗諗吓！法例有漏洞---如果黎生啲錢入左落某個政黨度或者議員嘅另一半、再經個黨或佢另一半入落某位議員個袋度，咁議會咪唔知道果位議員同黎生有關係？因為咁樣就唔駛做利益申報！

其實民主嘅好處係可以起互相監察作用---左邊可以檢舉右邊、右邊又可以檢舉左邊！市民有知情權。當日有人公開唐生、梁生、波哥....囤地、僭建都係好事，等大家睇清楚佢地嘅為人；今日飯民果邊俾人揚左啲醜事出嚟一樣係好事，等市民又認清楚佢地係幾咁相重、甚至三重標準---對己寬、對人嚴！

註：

一. 明日黃花：是指過氣的事情，令人毫無趣味。

古人在重陽節時有賞菊的習俗。「明日」是指重陽節後；「黃花」亦即菊花。明日黃花是說在重陽節後賞菊，比喻有失興味，後人於是把「明日黃花」比喻為過氣事情。

蘇軾在〈九日次韻王鞏詩〉中指：「相逢不必忙歸去，明日黃花蝶也愁。」是要比喻年紀老邁，一事無成。郭沫若在〈沸羹集序〉:「這裡有些是應景的文章,不免早已有明日黃花之感。」說的是過氣落伍的事。

明日黃花一句中，「明日」是指重陽次日，一些近年文章的作者觀念錯誤，寫成「昨日黃花」，常引起文化界批評。

二. 自圓其說：自我幻想，強詞奪理的意思