點解咁串_精華篇2

#點解咁串#其中一個目的, 在於搵到呢個單元字彙同自己有咩別嘢關係? 或者講有冇關係? 如果唔拆解, 自然唔知道呢個字點樣用喺生活細節入面; 更唔知道點樣融入人際關係; 最重要嘅喺掌握點樣同人相處之餘, 仲可以自保唔會受到傷害! 講雖然喺咁講, 始終都喺筆者愚見嘅餘緒, 唔一定啱大家口味.

呢個系列側重於精神狀態, 影響咗心態, 到最後喺帶動咗形態! 喺呢三態之中, 全部都喺當事人自編自導自演嘅一幕人生折子戲! 至於能唔能夠被人廣大受落, 就要睇吓出發點喺啲乜! 我哋呢啲凡夫俗子, 梗喺冇聖賢君子咁高修養, 出發點除咗自私之外, 仲喺自私, 總唔會講到自己有幾咁偉大為國為民.

所謂物極必反嘅物理原則, 當自私嘅事做得太多次之後, 內心痛苦就喺好難避免. 不過, 我哋因為死要面子尊嚴, 自然唔會知道以及承認錯在自己. 其實, 我哋睇番痛苦嘅英文字串法MISERY, 加上用心拆解, 就可以拆成 :

MISERY = MISER IS ME (痛苦 = 孤寒喺自己), 即喺話痛苦喺由自己孤寒作風一手造成.

知道自己痛苦嘅原因之後, 想唔想繼續痛苦落去? 如果想, 就結埋心水一路痛苦到斷氣為止! 如果唔想, 就應該改下孤寒嘅作風, 變成大方慷慨. 成個字最重要嘅部份喺自己(ME)! 所以, 改唔改? 睇自己決定! 唔想改? 都喺睇自己決定! 一切由當事人自己話事, 可以講想過點樣嘅人生, 都喺睇自己嘅決定!