不稀罕
2014/08/15 08:41:30 網誌分類: 生活
你想貓爺做A,牠永遠給你B。 天氣仍熱,忍不住買了張竹蓆給八貓取涼,摸上手蓆面確是冰涼,心想貓會欣賞,喜孜孜帶回家。 骰仔一馬當先踏上去試溫,坐了一會就走掉,阿Miu嗅嗅,一副儍更更的表情,除此以外,竟然沒有貓看得上眼! 環顧四周,有的倚窗台,有的睡飯桌面,Mo仔和紅豆疊住坐在沙發上,其餘的就佔領了我的大腿,米爺繼續在客廳大字形攤開,哥哥當然塞在生果盤內,可憐好好一張冰涼竹蓆,被冷落在一旁。 把竹蓆移近貓爺出沒的貓兜旁吧,不知那隻貓卻將它撥到一旁,不屑一顧。是貓不愛竹蓆氣味?還是唔Like那種質感? 貓只願意躺在自己覺得舒適的空間,而牠的舒適,跟人所謂的舒適非常不同,例如我就不明白,哥哥身形已經大得塞不入生果盤了,但牠依然堅持要塞入去。 可能貓性就係咁,你想佢做咩佢偏不要,或者到我收歸己用時,貓爺就會來搶了。 關慧玲 |
hehe... 見到佢地咁肥美,總係好想一啖咬落去.
臻淇貞子 ,
係哦,你真係有超高想像力呢
哥哥有性格, ,不會貪心忘舊麻,,,,,,,,,,
哥哥個貓樣超Q!
我買俾我兩隻貓GE玩具...通常放係度半年先會有興趣玩= = 哈
而且佢地要坐低OR 訓的地方..決定了愛上了..點趕都趕唔走..
有一隻中意我媽煮飯時一定要坐係廚房 XDDD 但時常都怕油煙想趕佢走...就發脾氣咬人
哥哥cupcake