影視雜扯

2014/08/19 08:58:38 網誌分類: 影視
19 Aug

一位廿幾歲嘅女藝人,為左錢男又啱、女又啱、老又啱、嫩又啱;為左上位,逢人均擦鞋!最近出左事,扮可憐、扮受害人、扮無知少女….唉!真係信佢都傻。幾廿年前,林過雲事件,佢女友講左句金句:「我係教徒,我唔講大話架!」嚟幫林生脫罪;事隔幾廿年,呢位仁紅又照版煮碗,搬如來佛祖出嚟,總唔怕涉濁神明!今日仲話去外國讀書學演技喎,唔該佢先學吓點樣做一個正常人先啦!

 

原本呢啲人,要樣無樣、要演技無演技!如果響以前,一早拎左去堆田區,祇不過,依家電視台正所謂蜀中無大將,有演技果啲,個個年過四十;稍為年青果啲,一個二個好似整容整上癮咁----木偶鼻、膠面、插蘇鼻、V殺下巴…..,為左與一些有份量嘅藝人保持良好關係,電視台連佢地嘅親朋戚友都一窩蜂咁收晒做藝員---這些人當中木口木面嘅又有、整容整到唔知咩嘢樣嘅又有........,淨係演技冇咋!

 

另一位無樣貌、有才華嘅男藝人,去年帶左一班不知所謂嘅人入電視台(外藉人又有、肥到見倒佢發惡夢嘅又有、總之係岩岩巉巉,唔不欲觀之矣),仲要係唔係都加插佢地響唔同嘅節目度!一些古靈精怪嘅人,祇會間唔中有一個半個角色啱佢地,睇第二次經已討厭、依家仲要晚晚監你睇落去!

 

最近無線高層聽聞有變,有某高層因不敵由別台殺入嚟果位阿姐,聽講經已搵定後路走咯!但係,奇就奇在果位咁硬嘢嘅新紮阿姐有咩嘢叻?佢帶入嚟果位號數先生唔得、帶入嚟果位翠BB私德與演技都唔得、佢果個假情侶拍檔又唔得…..唉!咁樣睇嚟,日後呢個台仲何以維生呢?

 

用人為親,我呢排睇咁多歷史劇都知係死症嚟,何解仲要錯落去?

回應 (0)
我要發表
user